Train Horns: ఆడ‌వాళ్ల మాట‌ల‌కేమోగానీ.. రైలు కూత‌ల‌కైతే అర్థాలు వేరే..! | The Telugu News : Latest Telugu News | Breaking News Telugu | తెలుగు వార్త‌లు | బ్రేకింగ్ న్యూస్ తెలుగు

Train Horns: ఆడ‌వాళ్ల మాట‌ల‌కేమోగానీ.. రైలు కూత‌ల‌కైతే అర్థాలు వేరే..!

Train Horns: ప‌వ‌న్‌కళ్యాణ్ సినిమాలో ఆడ‌వారి మాట‌ల‌కూ.. అర్థాలే వేరులే..! అర్థాలే వేరులే.. అర్థాలే వేరులే..! అని ఓ పాట ఉంటుంది. ఆ పాట‌లో చెప్పిన‌ట్లుగా ఆడ‌వాళ్ల మాట‌ల‌కు అర్థాలు వేరో కాదో తెలియ‌దుగానీ, రైలు బండి కూత‌లకు ( Train horns ) మాత్రం అర్థాలు వేరేన‌ట‌. రైల్వే గార్డులను, సిబ్బందిని, ప్రయాణికులను అప్రమత్తం చేసేందుకు, హెచ్చరించేందుకు రైలు హారన్‌ల‌ను మోగిస్తుంటారు. ఇలా మొత్తం 11 రకాల హార‌న్‌లు ఉన్నాయ‌ట‌. అందులో ఒక్కో ర‌కానికి ఒక్కో […]

 Authored By nagaraju | The Telugu News | Updated on :27 August 2021,1:30 pm

Train Horns: ప‌వ‌న్‌కళ్యాణ్ సినిమాలో ఆడ‌వారి మాట‌ల‌కూ.. అర్థాలే వేరులే..! అర్థాలే వేరులే.. అర్థాలే వేరులే..! అని ఓ పాట ఉంటుంది. ఆ పాట‌లో చెప్పిన‌ట్లుగా ఆడ‌వాళ్ల మాట‌ల‌కు అర్థాలు వేరో కాదో తెలియ‌దుగానీ, రైలు బండి కూత‌లకు ( Train horns ) మాత్రం అర్థాలు వేరేన‌ట‌. రైల్వే గార్డులను, సిబ్బందిని, ప్రయాణికులను అప్రమత్తం చేసేందుకు, హెచ్చరించేందుకు రైలు హారన్‌ల‌ను మోగిస్తుంటారు. ఇలా మొత్తం 11 రకాల హార‌న్‌లు ఉన్నాయ‌ట‌. అందులో ఒక్కో ర‌కానికి ఒక్కో అర్థం ఉంద‌ట‌. మరి ఆ రైలు కూత‌ల అర్థాలేమిటో మ‌నం కూడా తెలుసుకుందామా..?

Train Horns: రైలు హార‌న్‌ల‌లో రకాలు ఇవిగో..

  1. ఒక చిన్న హారన్: లోకో పైలట్ ఒక చిన్న హారన్ కొడితే రైలును శుభ్రం చేయడానికి యార్డుకు తీసుకెళ్తున్నట్టు అర్థమ‌ట‌.
  2. రెండు చిన్న హారన్‌లు: రెండు చిన్న హారన్‌ల శబ్దం వినిపిస్తే రైలు బయలుదేర‌డానికి సిగ్నల్ ఇవ్వాలని గార్టును లోకో పైలట్ కోరుతున్నట్టు అర్థమ‌ట‌.
  3. మూడు చిన్న హారన్‌లు: మూడు చిన్న హారన్‌లు మోగిస్తే మోటార్ పైన తన కంట్రోల్ పోయిందని, వ్యాక్యూమ్ బ్రేక్ వేయాలని గార్డుకు లోకోపైలట్ సమాచారం ఇస్తున్నట్టట‌. ఈ హారన్ చాలా అరుదుగా అవ‌స‌ర‌మ‌వుతుంద‌ట‌.
  4. నాలుగు చిన్న హారన్‌లు: రైలులో ఏద‌న్నా సాంకేతిక సమస్య ఉంటే లోకోపైలట్ నాలుగు సార్లు చిన్న హారన్‌లు మోగిస్తాడ‌ట‌. అంటే రైలు కదలడానికి సిద్ధంగా లేదని అర్థమ‌ట‌.
  5. ఒక లాంగ్ హార‌న్‌, ఒక షార్ట్ హారన్: ఇంజిన్‌ను స్టార్ట్ చేసేముందు బ్రేక్ పైప్ సిస్టమ్ సెట్ చేయాలని గార్డుకు సిగ్నల్ ఇచ్చేందుకు లోకోపైలట్ ఒక లాంగ్, ఒక షార్ట్ హారన్ ఇస్తారట‌.
  6. రెండు లాంగ్ హార‌న్‌లు, రెండు షార్ట్ హారన్‌లు: ఇంజిన్‌ను కంట్రోల్‌లోకి తీసుకోవాలని గార్డుకు సూచిస్తూ లోకోపైలట్ రెండు లాంగ్ హార‌న్‌లు, రెండు షార్ట్ హారన్‌లు ఇస్తారట‌.
  7. నిరంతరాయంగా హారన్: స్టేషన్‌లో హాల్ట్ లేనప్పుడు రైలు ఆగకుండా వెళ్తుందని ప్రయాణికులను అలర్ట్ చేయ‌డం కోసం లోకోపైలట్ నిరంతరాయంగా హారన్ మోగిస్తారట‌. నాన్‌స్టాప్ రైళ్లు, ఎక్స్‌ప్రెస్ రైళ్లు స్టేష‌న్‌ల‌లోకి వచ్చినప్పుడు ఈ హారన్‌లు వినిపిస్తాయ‌ట‌.
  8. రెండు స్వల్ప విరామాలతో రెండు హారన్‌లు: రైలు రైల్వే క్రాసింగ్ దాటేట‌ప్పుడు ప‌ట్టాలు దాటుతున్న వారిని అప్రమత్తం చేసేందుకు లోకోపైలట్ రెండు స్వల్ప విరామాలతో రెండు హారన్‌లు మోగిస్తాడ‌ట‌.
  9. రెండు సార్లు లాంగ్ అండ్ షార్ట్ హార‌న్‌లు: రైలు ట్రాక్ మారుతున్న‌ప్పుడు లోకో పైలట్ రెండు సార్లు లాంగ్ అండ్ షార్ట్ హార‌న్‌లు మోగిస్తాడ‌ట‌.
  10. రెండు షార్ట్ హార‌న్‌లు, ఒక లాంగ్ హారన్: ప్యాసింజర్ చైను లాగినా, గార్డ్ వ్యాక్యూమ్ బ్రేక్ లాగినా లోకోపైలట్ రెండు షార్ట్ హార‌న్‌లు, ఒక లాంగ్ హారన్ మోగిస్తాడ‌ట‌.
  11. ఆరు షార్ట్ హారన్‌లు: రైలు ప్రమాదకర పరిస్థితుల్లో ఉన్నద‌ని లోకోపైలట్ ఆరు సార్లు షార్ట్ హారన్‌లు మోగిస్తాడ‌ట‌.

Also read

nagaraju

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది