Ind vs Pak : అన్ని టీఆర్పీల రేటింగ్లని చెరిపేసిన పాక్, ఇండియా మ్యాచ్.. ఎంత మంది వీక్షించారంటే..!
Ind vs Pak: గతేడాది టీ20 వరల్డ్ కప్ లో భారత్ .. పాక్ చేతిలో దారుణంగా ఓటమి పాలైన విషయం తెలసిందే. ఆ ఓటమికి అచ్చంగా ప్రతీకారం తీర్చుకుంది టీమిండియా. దాయాది పాకిస్తాన్తో జరిగిన ఆ మ్యాచ్లో ఫస్ట్ బ్యాటింగ్కి దిగిన పాక్ని ఓ ఆటాడుకున్నారు బౌలర్లు. ముఖ్యంగా భువి, పాండ్యా తమ సత్తా చాటారు. రిజ్వాన్ తప్ప.. ఇంకెవర్నీ నిలదొక్కుకోనివ్వలేదు మన బౌలర్లు. భువి పాకిస్తాన్పై బెస్ట్ ఫిగర్స్ నమోదు చేశాడు. 26 పరుగులకు 4 వికెట్లు తీస్తే.. కీలక సమయాల్లో చెలరేగిన పాండ్యా 24 రన్స్ ఇచ్చి 3 వికెట్లు పడగొట్టాడు. దీంతో పాక్ 19.5 ఓవర్లలో 147కి ఆలౌట్ అయింది.148 పరుగుల లక్ష్యంతో బరిలోకి దిగిన భారత్ కాస్త కష్టపడుతూనే ఆ లక్ష్యాన్ని ఛేదించింది.
Ind vs Pak: భారీగా ఆదరణ..
పాండ్యా వేగంగా పరుగులు సాధించేందుకు మొగ్గు చూపాడు. జడేజా 29 బంతుల్లో 35 పరుగులు చేశాడు. ఇందులో రెండు సిక్సులు, రెండు ఫోర్లున్నాయి. చివరి ఓవర్లో జడేజా భారీ షాట్ కొడదామని యత్నించి.. ఫస్ట్ బాల్కే ఔటయ్యాడు. ఆ తర్వాత మ్యాచ్ని గెలిపించే బాధ్యతని పాండ్యా తీసుకున్నాడు. సిక్సర్ కొట్టి మ్యాచ్ని గెలిపించాడు. అయితే ఈ హైఓల్టేజ్ సమరం కావాల్సినంత మజాను అందించింది. తూటాలు, తుపాకులు లేని ఈ యుద్దంలో దక్కిన విజయం భారత అభిమానులను సంతోషపర్చగా.. అధికారిక బ్రాడ్ కాస్టర్ స్టార్ స్పోర్ట్స్ పంటపండించింది. రికార్డు వ్యూయర్షిప్తో సరికొత్త చరిత్ర లిఖించింది. ఓటీటీ ఫ్లాట్ఫామ్ డిస్నీ హాట్ స్టార్స్ ఆల్టైమ్ రికార్డు నమోదు చేసింది
INd Vs PAk Got High TRP Ratings In OTT and 1cr 30L Highest Views
ఆదివారం జరిగిన ఈ మ్యాచ్ను డిస్నీ హాట్స్టార్లో గరిష్టంగా కోటీ 30 లక్షల మంది చూశారు. ఇప్పటి వరకు హాట్స్టార్ హయ్యెస్ట్ వ్యూస్ కోటీ 20 లక్షలు మాత్రమే. గతేడాది టీ20 ప్రపంచకప్లో భారత్Xపాకిస్థాన్ మధ్య జరిగిన మ్యాచ్కు, ఐపీఎల్ 2022 సీజన్ ఫైనల్ల్లో ఈ వ్యూస్ వచ్చాయి. తాజా మ్యాచ్ ఆ రికార్డులన్నిటీని ఆసియాకప్ మ్యాచ్ అధిగమించింది. హాట్స్టార్లోనే ఇన్ని వ్యూస్ వచ్చాయంటే.. టీఆర్పీ రేటింగ్స్లో స్టార్ స్పోర్ట్స్ రికార్డులు సృష్టించినట్లే. ఆదివారం కావడం.. గత కొన్ని రోజులుగా ఈ మ్యాచ్ గురించి భారీ ఎత్తున ప్రచారం జరగడం.. విరాట్ కోహ్లీ రీఎంట్రీ ఇచ్చిన నేపథ్యంలో ఈ మ్యాచ్పై భారీ హైప్ ఏర్పడిన విషయం విదితమే.