8th pay commission : కేంద్ర ప్రభుత్వ ఉద్యోగుల జీతాలు ఎంత పెరగవచ్చు?
8th pay commission : నేషనల్ కౌన్సిల్ జాయింట్ కన్సల్టేటివ్ మెషినరీ (NC-JCM) కనీసం 2.57 లేదా అంతకంటే ఎక్కువ ఫిట్మెంట్ ఫ్యాక్టర్ను కోరిందని అనేక నివేదికలు తెలిపాయి. ఫిట్మెంట్ ఫ్యాక్టర్ అనేది ప్రభుత్వ ఉద్యోగుల మూల జీతాలు మరియు పెన్షన్లను సవరించడానికి ఉపయోగించే గుణకార యూనిట్ను సూచిస్తుంది. ఉదాహరణకు 2.57 ఫిట్మెంట్ ఫ్యాక్టర్ అంటే 157 శాతం జీతం పెంపు.
ఫలితంగా, ప్రస్తుత కనీస జీతం నెలకు ₹18,000 ₹46,260కి పెరుగుతుంది.నెలకు ₹9,000 కనీస పెన్షన్ కూడా ₹23,130కి పెరుగుతుంది.8వ వేతన సంఘం కింద 2.86 ఫిట్మెంట్ ఫ్యాక్టర్ కోసం డిమాండ్ కూడా ఉంది. అయితే మాజీ ఆర్థిక కార్యదర్శి సుభాష్ గార్గ్ దాదాపు 1.92 ఫిట్మెంట్ ఫ్యాక్టర్ను సూచించారు. 1.92 ఫిట్మెంట్ ఫ్యాక్టర్ ఆమోదించబడితే, అది కేంద్ర ప్రభుత్వ ఉద్యోగుల కనీస జీతం ₹18,000 నుండి ₹34,560కి పెరుగుతుంది. ఇది 92 శాతం పెంపు.
7th Pay Commission
ఇప్పటికీ పాత కొలమానాల ప్రకారమే
నేషనల్ కౌన్సిల్-జాయింట్ కన్సల్టేటివ్ మెషినరీ కార్యదర్శి శివ్ గోపాల్ మిశ్రా మీడియాతో మాట్లాడుతూ ఫిట్మెంట్ ఫ్యాక్టో “కనీసం 2.57 లేదా అంతకంటే ఎక్కువ ఉండాలి” అని తాను నమ్ముతున్నట్లు పేర్కొన్నారు. ఎందుకంటే ఇప్పటికీ పాత కొలమానాలనే పాటిస్తున్నందున ప్రస్తుతం అవి కార్మికుల అవసరాలను ప్రతిబింబించవని తెలిపారు. మరింత ప్రత్యేకంగా చెప్పాలంటే, 1957 నాటి 15వ ఇండియన్ లేబర్ కాన్ఫరెన్స్ (ILC) తీర్మానం మరియు డాక్టర్ అక్రాయిడ్ కనీస జీవన వేతనం కోసం సూత్రం ఆధారంగా 7వ వేతన సంఘం ఫిట్మెంట్ ఫ్యాక్టర్ను 2.57గా నిర్ణయించిందని చెప్పారు.
కొత్త 8వ వేతన సంఘం జనవరి 1, 2026 నుండి అమలు చేయబడవచ్చు. అయితే ఇది ఆలస్యం కావచ్చు మరియు ఊహించిన దానికంటే ఎక్కువ సమయం పట్టవచ్చు అనే ఊహాగానాలు కూడా ఉన్నాయి.