Birthday bumps | ఇదేమి సైకోయిజం.. బర్త్‌డే బంప్స్‌తో విద్యార్థి ఆస్పత్రి పాలైన ఘటన
Birthday bumps | బర్త్‌డే వేడుకల్లో స్నేహితులు సరదాగా ఆటపట్టించడం సాధారణమే అయినా, ఇటీవల ‘బర్త్‌డే బంప్స్’ పేరిట జరుగుతున్న ఘటనలు తీవ్ర ఆందోళన కలిగిస్తున్నాయి. ఈ బంప్స్ ఇప్పుడు చిన్నారుల ఆరోగ్యాన్ని సీరియస్‌గా హానిచేస్తున్నాయి. తాజాగా హైదరాబాద్‌ నాచారులోని ఢిల్లీ పబ్లిక్ స్కూల్‌లో విద్యార్థి ఒకరు ఈ తప్పుడు సరదాకు బలి అయ్యాడు.పుట్టినరోజు సందర్భంగా స్కూల్‌లో లంచ్ టైంలో విద్యార్థిని అతడి స్నేహితులు పట్టుకొని గాల్లోకి ఎత్తుతూ బర్త్‌డే బంప్స్ ఇచ్చారు.
#image_title
ఇదేం గోల..
అయితే ఈసారి వారి ఆట మరీ శ్రుతిమించిపోయింది. దాడి స్థాయికి వెళ్లిన ఆ బంప్స్‌లో విద్యార్థి మర్మాంగాలకు తీవ్రమైన గాయాలయ్యాయి. వృషణాల్లో ఉబ్బరం ఏర్పడి, రక్తస్రావం కూడా మొదలైంది. స్కూల్ సిబ్బంది పరిస్థితి తీవ్రంగా ఉండటాన్ని గమనించి, వెంటనే అతడిని బంజారాహిల్స్‌లోని ఓ ప్రైవేట్ ఆసుపత్రికి తరలించారు. అక్కడ అత్యవసరంగా శస్త్రచికిత్స నిర్వహించాల్సి వచ్చింది. ప్రస్తుతం విద్యార్థి ప్రమాదం నుంచి బయటపడినా, మూడు నెలలపాటు బెడ్‌రెస్ట్‌ అవసరం అని డాక్టర్లు తెలిపారు.
ఈ ఘటనపై పోలీసులు స్పందించారు. బాధిత విద్యార్థి తల్లిదండ్రుల ఫిర్యాదు మేరకు పలు విద్యార్థులతో పాటు స్కూల్ యాజమాన్యంపై కేసు నమోదు చేసి దర్యాప్తు ప్రారంభించారు. ఈ ఘటన స్కూళ్లలో పిల్లల మధ్య జరుగుతున్న అతి సరదా తీరుపై ప్రశ్నలు కలిగిస్తోంది. పాఠశాలలు, తల్లిదండ్రులు, విద్యార్థులంతా ఈ తరహా ప్రమాదకరమైన సంప్రదాయాలపై మరింత జాగ్రత్త వహించాల్సిన అవసరం ఉంది. సరదా పేరుతో ప్రాణాలకు భయం కలిగించే స్థాయికి వెళ్లకూడదు.
Also read
