Womens Day 2026 : మహిళా దినోత్సవం సందర్బంగా మహిళలకు గొప్ప శుభవార్త తెలిపిన తెలంగాణ ప్రభుత్వం
Authored By Sudheer Ramanujam
| The Telugu News | Updated on :
7 March 2026,
1:30 pm 
Womens Day 2026 : తెలంగాణ ముఖ్యమంత్రి రేవంత్ రెడ్డి నేతృత్వంలోని ప్రభుత్వం మహిళా సంక్షేమమే ధ్యేయంగా మరో చారిత్రాత్మక నిర్ణయం తీసుకుంది. అంతర్జాతీయ మహిళా దినోత్సవం (మార్చి 8) సందర్భంగా మహిళల కోసం ప్రత్యేకంగా ‘ఆరోగ్య మిషన్’ను ప్రారంభిస్తూ, టీ-డయాగ్నస్టిక్స్ ద్వారా సుమారు 30 రకాల కీలక వైద్య పరీక్షలను ఉచితంగా అందించాలని నిర్ణయించింది. ఈ పథకం ద్వారా గ్రామీణ మరియు పట్టణ ప్రాంతాల్లోని కోటి మంది మహిళలకు ఆరోగ్య భరోసా లభించనుంది. కేవలం పరీక్షలకే పరిమితం కాకుండా, ప్రతి మహిళకు ఒక ‘డిజిటల్ హెల్త్ ప్రొఫైల్’ ను రూపొందించనున్నారు. దీనివల్ల భవిష్యత్తులో వారికి ఏదైనా అనారోగ్యం సంభవిస్తే వారి పూర్తి వైద్య చరిత్ర వైద్యులకు ఆన్లైన్లో అందుబాటులో ఉంటుంది. ప్రాణాంతకమైన క్యాన్సర్ వంటి వ్యాధులను ముందస్తుగా గుర్తించేందుకు ప్రత్యేక స్క్రీనింగ్ పరీక్షలను కూడా ఇందులో అంతర్భాగం చేయడం మహిళల పట్ల ప్రభుత్వానికి ఉన్న చిత్తశుద్ధిని తెలియజేస్తుంది.
Womens Day 2026 : మహిళా దినోత్సవం సందర్బంగా మహిళలకు గొప్ప శుభవార్త తెలిపిన తెలంగాణ ప్రభుత్వం
ఆరోగ్యంతో పాటు మహిళల ఆర్థిక భద్రత కోసం ప్రభుత్వం డ్వాక్రా మహిళలకు రూ.10 లక్షల బీమా సౌకర్యాన్ని ప్రకటించి పెద్దపీట వేసింది. ఇప్పటివరకు పొదుపు సంఘాల సభ్యురాలు చనిపోతే ఆ బకాయిలు కుటుంబంపై భారంగా మారేవి, కానీ కొత్త పాలసీ ప్రకారం సదరు రుణాన్ని ప్రభుత్వమే బ్యాంకులకు చెల్లిస్తుంది. ఇన్సూరెన్స్ ప్రీమియంను కూడా ప్రభుత్వమే భరిస్తూ బాధిత కుటుంబాలకు అండగా నిలుస్తోంది. ఇప్పటికే అమలులో ఉన్న ఉచిత బస్సు ప్రయాణం, రూ.500లకే గ్యాస్ సిలిండర్ వంటి పథకాలకు తోడుగా, మహిళలను కోటీశ్వరులను చేయడమే లక్ష్యంగా వడ్డీ లేని రుణాలు, క్యాంటీన్లు, మరియు అద్దె బస్సుల యాజమాన్య హక్కులను కల్పిస్తూ రేవంత్ సర్కార్ మహిళా సాధికారత దిశగా అడుగులు వేస్తోంది. రానున్న బడ్జెట్లో మహిళల కోసం మరిన్ని కొత్త పథకాలను ప్రవేశపెట్టేందుకు ప్రభుత్వం సిద్ధమవుతోంది.
Also read
