T20 World Cup 2026 : కడుపులో అంత బాధను పెట్టుకొని కూడా జట్టును గెలిపించాడంటే ఇషాన్ రియల్ హీరో !!
Authored By Sudheer Ramanujam
| The Telugu News | Updated on :
9 March 2026,
9:00 pm 
విషాదంలోనూ వీరోచిత పోరాటం: సోదరి మరణాన్ని దిగమింగుకుని భారత్ను ప్రపంచ విజేతగా నిలిపిన ఇషాన్ కిషన్
TT20 World Cup 2026 : కడుపులో అంత బాధను పెట్టుకొని కూడా జట్టును గెలిపించాడంటే ఇషాన్ రియల్ హీరో !!
T20 World Cup 2026 : అహ్మదాబాద్లోని నరేంద్ర మోదీ స్టేడియం వేదికగా జరిగిన ఐసీసీ మెన్స్ టీ20 వరల్డ్ కప్ ఫైనల్లో భారత్ చారిత్రాత్మక విజయం సాధించి, మూడోసారి ట్రోఫీని ముద్దాడింది. అయితే ఈ విజయం వెనుక యువ ఆటగాడు ఇషాన్ కిషన్ పడ్డ మానసిక వేదన వర్ణనాతీతం. ఫైనల్ మ్యాచ్కు కేవలం రెండు రోజుల ముందే తన కజిన్ సిస్టర్ మరియు ఆమె భర్త ఘోర కారు ప్రమాదంలో మరణించారనే వార్త ఇషాన్ను తీవ్రంగా కలిచివేసింది. ఒక పక్క ప్రాణసమానమైన సోదరి ఇక లేదనే చేదు నిజం, మరోపక్క దేశం ఆశిస్తున్న ప్రపంచకప్ కల.. ఈ రెండింటి మధ్య నలిగిపోయిన ఇషాన్, చివరకు తన సోదరి ఆత్మశాంతి కోసం మైదానంలోకి అడుగుపెట్టాలని నిర్ణయించుకున్నాడు. కుటుంబ సభ్యులెవరూ స్టేడియానికి రాలేకపోయిన పరిస్థితుల్లో, ఒంటరిగానే ఆ బాధను భరిస్తూ జట్టును గెలిపించే బాధ్యతను భుజాన వేసుకున్నాడు.
T20 World Cup 2026 : కడుపులో అంత బాధను పెట్టుకొని కూడా జట్టును గెలిపించాడంటే ఇషాన్ రియల్ హీరో !!
T20 World Cup 2026 సోదరి మరణాన్ని కూడా దిగమింగుకొని జట్టును గెలిపించిన ఇషాన్ కిషన్
మ్యాచ్ విషయానికొస్తే.. ఇషాన్ కిషన్ Ishan Kishan తన బ్యాట్తో శివతాండవం చేశాడు. కేవలం 25 బంతుల్లోనే 4 ఫోర్లు, 4 సిక్సర్లతో 54 పరుగులు చేసి మెరుపు హాఫ్ సెంచరీ సాధించాడు. సంజు శాంసన్తో కలిసి కీలక భాగస్వామ్యాన్ని నెలకొల్పి, న్యూజిలాండ్పై భారత్ 96 పరుగుల భారీ తేడాతో విజయం సాధించడంలో కీలక పాత్ర పోషించాడు. హాఫ్ సెంచరీ పూర్తయిన తర్వాత ఇషాన్ తన బ్యాట్ను ఆకాశం వైపు చూపిస్తూ కన్నీళ్లతో తన సోదరికి నివాళులర్పించిన దృశ్యం చూసిన ప్రతి క్రీడాభిమాని గుండె బరువెక్కింది. మ్యాచ్ అనంతరం ఇషాన్ మాట్లాడుతూ.. “ఆమె కోసం ఈ ట్రోఫీ గెలవాలని సంకల్పించాను, ఇప్పుడు ఎక్కడున్నా నా విజయాన్ని చూసి ఆమె గర్వపడుతుందని నమ్ముతున్నాను” అంటూ ఆవేదన వ్యక్తం చేశాడు.
T20 World Cup 2026 కడుపులో అంత బాధను పెట్టుకొని కూడా జట్టును గెలిపించాడంటే ఇషాన్ రియల్ హీరో !!
ఈ కష్టకాలంలో కెప్టెన్ హార్దిక్ పాండ్యా ఇషాన్కు కొండంత అండగా నిలిచారు. సోదరి మరణవార్తతో కుంగిపోయిన ఇషాన్కు ధైర్యం చెప్పి, జట్టు ప్రయోజనాల కోసం ఆడాలని ప్రేరేపించారు. మార్చి 6న పెళ్లికి వెళ్తూ జరిగిన ఆ ప్రమాదంలో ఇషాన్ సోదరి దంపతులు మరణించగా, వారి ఆరు నెలల పసికందు మరియు మూడేళ్ల చిన్నారి ప్రాణాలతో బయటపడటం కొంత ఊరటనిచ్చే అంశం. గత రెండేళ్లుగా కెరీర్లో ఎన్నో ఒడిదుడుకులు ఎదుర్కొన్న ఇషాన్, ఇప్పుడు ప్రపంచకప్ ఫైనల్లో ఇటువంటి వ్యక్తిగత విషాదాన్ని జయించి రాణించడం అతడిని ఒక ‘రియల్ హీరో’గా నిలబెట్టింది. అంతర్జాతీయ మహిళా దినోత్సవం రోజే ఈ విజయం దక్కడం, దానిని తన సోదరికి అంకితం ఇవ్వడం ఇషాన్లోని గొప్ప సంస్కారాన్ని చాటిచెబుతోంది.
Also read
