Karthika Deepam Latest Episode : కార్తీక దీపం 02 ఆగస్టు 2021 సోమవారం ఎపిసోడ్ 1107 హైలైట్స్ చూస్తే.. డాక్టర్ బాబు.. రోషిణి మేడం దగ్గరకు వెళ్తాడు. ఏంటి డాక్టర్ బాబు ఇక్కడికి వచ్చారు.. అంటే మోనిత గురించి మాట్లాడటానికి వచ్చాను అంటారు. మీరే నేరం చేశారు.. మోనిత కడుపులో పెరుగుతున్న బిడ్డ సంగతి ఏంటి? ఇన్ని రోజులు మోనితను ఎందుకు భరించావు. పోలీసులకు ఎందుకు ఫిర్యాదు చేయలేదు. మోనిత చుట్టు ఇన్ని రోజులు తిరిగి.. ఇప్పుడు ఎందుకు మోనిత మీద నిందలు వేస్తున్నావు. నువ్వు ఒక డాక్టరే కదా. మరి మోనిత కడుపులో పెరుగుతున్న బిడ్డ గురించి ఏం సమాధానం చెబుతావు. మోనిత ఇంటికి నువ్వు ఎందుకు ఊరికే వెళ్లావు. నీకు నచ్చినప్పుడు వెళ్తావు.. ఇప్పుడు మాత్రం మోనితను వద్దంటున్నావా? మీ ఇద్దరి మధ్య స్నేహమే ఉంటే… మోనిత కడుపులో బిడ్డ ఎందుకు పెరుగుతోంది.. అంటూ రోషిణి.. డాక్టర్ బాబును నిలదీస్తుంది.

దీంతో ప్రస్ట్రేషన్ లో స్టాప్ ఇట్ మేడం.. ఐయామ్ సారీ మేడం.. మోనితను నేను ఒక ఫ్రెండ్ గానే చూశాను. నేనెప్పుడూ హద్దులు దాటలేదు. కానీ హద్దులు చెరిపేశాను. మోనితను నమ్మాను. నేను మాత్రం దీపకు అన్యాయం చేయలేను. నన్నేం చేయమంటారు చెప్పండి.. అని డాక్టర్ బాబు చెప్పగానే.. మరి మోనిత పెళ్లి జరుగుతుందా? జరగదా? మోనితకు కడుపు చేసి.. ఇప్పుడు దీపకు అన్యాయం చేయను అని ఎలా చెబుతున్నారు.. అని ప్రశ్నిస్తుంది రోషిణి.

Karthika Deepam Today Episode : దీపను మెచ్చుకున్న రోషిణి మేడమ్

నాకు దీప వ్యక్తిత్వం నచ్చింది. దీప కూడా మీ గురించి మంచిగా చెప్పింది. నేను నిజానికి నేరం చేసిన వాళ్లను ఎవ్వరినీ వదలను. నాకు డ్యూటీనే ముఖ్యం కానీ.. దీపను చూస్తే జాలేసింది. తనను చూస్తే పరిపూర్ణమైన స్త్రీని చూసినట్టు అనిపించింది. భర్తలో మార్పు కోసం 10 ఏళ్లు పోరాడి పోరాడి అలసిపోయింది దీప. ఇప్పుడు నిన్ను అరెస్ట్ చేస్తే పరిస్థితి ఏంటి? దీప, మోనిత.. ఇద్దరూ నాశనం అవుతారు. దీపను సేవ్ చేయాలంటే అంజి గురించి తెలిసింది. అందుకే.. అంజిని పట్టుకుంటే అన్ని విషయాలు తెలుస్తాయి. నేను వచ్చింది కూడా అంజి గురించి మాట్లాడటానికే మేడమ్ అని అనగానే.. వద్దు మీరు ఇన్వెస్టిగేషన్ చేయకండి. అంజి సంగతి నేను చూసుకుంటా. మీరు వెళ్లండి.. దీపతో, పిల్లలతో సంతోషంగా ఉండండి.. అని రోషిణి మేడమ్ చెప్పగానే.. డాక్టర్ బాబు అక్కడి నుంచి వెళ్లిపోతాడు.

సీన్ కట్ చేస్తే.. మోనిత దగ్గరికి వెళ్తుంది. మోనిత.. తనకు జరిగిన అవమానం గురించే తలుచుకుంటూ ఉంటుంది. ఇంతలో ప్రియమణి వచ్చి అంజి ఎవరమ్మా.. అంటూ మోనితను ప్రశ్నిస్తుంది. దీంతో వెంటనే కంగారు పడుతుంది మోనిత. ఇదే కంగారును నేను దీప వచ్చినప్పుడు కూడా చూశా. అంజి అనగానే ఎందుకు అంత టెన్షన్ పడుతున్నారు. మీకు కడుపు చేసి కార్తీక్ తప్పు చేశాడని నేను ఇప్పటి దాకా అనుకున్నాను కానీ.. నాకెందుకో మీరే తప్పు చేశారని అనిపిస్తోంది. చెప్పండి.. అసలు అంజి ఎవరు. మీరు నన్ను కొట్టినా.. తిట్టినా నేను మాత్రం అస్సలు ఇక్కడి నుంచి వెళ్లిపోను. నాకు అంజి ఎవరో చెప్పాల్సిందే. అనగానే నోర్మూయ్.. ఇక్కడి నుంచి వెళ్లిపో.. అంటూ సీరియస్ వార్నింగ్ ఇస్తుంది మోనిత.

కట్ చేస్తే.. సీన్ దీప దగ్గరికి వెళ్తుంది. అంజి ఆచూకీ తెలిసిందని రోషిణి మేడమ్ దీపకు కాల్ చేసి చెబుతుంది. అంజి సూర్యాపేటలో ఉన్నాడని.. వెంటనే అక్కడికి వెళ్లాలని.. కార్తీక్ కు కూడా ఈ విషయం తెలియకుండా వెళ్లు అంటూ చెబుతుంది రోషిణి మేడమ్. ఆతర్వాత అంజి ఆచూకీ విషయం మోనితకు కూడా తెలుస్తుంది. వెంటనే మోనిత కూడా సూర్యాపేట బయలు దేరుతుంది.

అయితే.. సూర్యాపేట బయలుదేరామని అనుకోగానే.. డాక్టర్ బాబు ఇంటికి వస్తాడు. చాలా నెర్వస్ గా కనిపిస్తాడు. ఏమైంది.. అలా ఉన్నారు. సరే.. నేను బయటికి వెళ్తున్నాను. ఒక పని మీద. పిన్ని దగ్గరికి వెళ్తున్నా.. అనగానే.. నా కోసం నువ్వు ఏదైనా రిస్క్ తీసుకుంటున్నావేమో అని అనిపిస్తోంది.. అనగానే మన కోసం తప్పదు. మీరు రాకండి. నేను వెళ్తా.. అని చెప్పి డాక్టర్ బాబుకు సర్దిచెబుతుంది దీప.