MLA KethiReddy : ఏ పనికిమాలినోడు చెప్పాడు ఇల్లు ఉన్నా ఇళ్లు వస్తదని.. లేడి పై MLA కేతిరెడ్డి ఫైర్
MLA KethiReddy ; ఏపీ రాజకీయాలలో ధర్మవరం ఎమ్మెల్యే కేతిరెడ్డి వెంకట్రామిరెడ్డి పేరు తెలియని వారు ఉండరు. నిత్యం ప్రజలలో ఉంటూ ప్రజా సమస్యల తీరుస్తూ తన నియోజకవర్గంలో అన్ని వర్గాల ప్రజల బాగోగులు దగ్గరుండి చూసుకుంటారు. ఫ్యాక్షన్ నేపథ్యం కలిగిన కుటుంబం అయిన గాని … నియోజకవర్గంలో తాను ఎమ్మెల్యే అయ్యాక ఎక్కడ కూడా ఫ్యాక్షన్ లేకుండా చాలా జాగ్రత్తలు పడ్డారు. గొడవలు కారణంగా ఏ కుటుంబం నష్టపోకుండా… పార్టీలకతీతంగా పరిపాలన అందిస్తూ ఉన్నారు. దీనిలో భాగంగా ఎమ్మెల్యే కేతిరెడ్డి నిర్వహించే “గుడ్ మార్నింగ్ ధర్మవరం” కార్యక్రమం రాష్ట్ర రాజకీయాల్లో పెను సంచలనం సృష్టించింది.
MLA Kethireddy Fires on Admin in good morning dharmavaram program
ధర్మవరం నియోజకవర్గంలో ఒకరోజు ఒకో ప్రాంతంలో పర్యటిస్తూ ప్రజా సమస్యల పరిష్కారంలో ఎమ్మెల్యే కేతిరెడ్డి అక్కడికక్కడే పరిష్కారాలు చూపిస్తూ ఉంటారు. ఈ క్రమంలో ఇటీవల ఓ ప్రాంతంలోకి వెళ్లిన సమయంలో ఓ అవ్వ మనవరాలు పట్టుకొని నిలబడింది. అయితే ఆమెను చూసిన ఎమ్మెల్యే కేతీరెడ్డి… సమస్యలు ఏమైనా ఉన్నాయా అని ప్రశ్నించారు. దానికి ఆమె ఇల్లు రాలేదని ఎమ్మెల్యేకి తెలియజేసింది. అయితే వెంటనే సదరు ఏరియా వాలంటీర్ తో పాటు అక్కడ సిబ్బందిని ఆమెకు ఎందుకు ఇల్లు రాలేదో.. రికార్డులు చెక్ చేయాలని కోరడం జరిగింది. అయితే అప్పటికే ఆమెకు సొంత ఇల్లు ఉన్నట్లు రికార్డులో తేలింది. దీంతో సొంత ఇల్లు ఉన్నవారికి కొత్త ఇల్లు ఇచ్చే ప్రసక్తి లేదని ఆమెకు ఎమ్మెల్యే బదులిచ్చారు.
కానీ ఆమె తమ ప్రాంతంలో సొంత ఇల్లు ఉన్న వారికి కూడా ఇల్లు వచ్చాయని ఎమ్మెల్యేకు చెప్పటంతో ఒక్కసారిగా ఎమ్మెల్యే ఫైర్ అయ్యారు. ఏ పనికిమాలినోడు చెప్పాడు ఇల్లు ఉన్న ఇల్లు వస్తదని. అటువంటిది ఏమీ కూడా సిస్టంలో లేవు. ప్రతిదీ కూడా… రికార్డెడ్ గా ఉంటుంది. ఏదో ఆన్లైన్ లో తప్పిదం జరిగి ఉంటది. మరోసారి ప్రతీది చెక్ చేయండి. లేకపోతే ఇల్లు ఉన్నవారు మరోసారి ఇల్లు కావాలని ఎందుకు అడుగుతారు అని అక్కడ సిబ్బందిని ఎమ్మెల్యే కేతిరెడ్డి గట్టిగా హెచ్చరించారు. ఈ ఘటన సోషల్ మీడియాలో వైరల్ అవుతుంది.