Sanju Samson : సంజు సునామీ… ఏకంగా 5రికార్డులను బద్దలు..!

Sanju Samson : ముంబై ఇండియన్స్‌తో జరిగిన ఉత్కంఠభరితమైన మ్యాచ్‌లో సంజు సామ్సన్ అద్భుతమైన ఫామ్‌లోఉన్నాడు. త‌ను కేవలం 54 బంతుల్లోనే 101 పరుగుల అజేయ సెంచ‌రీతో ఆడాడు. మ‌రీ ముఖ్యంగా సంజు ముంబై ఫాస్ట్ బౌలర్లను చితకబాదాడు. పేసర్ల బౌలింగ్‌లో కేవలం 40 బంతుల్లోనే 83 పరుగులు విశేషం. ఇందులో 10 ఫోర్లు, 6 భారీ సిక్సర్లు ఉన్నాయి. స్పిన్ బౌలింగ్‌ను కొంత ఇబ్బంది ఎదుర్కొంటూ స్ట్రైక్‌ను రొటేట్ చేసినప్పటికీ, ఊపు అందుకున్న వెంటనే అతని బ్యాట్ నిప్పులు చెరపడం ప్రారంభించింది.సంజు సామ్సన్ సాధించాన సెంచ‌రీలో ఇదో చారిత్రాత్మకమైనది. ఐపీఎల్ హిష్ట‌రీలో ముంబై ఇండియన్స్‌పై సీఎస్‌కే బ్యాట్స్‌మెన్ సాధించిన ఫ‌స్ట్ సెంచ‌రీ ఇది. ఈ సెంచ‌రీతో, ఐపీఎల్‌లో అత్యధిక సెంచ‌రీలు సాధించిన బ్యాట్స్‌మెన్ల జాబితాలో కేఎల్ రాహుల్‌తో కలిసి నాలుగో స్థానాన్ని నిలిచాడు. ప్రస్తుతం వీరిద్దరికీ ఐపీఎల్‌లో చెరో ఐదు శతకాలు ఉన్నాయి. వేర్వేరు జట్లకు ఆడుతూ సంజు ఈ ఘనతను సాధించడం అతని ప్రయాణంలో ఒక ప్రత్యేక ఆకర్షణ.అతను తన మొదటి శతకాన్ని ఢిల్లీ క్యాపిటల్స్ తరఫున, ఆ తర్వాత రెండు రాజస్థాన్ రాయల్స్ తరఫున, ఇప్పుడు చెన్నై సూపర్ కింగ్స్ తరఫున కూడా రెండు శతకాలు సాధించాడు

Sanju Samson : సంజు సునామీ… ఏకంగా 5రికార్డులను బద్దలు..!

Sanju Samson CSK ‘సెంచరీ క్లబ్’లో స్థానం

చెన్నై సూపర్ కింగ్స్ చరిత్రలో, ఒకటి కంటే ఎక్కువ సెంచరీలు సాధించిన బ్యాట్స్‌మెన్లు చాలా తక్కువ మంది ఉన్నారు. CSK తరఫున రెండు లేదా అంతకంటే ఎక్కువ సెంచరీలు సాధించిన షేన్ వాట్సన్, మురళీ విజయ్, రుతురాజ్ గైక్వాడ్ వంటి వారి సరసన ఇప్పుడు సంజు సామ్సన్ చేరాడు. అంతేకాకుండా, ఒకే సీజన్‌లో CSK తరఫున రెండు సెంచరీలు సాధించి, 2018లో షేన్ వాట్సన్ నెలకొల్పిన రికార్డును సంజు సమం చేశాడు. ఈ సీజన్ ఆరంభంలో, చెపాక్‌లో ఢిల్లీ క్యాపిటల్స్‌పై సంజు 115 పరుగుల విధ్వంసకరమైన ఇన్నింగ్స్ ఆడాడు.

Sanju Samson టీ20 క్రికెట్‌లో భారత ఆధిపత్యం

మొత్తం టీ20 క్రికెట్ విషయానికి వస్తే, సంజు సామ్సన్ ఇప్పుడు భారతీయులలో అత్యధిక సెంచరీలు సాధించిన ఆటగాడిగా రోహిత్ శర్మతో సమం చేశాడు. అతను ఇప్పుడు మొత్తం ఎనిమిది టీ20 సెంచరీలు సాధించాడు. ఈ జాబితాలో అభిషేక్ శర్మ మరియు విరాట్ కోహ్లీ చెరో తొమ్మిది సెంచరీలతో మొదటి స్థానంలో సమంగా ఉన్నారు. సంజు ప్రస్తుత ఫామ్ చూస్తుంటే, అతను త్వరలోనే ఈ జాబితాలో కూడా నంబర్ వన్ స్థానానికి చేరుకునే అవకాశం ఉంది.

ముంబై vs చెన్నైలో ఒక కొత్త అధ్యాయం

ఈ మ్యాచ్‌లో, ముంబై ఇండియన్స్‌పై CSK తమ మూడవ అత్యధిక స్కోరును (207/6) నమోదు చేసింది. వాంఖడే పిచ్‌పై ముంబై బౌలర్లు తడబడగా, సంజు టైమింగ్ మ్యాచ్‌ను పూర్తిగా చెన్నైకి అనుకూలంగా మార్చేసింది. 11కి పైగా ఎకానమీ రేటుతో ముంబై ఫాస్ట్ బౌలర్లు దారుణంగా దెబ్బతగా, స్పిన్నర్లు కొంతమేరకైనా మ్యాచ్ వేగాన్ని నియంత్రించడానికి ప్రయత్నించారు.