#image_title
Telangana Congress : తెలంగాణలో ఎన్నికల హడావుడి స్టార్ట్ అయింది. ఇంకో రెండు నెలల్లో తెలంగాణ ఎన్నికలు రాబోతున్నాయి. ఈనేపథ్యంలో ఈసారి ఎలాగైనా గెలవాలన్న కసిలో ప్రధాన పార్టీలు ఉన్నాయి. అధికార బీఆర్ఎస్ అయితే ఈసారి మళ్లీ గెలిసి హ్యాట్రిక్ సాధించాలన్న కసితో ఉంది. బీజేపీ కూడా కేంద్రంలో అధికారంలో ఉన్న పార్టీ కాబట్టి తెలంగాణలో గెలిచి సౌత్ ఇండియాను కూడా ఏలాలని ఆశపడుతోంది. ఇక.. కాంగ్రెస్ పార్టీ కర్ణాటకలో గెలిచిన ఊపుతో తెలంగాణలోనూ ఎన్నికలకు సిద్ధం అవుతోంది. ఎలాగైనా తెలంగాణలో కాంగ్రెస్ జెండాను ఎగురవేయాలని తెగ ఆరాటపడుతోంది. ఇవన్నీ ఓకే కానీ.. కాంగ్రెస్ పార్టీకి నిజంగా బీఆర్ఎస్ ను ఓడించే సత్తా ఉందా అంటే.. ప్రస్తుత పరిస్థితులు చూస్తుంటే అవుననే చెప్పుకోవాలి. అవును.. ప్రస్తుతం తెలంగాణలో కాంగ్రెస్ పార్టీకి బీభత్సమైన క్రేజ్ వస్తోంది. మరోవైపు బీజేపీ, బీఆర్ఎస్ పార్టీలకు చెందిన కీలక నేతలు కూడా కాంగ్రెస్ పార్టీలో చేరుతున్నారు. దీంతో రోజురోజుకూ కాంగ్రెస్ బలం పెరుగుతోంది.
మరోవైపు చంద్రబాబు అరెస్ట్ తెలంగాణ రాజకీయాలను కూడా మలుపు తిప్పుతోంది. చంద్రబాబు అరెస్ట్ పై తెలంగాణలో నిరసనలు తెలుపుతున్న వారిపై తెలంగాణ ప్రభుత్వం చర్యలు తీసుకోవడం, తెలంగాణ పోలీసులు ధర్నాలకు అనుమతి ఇవ్వకపోవడంపై సర్వత్రా చర్చనీయాంశమవుతోంది. తెలంగాణకు, చంద్రబాబు అరెస్ట్ కు ఏంటి సంబంధం. అసలు తెలంగాణలో మీరు శాంతి భద్రతలకు విఘాతం కల్పిస్తుంటే చూస్తూ కూర్చొంటామా? మీ ఊరిలో, మీ రాష్ట్రంలో ఎక్కడైనా ధర్నాలు చేసుకోండి. తెలంగాణలో అది కుదరదు. మళ్లీ ఐటీ ప్రాంతాల్లో ధర్నాలు చేస్తామంటే ఊరుకుంటారా? అస్సలు కుదరదు.. అంటూ మంత్రి కేటీఆర్ కూడా చంద్రబాబు అరెస్ట్ పై నిరసనలు తెలిపిన వారికి కౌంటర్ ఇచ్చారు. తాజాగా మంత్రి కేటీఆర్ చేసిన వ్యాఖ్యల వల్ల హైదరాబాద్ లో, తెలంగాణలోని ఇతర ప్రాంతాల్లో ఉన్న ఆంధ్రా సెటిలర్స్ తీవ్రంగా వ్యతిరేకిస్తున్నారు. చంద్రబాబు అరెస్ట్ కి తెలంగాణకు సంబంధం లేదు అనే కేటీఆర్.. ఆంధ్రా సెటిలర్స్ ఓట్లు మాత్రం ఎందుకు అడుగుతున్నారు.. అంటూ వాళ్లంతా ఈసారి బీఆర్ఎస్ కు వ్యతిరేకం అయ్యే చాన్స్ ఉన్నట్టు తెలుస్తోంది.
#image_title
కేవలం చంద్రబాబు అరెస్ట్ పై మంత్రి కేటీఆర్ చేసిన వ్యాఖ్యల వల్ల దాదాపు 20 సీట్లపై ప్రభావం చూపించనుందట. దాదాపు 20 నియోజకవర్గాల్లో ఆంధ్రా సెటిలర్స్ దే హవా. వాళ్లు ఎవరికి ఓట్లేస్తే ఆ పార్టీదే గెలుపు. అయితే.. సెటిలర్స్ ఇప్పుడు కాంగ్రెస్ పార్టీ వైపు చూస్తున్నట్టు తెలుస్తోంది. దీంతో బీఆర్ఎస్ నోటిదురద వల్ల కాంగ్రెస్ కు లాభం చేకూరినట్టయింది. మంత్రి కేటీఆర్ దగ్గరుండి మరీ.. 20 సీట్ల వరకు కాంగ్రెస్ ను గెలిపించేందుకు దోహదపడుతున్నారు అని రాజకీయ విశ్లేషకులు చెబుతున్నారు. చూద్దాం మరి ఏం జరుగుతుందో?
Passports : పాస్‌పోర్ట్ అత్యంత ముఖ్యమైన ప్రయాణ పత్రాలలో ఒకటి. అంతర్జాతీయ ప్రయాణాన్ని ధృవీకరించడమే కాకుండా, పాస్‌పోర్ట్ గుర్తింపు మరియు…
Mahakumbh Mela : ఉత్తరప్రదేశ్‌లోని ప్రయాగ్‌రాజ్ మహాకుంభమేళా 2025 ఉత్సవాలకు సిద్ధమవుతుంది. 13 జనవరి 2025న ప్రయాగ్‌రాజ్‌లో కుంభమేళా నిర్వహించబడుతుంది.…
Ola Electric : ప్రభుత్వ విచారణ మరియు పెరుగుతున్న నష్టాల మధ్య వివాదాల్లో కూరుకుపోయిన ఓలా ఎలక్ట్రిక్ పునర్వ్యవస్థీకరణలో భాగంగా…
YSR Congress Party : ఆంధ్రప్రదేశ్ పంపిణీ కంపెనీలు (డిస్కమ్‌లు) మరియు అదానీ గ్రూప్ మధ్య ప్రత్యక్ష ఒప్పందం లేదని…
Hair Tips : ప్రస్తుత కాలంలో చాలామందికి జుట్టు చివరలు చిట్లిపోయి నిర్జీవంగా మారిపోతాయి. దీంతో వెంట్రుకలు అనేవి ఊడిపోతూ…
Bigg Boss Telugu 8 : బిగ్ బాస్ సీజ‌న్ 8 చివ‌రి ద‌శ‌కు రానే వ‌చ్చింది. మూడు వారాల‌లో…
Winter : చలికాలం రానే వచ్చేసింది. రోజురోజుకి చెల్లి ముదిరిపోతుంది. ఈసారి నవంబర్ నెలలోనే చలి మొదలైంది. ఇక ముందు ముందు…
Ind Vs Aus : సొంత గ‌డ్డ‌పై న్యూజిలాండ్ టీం అద్భుతంగా రాణించి భార‌త జ‌ట్టుని వైట్ వాష్ చేసింది.…
This website uses cookies.