Telangana Jobs : తెలంగాణ వైద్య ఆరోగ్య శాఖలో 5,348 పోస్టుల భర్తీకి నోటిఫికేషన్ విడుదల…!

Telangana Jobs : తెలంగాణ రాష్ట్రంలోని వైద్య ఆరోగ్య శాఖకు చెందిన వివిధ విభాగాలలో దాదాపు 5,348 పోస్టులను భర్తీ చేసేందుకు గాను తెలంగాణ రాష్ట్ర ఆర్థిక శాఖ నోటిఫికేషన్ విడుదల చేయడం జరిగింది. ఇక ఈ నోటిఫికేషన్ లో అసిస్టెంట్ ప్రొఫెసర్లు, సివిల్ అసిస్టెంట్ సర్జన్లు, స్టాఫ్ నర్స్ లు, ఫార్మాసిస్టులు , ల్యాబ్ టెక్నీషియన్స్ ,ANM , బయో మెడికల్ ఇంజనీర్లు , బయో మెడికల్ టెక్నీషియన్ , ఆడియో విజువల్ టెక్నీషియన్స్ , జూనియర్ సిటీ స్కాన్ టెక్నీషియన్ , డెంటల్ హైజెనిస్ట్ , ఈసీజీ టెక్నీషియన్ , ఈఈజి టెక్నీషియన్ , లెక్చరర్ , రేడియోగ్రాఫర్ , మౌల్డ్ టెక్నీషియన్ వంటి పోస్టులను భర్తీ చేయనున్నారు.

ఈ నోటిఫికేషన్ ద్వారా భర్తీ చేయనున్న పోస్టులు అన్నీ కూడా తెలంగాణ వైద్య ఆరోగ్య శాఖకు చెందిన తెలంగాణ వైద్య విద్య డైరెక్టర్ , తెలంగాణ వైద్య విధాన పరిషత్ , తెలంగాణ ప్రజారోగ్య కుటుంబ సంక్షేమ శాఖ , ఐపిఎం , ఆయుష్ ,MNJ క్యాన్సర్ ఆసుపత్రి , ఔషధ నియంత్రణ మండలి వంటి విభాగాలలో ఖాళీలను భర్తీ చేయనున్నారు.వీటిలో అత్యధికంగా వైద్య విధానం పరిస్థితుల్లో 3,235 పోస్టులను భర్తీ చేయనున్నట్లు తెలుస్తుంది. దీనితోపాటు కొత్త వైద్య కళాశాలలో అలాగే బోధనాస్పత్రులలో కూడా ఖాళీలను భర్తీ చేయనున్నారు.

ఇక ఈ నోటిఫికేషన్ ద్వారా భర్తీ చేయనున్న పోస్టుల్లో అత్యధికంగా 1988 స్టాఫ్ నర్స్ ఉద్యోగాలు , 1014 సివిల్ అసిస్టెంట్ సర్జన్లు , 764 ల్యాబ్ టెక్నీషియన్స్ , 596 అసిస్టెంట్ ప్రొఫెసర్ పోస్టులు ,192 ఫార్మాసిస్టుల పోస్టులను భర్తీ చేయనున్నారు. ఇక ఈ ఉద్యోగాల భర్తీకి తెలంగాణ వైద్య సేవల నియామక బోర్డు ద్వారా నోటిఫికేషన్ విడుదల చేయడం జరుగుతుంది. ఈ నోటిఫికేషన్ విడుదల చేసేందుకు ఆర్థిక శాఖ కూడా అనుమతించటం జరిగింది. ఈ మేరకు దీనికి సంబంధించిన చర్యలు తీసుకోవాల్సిందిగా ఉత్తర్వులు కూడా జారీ చేశారు. కావున ఈ పోస్టును భర్తీ చేసేందుకు త్వరలోనే మెడికల్ సర్వీస్ రిక్రూట్మెంట్ బోర్డు నోటిఫికేషన్ విడుదల చేయబోతోంది. కాబట్టి పూర్తి సమాచారాన్ని తెలుసుకోవడానికి సంబంధిత అఫీషియల్ వెబ్ సైట్ లోకి వెళ్లి తెలుసుకోగలరు.