Passion fruit | అద్భుతమైన పండు.. కృష్ణ పండు (పాషన్ ఫ్రూట్), దాని ఆకుల ప్రయోజనాలు తెలుసా?

Passion fruit | ప్రకృతి మనకు అందించిన ఆహారాల్లో పుష్కలంగా పోషకాలు ఉండే వాటిలో పాషన్ ఫ్రూట్ (కృష్ణ పండు) ఒకటి. ఇది కేవలం రుచికి మాత్రమే కాదు.. ఆరోగ్యానికి అనేక విధాలుగా మేలు చేస్తుంది. తీగజాతికి చెందిన ఈ మొక్క పండ్లతోపాటు ఆకులలోనూ అరుదైన ఔషధ గుణాలు ఉంటాయని నిపుణులు చెబుతున్నారు.

రుచితో పాటు ఆరోగ్యాన్ని ఇచ్చే పండు

పాషన్ ఫ్రూట్ లోపలి భాగం జ్యూసీగా, తేనెరసం లాంటి మెత్తని పదార్ధంతో నిండి ఉంటుంది. ఇది శక్తివంతమైన ఫైబర్, యాంటీ ఆక్సిడెంట్లు, విటమిన్ ఏ, బీటా కెరోటిన్, పొటాషియం, విటమిన్ సి లతో నిండి ఉంటుంది. ఇవన్నీ కలిసి శరీరాన్ని ఆరోగ్యంగా ఉంచడంలో కీలక పాత్ర పోషిస్తాయి.

పాషన్ ఫ్రూట్ ఆరోగ్య ప్రయోజనాలు:

శక్తివంతమైన యాంటీఆక్సిడెంట్లు: శరీరంలోని ఫ్రీ రాడికల్స్‌ ను తొలగించి రోగనిరోధక శక్తిని పెంపొందిస్తాయి.

మధుమేహ నియంత్రణ: తరచూ తీసుకోవడం వల్ల బ్లడ్ షుగర్ లెవెల్స్‌ నియంత్రణలో ఉంటాయి.

కంటి ఆరోగ్యం: ఇందులో ఉండే విటమిన్ A, బీటా కెరోటిన్ కంటికి సంబంధించిన రుగ్మతలు, అంధత్వాన్ని నివారిస్తాయి.

క్యాన్సర్ రక్షణ: కొన్ని అధ్యయనాల ప్రకారం, ఈ పండు తీసుకోవడం వల్ల గ్యాస్ట్రిక్ క్యాన్సర్ వంటి సమస్యల నుంచి రక్షణ పొందవచ్చు.

బరువు నియంత్రణ: అధిక ఫైబర్ కారణంగా, ఇది జీర్ణక్రియను మెరుగుపరచి బరువు తగ్గించడంలో సహాయపడుతుంది.

ఆకులు కూడా అమూల్యమైనవే!

పాషన్ ఫ్రూట్ ఆకులు కూడా పండ్లంతే శక్తివంతమైన పోషకాలతో నిండి ఉంటాయి.

ఆకుల్లో విటమిన్ సి, ఫ్లావనాయిడ్లు, యాంటీ ఇన్‌ఫ్లమేటరీ గుణాలు ఉండడం వల్ల అవి ఔషధంగా పనిచేస్తాయి.

ఆకుల కషాయం లేదా రసం తీసుకోవడం వల్ల బీపీ, బ్లడ్ షుగర్, నాడీ సంబంధిత సమస్యలు తగ్గుతాయి.

డయాబెటిస్ ఉన్నవారికి ఇవి చాలా మేలు చేస్తాయని ఆయుర్వేద నిపుణులు సూచిస్తున్నారు.