Gautham Ghattamaneni: టాలీవుడ్లో మరో స్టార్ వారసుడి హడావుడి : ఆయను వెండితెరకు పరిచయం చేసే నిర్మాత ఇతనేనా?
Gautham Ghattamaneni: టాలీవుడ్ ఎప్పటికప్పుడు మార్పులను స్వీకరిస్తూ కొత్త తరాన్ని ఆహ్వానిస్తోంది. కొత్త హీరోలు, హీరోయిన్లు నిరంతరం వెండితెరపైకి వస్తున్నప్పటికీ స్టార్ హీరోల వారసుల అరంగేట్రాలపై ఉండే ఆసక్తి మాత్రం ప్రత్యేకంగా ఉంటుంది. ఆ వారసుల చుట్టూ అభిమానుల అంచనాలు ఇండస్ట్రీలో చర్చలు మీడియా హడావుడి అన్నీ కలిసి ఒక ప్రత్యేక వాతావరణాన్ని సృష్టిస్తాయి. ప్రస్తుతం అలాంటి హాట్ టాపిక్గా మారిన పేరు గౌతమ్ ఘట్టమనేని. సూపర్ స్టార్ కృష్ణ మనవడిగా, మహేష్ బాబు తనయుడిగా ఆయన టాలీవుడ్లో అడుగు పెట్టే రోజు కోసం అభిమానులు ఎంతో ఆసక్తిగా ఎదురుచూస్తున్నారు.
Gautham Ghattamaneni: టాలీవుడ్లో మరో స్టార్ వారసుడి హడావుడి: ఆయను టాలీవుడ్కు పరిచయం చేసే నిర్మాత ఎవరు?
Gautham Ghattamaneni: బాలనటుడి నుంచి హీరో వరకు..గౌతమ్ ప్రయాణం
గౌతమ్ ఘట్టమనేని సినీ ప్రేక్షకులకు పూర్తిగా కొత్త ముఖం కాదు. చిన్న వయసులోనే “1: నేనొక్కడినే” సినిమాలో జూనియర్ మహేష్గా నటించి తన సహజ నటనతో మంచి గుర్తింపు తెచ్చుకున్నాడు. అప్పట్లోనే ప్రేక్షకుల్లో ఈ కుర్రాడు భవిష్యత్తులో హీరో అవుతాడా? అనే చర్చ మొదలైంది. ఇప్పుడు ఆ ఆసక్తి మరింత బలపడింది. ఎందుకంటే గౌతమ్ పూర్తి స్థాయి హీరోగా మారేందుకు కావాల్సిన సన్నాహాలను ఇప్పటికే మొదలుపెట్టాడు. ప్రస్తుతం ఆయన అమెరికాలోని ప్రఖ్యాత న్యూయార్క్ ఫిల్మ్ అకాడమీలో యాక్టింగ్లో శిక్షణ పొందుతున్నాడు. స్టార్ బ్యాక్గ్రౌండ్ ఉన్నా కేవలం పేరు మీద కాకుండా నటనలోనూ పక్కా సిద్ధమై రావాలన్నదే మహేష్ బాబు ఆలోచనగా తెలుస్తోంది. అందుకే ఎలాంటి తొందర లేకుండా ట్రైనింగ్ పూర్తయ్యాకే డెబ్యూ సినిమాపై నిర్ణయం తీసుకోనున్నారని టాలీవుడ్ వర్గాలు చెబుతున్నాయి. ఈ విధానం అభిమానుల్లో గౌతమ్పై మరింత నమ్మకాన్ని పెంచుతోంది.
Gautham Ghattamaneni: గౌతమ్ను లాంచ్ చేసే నిర్మాత ఎవరు?
గౌతమ్ ఎంట్రీపై ఆసక్తి పెరిగిన కొద్దీ ఆయనను పరిచయం చేసే నిర్మాత ఎవరు అనే ప్రశ్న కూడా హాట్ టాపిక్గా మారింది. ఈ రేసులో ప్రధానంగా రెండు పేర్లు వినిపిస్తున్నాయి. ఒకరు సీనియర్ నిర్మాత అశ్వినీ దత్ మరొకరు మహేష్ బాబుకు అత్యంత సన్నిహితుడైన అనిల్ సుంకర. అశ్వినీ దత్కు స్టార్ కిడ్స్ను లాంచ్ చేసిన బలమైన సెంటిమెంట్ ఉంది. మహేష్ బాబును “రాజకుమారుడు”తో రామ్ చరణ్ను “చిరుత”తో అల్లు అర్జున్ను “గంగోత్రి”తో వెండితెరకు పరిచయం చేసిన ఘనత ఆయనదే. ఆ సెంటిమెంట్ను కొనసాగిస్తూ గౌతమ్ను కూడా ఆయనే లాంచ్ చేస్తే బాగుంటుందన్న అభిప్రాయం ఇండస్ట్రీలో వినిపిస్తోంది. మరోవైపు అనిల్ సుంకర కూడా ఈ ప్రాజెక్ట్పై ఆసక్తిగా ఉన్నారని సమాచారం. మహేష్ బాబుతో ఆయనకు ఉన్న అనుబంధం ప్రత్యేకమైనది. “దూకుడు”, “ఆగడు”, “1: నేనొక్కడినే” వంటి సినిమాలు ఈ కాంబినేషన్లోనే వచ్చాయి. తాజాగా ఒక ఇంటర్వ్యూలో అనిల్ సుంకర మాట్లాడుతూ, గౌతమ్ను లాంచ్ చేసే అవకాశం వస్తే తప్పకుండా ప్రయత్నిస్తానని అయితే మంచి స్క్రిప్ట్కే మొదటి ప్రాధాన్యం ఉంటుందని చెప్పడం గమనార్హం.
Gautham Ghattamaneni: దర్శకుడు..కథ ఎంపిక: అసలైన కీలక అంశం
నిర్మాతల కంటే కూడా కీలకమైన ప్రశ్న గౌతమ్ను పరిచయం చేసే దర్శకుడు ఎవరు అన్నదే. మహేష్ బాబు స్టార్డమ్ కృష్ణ లెగసీ రెండింటినీ మోసుకెళ్లాల్సిన బాధ్యత గౌతమ్పై ఉంటుంది. అందుకే ఆయన వయసుకు బాడీ లాంగ్వేజ్కు సరిపోయే కథ, బలమైన స్క్రీన్ప్లే అవసరం. ఈ డెబ్యూ విషయంలో ఎలాంటి తొందరపాటు లేకుండా ప్రతి అంశాన్ని జాగ్రత్తగా పరిశీలిస్తున్నారని సమాచారం. ఇలా గౌతమ్ ఘట్టమనేని హీరో ఎంట్రీకి ఇంకా అధికారిక ప్రకటన రాకపోయినా ఆయన చుట్టూ జరుగుతున్న చర్చలు మాత్రం టాలీవుడ్లో వేడెక్కిస్తున్నాయి. అశ్వినీ దత్ సెంటిమెంట్ గెలుస్తుందా? అనిల్ సుంకర సాన్నిహిత్యం పనిచేస్తుందా? లేక మరో పెద్ద నిర్మాత రంగంలోకి దిగుతాడా? అన్నది కాలమే చెప్పాలి. కానీ ఒక విషయం మాత్రం ఖాయం గౌతమ్ ఘట్టమనేని డెబ్యూ టాలీవుడ్లో భారీ ఈవెంట్గా మారడం ఖాయం.