BRS MLCS : తెలంగాణలో రాజకీయాలు ఒక్కసారిగా మారిపోయాయి. తెలంగాణలో నవ శకం ఆరంభమైందనే చెప్పుకోవాలి. తెలంగాణలో ఇప్పటి వరకు రెండు సార్లు అధికారంలో ఉన్న బీఆర్ఎస్ పార్టీని ఓడించి కాంగ్రెస్ పార్టీ హస్తగతం చేసుకుంది. ఇప్పుడు కాంగ్రెస్ చేతికి తెలంగాణ వచ్చింది. ఈనేపథ్యంలో కాంగ్రెస్ పార్టీ హైకమాండ్.. తెలంగాణ సీఎంగా రేవంత్ రెడ్డిని ప్రకటించింది. ఆయన ప్రమాణ స్వీకారం ఏర్పాట్లు కూడా జరుగుతున్నాయి. రేవంత్ తో పాటు డిప్యూటీ సీఎం, పలువురు మంత్రుల ప్రమాణ స్వీకారం కూడా ఉండే అవకాశం ఉంది. ఏది ఏమైనా.. బీఆర్ఎస్ పార్టీకి ఈ ఎన్నికలు మంచి గుణపాఠం అనే చెప్పుకోవాలి. అయితే.. కాంగ్రెస్ పార్టీ 64 సీట్లు గెలిచి మ్యాజిక్ ఫిగర్ కంటే 4 ఎమ్మెల్యే సీట్లను ఎక్కువే సాధించింది. ఇక.. బీఆర్ఎస్ పార్టీ మాత్రం 39 సీట్లు మాత్రమే సాధించి అధికారానికి ఆమడ దూరంలో ఉండిపోయింది. ఒకరకంగా కేసీఆర్ కు ఇది భారీ షాక్ అనే చెప్పుకోవాలి. ఎన్నికల ఫలితాలు వచ్చి మూడు రోజులు కూడా కాలేదు.. ఇంతలోనే కేసీఆర్ కు మరో షాక్ ఇస్తున్నారు బీఆర్ఎస్ ఎమ్మెల్యేలు. పలువురు ఎమ్మెల్యేలు ఇప్పుడు కాంగ్రెస్ వైపు చూస్తున్నట్టు తెలుస్తోంది.
ఒక్క ఎమ్మెల్యేలు మాత్రమే కాదు.. బీఆర్ఎస్ ఎమ్మెల్సీలు కూడా హస్తం వైపు చూస్తున్నారట. ఇప్పటికే కొందరు బీఆర్ఎస్ ఎమ్మెల్సీలు కాంగ్రెస్ నేతలతో టచ్ లోకి వెళ్లారట. గతంలో కాంగ్రెస్ పార్టీతో సాన్నిహిత్యం ఉన్న వాళ్లు, కేసీఆర్ పై వ్యతిరేకత ఉన్నవాళ్లు కాంగ్రెస్ లో చేరేందుకు ఆసక్తి చూపిస్తున్నారు. శాసనసభలో కాంగ్రెస్ కు మెజారిటీ ఉంది కానీ.. శాసనమండలిలో మాత్రం మెజారిటీ లేదు. అందుకే బీఆర్ఎస్ ఎమ్మెల్సీలకు కాంగ్రెస్ ఎర వేస్తోంది. పెద్దల సభలో చర్చకు వచ్చే బిల్లుల ఆమోదానికి ఇబ్బంది లేకుండా చూసుకోవడంపై కాంగ్రెస్ దృష్టి పెడుతోంది. దానికి కావాల్సిన సభ్యుల సంఖ్యపై కాంగ్రెస్ ఆరా తీస్తోంది. ప్రస్తుతం మండలిలో బీఆర్ఎస్ కు 35 మంది ఎమ్మెల్సీలు ఉన్నారు. అందులో 10 మంది ఎమ్మెల్సీలు కాంగ్రెస్ లో చేరేందుకు సిద్ధం అవుతున్నట్టు తెలుస్తోంది.
2014 లో కాంగ్రెస్ ను ఓడించి టీఆర్ఎస్ గెలిచాక.. కాంగ్రెస్ లో ఉన్న ఎమ్మెల్సీలను కేసీఆర్ తనవైపునకు లాక్కున్నారు. ఇప్పుడు 2023 లో ఆ సీన్ రివర్స్ అవబోతోంది. ఇప్పుడు బీఆర్ఎస్ ను ఓడించి కాంగ్రెస్ అధికారంలోకి రావడంతో ఇప్పుడు ఆ బీఆర్ఎస్ ఎమ్మెల్సీలను కాంగ్రెస్ ఆకర్షిస్తోంది. వాళ్లకు ఎర వేస్తోంది. ఇది ముందే గ్రహించిన కేసీఆర్.. ఎమ్మెల్సీలను బుజ్జగించే పనిలో పడ్డారట. ఎంత బుజ్జగించినా 10 మంది ఎమ్మెల్సీలు మాత్రం వెంటనే కాంగ్రెస్ లోకి వెళ్లేందుకు సన్నాహాలు చేసుకుంటున్నారట. ఒకేసారి 10 మంది ఎమ్మెల్సీలు పార్టీ మారితే బీఆర్ఎస్ గ్రాఫ్ మరింత పడిపోయే అవకాశం ఉంది. చూడాలి మరి ఏం జరుగుతుందో.
Rythu Bharosa : రైతు భరోసా కింద అర్హులైన రైతులందరికీ ఎకరాకు రూ.15 వేల చొప్పున అందించడమే తెలంగాణ ప్రభుత్వం…
Samantha : గౌతమ్ మీనన్ దర్శకత్వం వహించిన ఏం మాయ చేశావే సినిమాతో టాలీవుడ్ లో అడుగు పెట్టింది సమంత.…
CISF Fireman Recruitment : సెంట్రల్ ఇండస్ట్రియల్ సెక్యూరిటీ ఫోర్స్ (CISF) 1130 పోస్టుల కోసం కానిస్టేబుల్ ఫైర్మెన్ల నియామక…
Farmers : ఆంధ్రప్రదేశ్లో రైతులకు ఆ రాష్ట్ర ప్రభుత్వం తీపికబురు చెప్పింది. రాష్ట్రవ్యాప్తంగా ఉద్యాన పంటల రైతులకు ఇన్పుట్ సబ్సిడీ…
7th Pay Commission : కేంద్ర ప్రభుత్వ ఉద్యోగులకు శుభవార్త. డియర్నెస్ అలవెన్స్ (డీఏ)ని ప్రభుత్వం పెంచబోతోంది. ప్రభుత్వం త్వరలో…
Balineni Srinivas Reddy : గత కొద్ది రోజులుగా బాలినేని వైసీపీని వీడనున్నట్టు అనేక ప్రచారాలు జరిగాయి. ఎట్టకేలకి అది…
Jamili Elections : దేశవ్యాప్తంగా ఒకేసారి పార్లమెంట్ , అసెంబ్లీ ఎన్నికలు నిర్వహించేలా జమిలి ఎన్నికలకు కేంద్ర కేబినెట్ ఆమోదం…
Naga Manikanta : బుల్లితెర ప్రేక్షకులని ఎంతగానో అలరిస్తున్న బిగ్ బాస్ ఇప్పుడు తెలుగులో సీజన్ 8 జరుపుకుంటుంది.తాజా సీజన్లోని…
This website uses cookies.