Bithiri Sathi : అప్పుడు గద్ద ముక్కోడు కేసీఆర్.. ఇప్పుడు కేసీఆర్ తెలంగాణ దేవుడు.. ఏం మాట మార్చినవ్ బిత్తిరి సత్తి కాక
ప్రధానాంశాలు:
ముదిరాజ్ సభలో కేసీఆర్ పై విమర్శలు చేసిన బిత్తిరి సత్తి
కేసీఆర్ తెలంగాణ దేవుడు అంటూ ఇప్పుడు మాట మార్చిన సత్తి
చావు నోట్లో తల పెట్టి తెలంగాణను తీసుకొచ్చిన నాయకుడు కేసీఆర్
Bithiri Sathi : బిత్తిరి సత్తి గురించి ప్రత్యేకంగా చెప్పుకోవాల్సిన అవసరం లేదు. ఎందుకంటే ఆయన తెలంగాణ ప్రజలకు బాగా కావాల్సిన వ్యక్తి. తీన్మార్ వార్తల పేరుతో బిత్తిరి సత్తి చాలా ఫేమస్ అయ్యాడు. ఆయన అసలు పేరు రవి కుమార్. కానీ.. ఆయనకు బిత్తిరి సత్తి పేరు బాగా అచ్చొచ్చింది. దీంతో అదే పేరును కంటిన్యూ చేస్తున్నాడు. ఒకప్పుడు బుల్లితెరకు మాత్రమే పరిచయం అయిన బిత్తిరి సత్తి ఇప్పుడు సినిమాల్లోకి కూడా వెళ్లాడు. సినిమాలు కూడా చేస్తున్నాడు. ఇటీవలే సీఎం కేసీఆర్ ను కలిశాడు. సీఎం కేసీఆర్ ను కలిసి త్వరలోనే బీఆర్ఎస్ లో చేరేందుకు సమాయత్తం అవుతున్నాడు బిత్తిరి సత్తి. అంతే కాదు.. బీఆర్ఎస్ లో చేరకముందు బీఆర్ఎస్ పార్టీపై, సీఎం కేసీఆర్ పై, మంత్రి కేటీఆర్ పై తీవ్ర స్థాయిలో విమర్శలు చేసిన బిత్తిరి సత్తి.. తాజాగా బీఆర్ఎస్ లో చేరుతుండటం వల్ల బీఆర్ఎస్ పై ఒక్కసారిగా ప్రేమ కురిపిస్తున్నాడు.
ఇదివరకు బీఆర్ఎస్ ను తిట్టిన బిత్తిరి సత్తి వీడియోను సోషల్ మీడియాలో తాజాగా వైరల్ చేస్తున్నారు. ముదిరాజ్ ల ఆత్మ గౌరవ సభకు హాజరైన బిత్తిరి సత్తి.. బీఆర్ఎస్ పార్టీపై తీవ్రస్థాయిలో విమర్శలు చేశాడు. జై ముదిరాజ్ అంటూ నినాదాలు చేసిన బిత్తిరి సత్తి.. మూడు పూటలు కౌసు తిన్నవాళ్లం.. మన గుండె గట్టిగా ఉంటది. మంది గుండెలను కాపాడటానికి ఒమోగా ఫ్యాటీ 3 యాసిడ్స్ ఉండే చేపలు పడుతున్నాం కదా. మేము చాలా బాధపడుతున్నాం. 20 ఏళ్ల కింద సభ పెట్టాం. మళ్లీ 20 ఏళ్ల తర్వాత ముదిరాజ్ సభ పెట్టుకున్నాం. ఈ 20 ఏళ్లలో ఏం జరగలేదు. 2043 లో పెట్టుకున్నా కూడా ఏం జరగదు. ముదిరాజ్ లకు ఏం కావాలి? ఈ ప్రభుత్వాలు ఏం ఇచ్చాయి? ఒక్క ఉదాహరణ చెబుతా వినండి. మేమంతా 50 నుంచి 60 లక్షల మంది జనాభా ఉంటే ఆ 115 స్థానాల్లో ఒక్కటి కూడా పెట్టలేదు. కామారెడ్డి సభలో మంత్రి కేటీఆర్ మాట్లాడుతూ మేము పొట్టలో పెట్టుకొని చూసుకుంటాం. నామినేటెడ్ పదవులు ఇస్తం అని మాట్లాడుతున్నారు. నామినేటెడ్ వద్దు.. పోటీ పడే పదవులు ఇవ్వండి అని బిత్తిరి సత్తి డిమాండ్ చేశాడు.
Bithiri Sathi : గట్టిగా మాట్లాడిండు.. గజం గజం ఎగిరిండు అని అనుకున్నరా?
నిన్న మొన్నటి దాకా సత్తిగాడు గట్టిగా మాట్లాడిండు.. గజం గజం ఎగిరిండు అని అనుకున్నరు కదా. మాకు ఉన్న బాధ చెప్పుకున్నాం. నేను అమ్ముడు పోలేదు. నేను తెలంగాణ తల్లి పాలు తాగిన వాడిని లెక్క.. కేసీఆర్ ఒక మాట అన్నారు మొన్న. నాకు ఆరోగ్యం బాగలేకపోతే ఒక ముదిరాజ్ తల్లి పాలు తాగిన అని చెప్పారు. కొట్లాడినవాడు ఉండాలి కానీ.. మాట్లాడేటోడు కాదు అని కేసీఆర్ అన్నారు. కేసీఆర్ ఉద్యమాన్ని ఉవ్వెత్తున లేపి ఆయన ఆరోజు చావు నోట్లో తలకాయ పెట్టి తెలంగాణను తీసుకొచ్చారు అని బిత్తిరి సత్తి స్పష్టం చేశారు.
Also read
