Ram Charan : ఏంటి.. చర‌ణ్‌-జాన్వీతో జ‌గ‌దేకవీరుడు అతిలోక సుందరి పార్ట్‌2 నా.. బాక్సాఫీస్ బ‌ద్ద‌లే..!

Ram Charan : అందాల ముద్దుగుమ్మ జాన్వీ క‌పూర్ బాలీవుడ్‌లో త‌న స‌త్తా చాటి ఇప్పుడు టాలీవుడ్‌లో అడుగుపెట్టింది. ముందుగా ఎన్టీఆర్‌తో క‌లిసి దేవ‌ర అనే సినిమాకి గ్రీన్ సిగ్న‌ల్ ఇచ్చిన ఈ భామ ఆ త‌ర్వాత రామ్ చ‌ర‌ణ్ మూవీకి కూడా సైన్ చేసింది. ప్ర‌స్తుతం దేవ‌రలో న‌టిస్తున్న జాన్వీ త్వ‌ర‌లో చ‌ర‌ణ్‌తో క‌లిసి బుచ్చిబాబు స‌న ద‌ర్శ‌క‌త్వంలో క్రేజీ పాత్ర చేయ‌నుంద‌ట‌. అయితే అప్ప‌ట్లో చిరంజీవి- శ్రీదేవి క‌లిసి జ‌గ‌దేకవీరుడు అతిలోక సుందరి చిత్రం చేయ‌గా, అది సూప‌ర్ హిట్ అయింది. ఇప్పుడు వారి పిల్ల‌లు రామ్ చ‌ర‌ణ్‌- జాన్వీ క‌పూర్ క‌లిసి చేయ‌నున్న చిత్రం కూడా బ్లాక్ బ‌స్ట‌ర్ అవుతుంద‌ని అంటున్నారు. మ‌రోవైపు చ‌ర‌ణ్‌, జాన్వీ క‌లిసి జ‌గ‌దేకవీరుడు అతిలోక సుందరి పార్ట్‌2 చేస్తే మాత్రం బాక్సాఫీస్ బ‌ద్దలు అయిపోతాయ‌ని అంటున్నారు. అయితే దీనిపై తాజాగా చిరు స్పందించారు.

Ram Charan : చిరు మ‌న‌సులో మాట‌

సౌత్ ఇండియా ఫిల్మ్ ఫెస్టివల్ 2024లో పాల్గొన్న చిరంజీవిన బాలీవుడ్ ఫిల్మ్ క్రిటిక్ రాజీవ్ మసంద్ ఆయన్ని ఇంటర్వ్యూ చేశారు. ఈ క్రమంలో ఆయన పలు ఆసక్తికర విషయాలు వెల్లడించారు. మాస్ క‌మ‌ర్షియ‌ల్ చిత్రాల‌లో అభిమానులు నన్ను చూడ‌డానికి ఎంతో ఇష్ట‌ప‌డ‌తారు. రుద్రవీణ మూవీ వలన నాకు మంచి పేరొచ్చింది. కానీ నిర్మాతగా ఉన్న నా తమ్ముడు నాగబాబు మాత్రం చాలా నష్టపోయాడు అని చిరంజీవి చెప్పారు. ఇక ఎస్పీ బాలసుబ్రమణ్యం ఒక‌సారి నాకు దంగల్ వంటి చిత్రాలు చేయవచ్చుగా అని స‌ల‌హా ఇచ్చారు. అప్పుడు నేను నిర్మాత‌లు న‌ష్ట‌పోతార‌ని చెప్పాను. మాస్ కమర్షియల్ చిత్రాలు మాత్ర‌మే నా నుండి కోరుకుంటున్నారు. డాన్సులు, ఫైట్స్, ఎమోషనల్ సీన్స్ ఆడియన్స్ కి కనెక్ట్ అవుతాయ‌ని చిరు స్ప‌ష్టం చేశారు.

ఇక జాన్వీ కపూర్-చరణ్ జగదేకవీరుడు అతిలోక సుందరి పార్ట్ 2 చేస్తే చూడాలని ఉందనే కోరిక కూడా బయటపెట్టాడు చిరంజీవి.ఇటీవ‌ల జాన్వీని చూసిన వెంటనే శ్రీదేవి గుర్తుకు వచ్చింది. భావోద్వేగానికి గురయ్యాను. శ్రీదేవి లాంటి మంచి న‌టిని సినిమా ప‌రిశ్ర‌మ కోల్పోవ‌డం విషాద‌క‌రం. అయితే రామ్ చరణ్- జాన్వీ కపూర్ జగదేకవీరుడు అతిలోక సుందరి పార్ట్ 2 చేస్తే చూడాలని ఉంది. అది నా కోరిక… అంటూ చిరంజీవి మ‌న‌సులోని మాట‌ని బ‌య‌ట‌పెట్టారు.