Revanth Reddy : కడియం, దానం నాగేందర్ కు షాక్.. రేవంత్ సంచలన నిర్ణయం..!
ప్రధానాంశాలు:
Revanth Reddy : కడియం, దానం నాగేందర్ కు షాక్.. రేవంత్ సంచలన నిర్ణయం..!
Revanth Reddy : ఇప్పుడు తెలంగాణ రాజకీయాలు మంచి వేడి మీద ఉన్నాయి. ఎంపీ ఎన్నికలు దగ్గర పడుతున్న సమయంలో అన్ని పార్టీలు వ్యూహ, ప్రతివ్యూహాలు రచిస్తున్నాయి. ఇటు బీఆర్ ఎస్ పరిస్థితి మరీ దారుణంగా ఉంది. ఎందుకంటే ఆ పార్టీ ఓడిపోయినప్పటి నుంచి ఆ పార్టీ గ్రాఫ్ పడిపోతోంది. అంతే కాకుండా వరుసగా పార్టీ నేతలపై వస్తున్న భూకబ్జా ఆరోపణలు, ఫోన్ ట్యాపింగ్ కేసులు ఇరుకున పెట్టేస్తున్నాయి. వాటికి తోడు అటు కవిత ఢిల్లీ లిక్కర్ కేసులో అరెస్ట్ కావడం కూడా సంచలనంగా మారిపోయింది. దాంతో ఇప్పుడు బీఆర్ ఎస్ ను నేతలు వీడిపోతున్నారు.మాజీ మంత్రులు, టికెట్లు రాని వారు, సిట్టింగ్ ఎంపీలు కూడా వెళ్లిపోయారు. ఇలాంటి సమయంలోనే ఇప్పుడు ఎమ్మెల్యేలు ఇద్దరు వెళ్లారు. కడియం శ్రీహరి, దానం నాగేందర్ ఇప్పుడు కాంగ్రెస్ కండువా కప్పుకున్నారు.
Revanth Reddy : కాంగ్రెస్ మేనిఫెస్టో ప్రకారం..
అయితే వీరిద్దరికీ ఇప్పుడు షాక్ తగిలింది. తాజాగా కాంగ్రెస్ పార్టీ మేనిఫెస్టోను రిలీజ్ చేసింది. ఇందులో కొన్ని ప్రతిపాదనలు బలంగా ఉన్నాయి. అందులో ముఖ్యంగా చెప్పుకోవాల్సింది మాత్రం ఒక పార్టీ తరఫున గెలిచిన వ్యక్తి మరో పార్టీలోకి వెళ్లాలంటే తన పదవికి రాజీనామా చేయాలి. ఆ తర్వాతనే వేరే పార్టీలోకి వెళ్లాలి అనేది రాహుల్ గాంధీ ప్రతిపాదన.ఆ రకంగా చూసుకుంటే కాంగ్రెస్ మేనిఫెస్టో ఇప్పుడు కడియం, దానం కు షాక్ ఇస్తోంది. రేవంత్ రెడ్డి కూడా కాంగ్రెస్ మేనిఫెస్టోను ఫాలో అవుతాడని అంటుననారు. దాని వల్ల వీరిద్దరికీ షాక్ తప్పదని చెబుతున్నారు. వీరిద్దరితో త్వరలోనే రాజీనామా చేయిస్తారేమో అని అంటున్నారు.
Revanth Reddy : కడియం, దానం నాగేందర్ కు షాక్.. రేవంత్ సంచలన నిర్ణయం..!
కాంగ్రెస్ పార్టీ అధికారంలో ఉంది కాబట్టి.. రాజీనామా చేసినా సరే తిరిగి అక్కడ వీరే గెలుస్తారని అంటున్నారు. కాబట్టి రేవంత్ రెడ్డి కాంగ్రెస్ మేనిఫెస్టో ప్రకారమే నడుచుకుంటారేమో అని అంటున్నారు. అటు మాజీ మంత్రికేటీఆర్ కూడా దీనిపై ఘాటుగానే స్పందించారు. కాంగ్రెస్ నిర్ణయాన్ని స్వాగిస్తున్నట్టు చెప్పారు. రాహుల్ గాంధీకి తన మేనిఫెస్టో మీద చిత్తశుద్ధి ఉంటే కాంగ్రెస్ లో చేరిన దానం నాగేందర్, కడియం శ్రీహరిలతో రాజీనామాలు చేయించి తీసుకోవాలని డిమాండ్ చేశారు. దాంతో ఇప్పుడు కడియం, దానంల పరిస్థితి అగమ్య గోచరంగా మారిపోయింది.
Also read
