YS Sharmila : ఇన్‌డైరెక్ట్‌గా అన్న వైఎస్ జ‌గ‌న్ పై కౌంట‌ర్ వేసిన వైఎస్ ష‌ర్మిల‌..!

YS Sharmila : వైఎస్ షర్మిల.. ఇప్పుడు తెలంగాణ, ఏపీ రాజకీయాల్లో సెంటర్ ఆఫ్ అట్రాక్షన్ అయ్యారు. ఎందుకంటే ఓవైపు ఏపీ సీఎం వైఎస్ జగన్ చెల్లెలు.. మరోవైపు వైఎస్సార్టీపీ పార్టీ అధ్యక్షురాలు. ఏపీలో అన్న ముఖ్యమంత్రి అయితే.. తెలంగాణలో చెల్లె పార్టీ పెట్టి రాజకీయాలు చేస్తున్నారు. అసలు ట్విస్ట్ ఏంటంటే.. తెలంగాణలో ఎన్నికల ముందు వైఎస్ షర్మిల తన పార్టీని కాంగ్రెస్ లో విలీనం చేసినంత పని చేసింది. ఈసారి ఎన్నికల్లో పోటీ చేయడం లేదని.. తెలంగాణలో ఎన్నికల్లో పోటీ నుంచి తప్పుకొని కాంగ్రెస్ పార్టీకి మద్దతు ఇస్తున్నామని.. తాను కూడా పాలేరులో పోటీ చేయడం లేదని.. పాలేరులో కాంగ్రెస్ పార్టీ నుంచి పోటీ చేస్తున్న పొంగులేటి శ్రీనివాస్ రెడ్డికి మద్దతు తెలుపుతున్నట్టు ప్రకటించారు. దీంతో కాంగ్రెస్ పార్టీకి ఎలా నువ్వు మద్దతు ఇస్తావు. నీ అన్నను జైలులో వేసిన కాంగ్రెస్ పార్టీతో నువ్వు చేయి కలుపుతావా అంటూ వైఎస్సార్సీపీ నేతలు వైఎస్ షర్మిలపై ఫైర్ అయ్యారు. వైసీపీ సీనియర్ నేత సజ్జల ఈ విషయంపై స్పందించి వైఎస్ షర్మిలపై విమర్శలు చేయడంపై తాజాగా షర్మిల కూడా స్పందించారు.

నేను తెలంగాణ రాజకీయాలకు వచ్చినప్పుడు మాకు సంబంధం లేదన్న సజ్జల ఇప్పుడెందుకు మాట్లాడుతున్నారు. తిరిగి సంబంధం పెట్టుకోవాలనా? నేను తెలంగాణలో, తెలంగాణ రాజకీయాల్లో అడుగుపెట్టిన మొట్టమొదటి రోజే సంబంధం లేదు అనే వాళ్లు సజ్జల రామకృష్ణారెడ్డి ఈరోజు ఏ సంబంధం ఉందని నా గురించి మాట్లాడుతున్నారు. మేమైతే సంబంధం లేదనే అనుకుంటున్నాం. మీరు మాట్లాడుతున్నారంటే.. మళ్లీ సంబంధం కలుపుకుంటున్నారా? సంబంధం ఉందనా? ఏమనుకోవాలి మేము. సజ్జల గారు సమాధానం చెప్పాలి. అసలు కేసీఆర్ గారు బహిరంగంగానే సింగిల్ రోడ్ అయితే ఆంధ్రా, డబుల్ రోడ్ అయితే తెలంగాణ, చీకటి అయితే ఆంధ్రా, వెలుగు అయితే తెలంగాణ అని చెబుతున్నారు. మరి దానికి ఏం సమాధానం చెబుతారు సజ్జల. ముందు మీ కథ మీరు చూసుకోండి అంటూ షర్మిల మండిపడ్డారు.

సజ్జల మాట్లాడితే జగన్ మోహన్ రెడ్డి మాట్లాడినట్టే కదా అని మీడియా వాళ్లు మళ్లీ షర్మిలను అడగడంతో ఎవరికైనా ఇదే సమాధానం అంటూ షర్మిల ఇన్ డైరెక్ట్ గా సజ్జల అయినా నాకు ఒక్కటే.. జగన్ అయినా నాకు ఒక్కటే అని తన సొంత అన్న, ఏపీ సీఎం వైఎస్ జగన్ కే కౌంటర్ ఇచ్చింది వైఎస్ షర్మిల. దానికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.

సజ్జలకు కౌంటర్ ఇచ్చిన షర్మిల

నేను తెలంగాణ రాజకీయాలకు వచ్చినపుడు మాకు సంబంధం లేదన్న సజ్జల.. ఇప్పుడెందుకు మాట్లాడుతున్నారు. తిరిగి సంబంధం పెట్టుకోవాలనే.. మాకు మీ సంబంధాలు అవసరం లేదు. సజ్జల అయినా జగన్ అయినా ఒకటే సమాధానం – వైఎస్ షర్మిల pic.twitter.com/TotTtpRNIg

— Telugu Scribe (@TeluguScribe) November 6, 2023

Breaking News 2

No bio available for this author.

Follow Us