Viral News : మా నాన్న‌ని జైల్లో వేయండి అంటూ ఐదేళ్ల బాలుడు పోలీస్ కంప్లైంట్..!

Viral News : చిన్న పిల్ల‌లు ఇంత‌క‌ముందులా లేరు. చాలా తెలివిమీరారు. వాళ్ల‌కి అన్నీ తెలిసిపోతున్నాయి. అయితే చిన్నపిల్లలు ఏం చేసినా ముద్దుగానే ఉంటుంది. అయితే చిన్నపిల్ల‌లు చేసే ప‌నులని కొన్నిసార్లు త‌ప్పుపడుతుంటాం. అవి చేయోద్దు, ఇవి చేయోద్దు అంటూ హెచ్చ‌రిస్తూ ఉంటాం. అయితే ఇవి విన‌కుండా కొంద‌రు మారాం చేస్తూ ఉంటారు . వాళ్లకు నచ్చిందే చేయాలని కొందరు మొండిగా ఏడుస్తూ ఉంటారు. ఓ ఇదేళ్ల బుడ్డోడు ఏడవడం, మారం చేయడంతో ఆగకుండా ఏకంగా తన తండ్రిపైనే పోలీస్ స్టేషన్ కు వెళ్లి ఫిర్యాదు చేశాడు.

Viral News తండ్రిపై కేసు..

మధ్యప్రదేశ్ లోని ధార్‌కు చెందిన హుస్సేన్ అనే బాలుడు.. తన తండ్రిని జైలులో పెట్టాలని కానిస్టేబుల్ కు కంప్లైంట్ చేశాడు. ఎందుకని కానిస్టేబుల్ ప్రశ్నించగా.. ‘మా నాన్న నన్ను ఆడుకోనివ్వట్లేదు, నదిలో స్నానం చేసేందుకు పంపట్లేదు, కొడుతున్నాడు’ అంటూ వచ్చీరాని మాటలతో గుక్క పెట్టి ఏడుస్తూ తన బాధను చెప్పుకున్నాడు. తండ్రి ఇక్బాల్ ను వెంటనే జైలులో పెట్టాలని కానిస్టేబుల్ తో చెప్పాడు. అయితే, కంప్లైంట్ చేసేందుకు వెళ్లింది ఎవరితో తెలుసా.. వాళ్ల డాడీతోనే! ప్రస్తుతం ఈ వీడియో సోషల్ మీడియాలో వైరల్ అవుతోంది.

Viral News : మా నాన్న‌ని జైల్లో వేయండి అంటూ ఐదేళ్ల బాలుడు పోలీస్ కంప్లైంట్..!

తన ఫిర్యాదు తీసుకుని నాన్నను జైల్లో పెట్టాలని కోరిన బాలుడి విష‌యంలో స్పందించిన కానిస్టేబుల్..మీ నాన్న ఇక్బాల్ పై రిపోర్ట్ రాసుకున్నానని.. అతన్ని తీసుకొచ్చి జైల్లో పెడతానని హామీ ఇచ్చారు.. దీంతో ఆ బుడ్డోడు పోలీస్ స్టేషన్ నుంచి వెనుదిరిగాడు. ఈ సమయంలో… ఆ బుడ్డోడికి – పోలీస్ అధికారికీ మధ్య జరిగిన సంభాషణను వీడియో తీసి సోషల్ మీడియాలో పోస్ట్ చేయ‌డంతో ఇప్పుడు ఈ వీడియో నెట్టింట తెగ వైర‌ల్ అవుతుంది. గ‌తంలో కూడా ఇలా కొంద‌రు చిన్నారులు త‌మ పేరెంట్స్‌పై ఫిర్యాదు చేయ‌డం మ‌నం చూశాం.