Neem tree | ఇంటి దక్షిణంలో వేప చెట్టు నాటండి.. శని దోషాలు తగ్గి, ఆరోగ్య పరిరక్షణ పొందండి!

Neem tree | ఆధ్యాత్మిక పరంగా, ఆరోగ్య పరంగా, జ్యోతిషశాస్త్ర పరంగా ఎంతో ప్రత్యేకత కలిగిన వేప చెట్టు గురించి మళ్లీ చర్చ మొదలైంది. నేటి పట్టణ జీవన శైలిలో గాలి, వెలుతురు లేని ఇళ్లలో నివసిస్తున్న మనం, పల్లెటూర్ల వాతావరణం, పచ్చని చెట్లు, ఆహ్లాదకరమైన వాతావరణాన్ని మరిచిపోతున్నాం. అయితే ఇంటి చుట్టూ వేప చెట్టు ఉంటే కలిగే లాభాలు ఎన్నో ఉన్నాయని నిపుణులు చెబుతున్నారు.

వేప చెట్టు ప్రాముఖ్యత ఏంటి?

వేదాలు, పురాణాలు, జ్యోతిషశాస్త్రాలలో వేప చెట్టుకు ప్రత్యేక స్థానం ఉంది. శనిదేవుడు, కేతు గ్రహంకి అనుబంధంగా ఉండే ఈ చెట్టు, ఆయా గ్రహదోషాల నివారణకు ఉపయోగపడుతుందని నమ్మకం.

వేప ఆకులతో స్నానం చేయడం వల్ల కేతు దోషాలు తొలగుతాయని విశ్వాసం.

వేప చెక్కతో హవనం చేయడం ద్వారా శనిదేవుని ఆగ్రహం తగ్గుతుంది.

వేప చెక్కతో తయారైన దండం ధరించడం వల్ల శని ప్రభావం తగ్గుతుంది.

వాస్తు శాస్త్రం ప్రకారం వేప చెట్టును నాటే ఉత్తమ దిశలు:

జ్యోతిష్య నిపుణుల సిఫార్సు ప్రకారం, వేప చెట్టును ఇంటి దక్షిణం లేదా పశ్చిమ దిశలో నాటితే మంచి ఫలితాలు పొందవచ్చు. ఈ విధంగా:

దక్షిణం/పశ్చిమం నుండి వచ్చే ప్రతికూల శక్తుల్ని అడ్డుకుంటుంది.

శుభ గ్రహాల ప్రభావాన్ని పెంపొందిస్తుంది.

వేప నుంచి వచ్చే గాలి ఆరోగ్యాన్ని మెరుగుపరుస్తుంది.

పితృ దోషం నుండి ఉపశమనం లభిస్తుంది.

జాగ్రత్త: వేప చెట్టును తూర్పు లేదా ఉత్తర దిశలో నాటకూడదు, ఎందుకంటే ఇది ఆ దిశల నుంచి వచ్చే సానుకూల శక్తిని నిరోధించగలదు.