ICC World Cup 2023 : భారత్ వర్సెస్ ఆస్ట్రేలియా.. శుభ్మన్ గిల్ ఉన్నట్టేనా? గుడ్ న్యూస్ చెప్పిన రాహుల్ ద్రవిడ్
ICC World Cup 2023 : ప్రస్తుతం ప్రపంచమంతా రేపటి మ్యాచ్ కోసం ఎదురు చూస్తోంది. అదే భారత్ వర్సెస్ ఆస్ట్రేలియా. అసలే ఆదివారం.. ఇక క్రికెట్ మ్యాచ్. అది కూడా వన్డ్ క్రికెట్ మ్యాచ్ అంటే ఎలా ఉంటుంది చెప్పండి. రచ్చ రంబోలానే కదా. అది కూడా భారత్ వర్సెస్ ఆస్ట్రేలియా అంటే రెండు దిగ్గజ టీమ్ ల మధ్య పోటీ అంటే మామూలుగా ఉండదు. అందుకే ప్రతి ఒక్క క్రికెట్ అభిమాని ఆ మ్యాచ్ కోసం కళ్లు కాయలు కాచేలా ఎదురు చూస్తున్నాడు. అయితే.. ఆ మ్యాచ్ కి శుభ్ మన్ గిల్ దూరం అవుతాడని వార్తలు వచ్చాయి. ఎందుకంటే.. శుభ్ మన్ కి డెంగ్యూ రావడంతో ఓపెనర్, ఆల్ రౌండర్ శుభ్ మన్ తొలి మ్యాచ్ కే దూరం అవుతాడని అంతా అనుకున్నారు. కానీ.. తాజాగా టీమిండియా హెడ్ కోచ్ రాహుల్ ద్రవిడ్ ఒక గుడ్ న్యూస్ చెప్పాడు.
డెంగ్యూ బారిన పడ్డ ఓపెన్ శుభ్ మన్ గిల్ ప్రస్తుతం ఫిట్ గానే ఉన్నాడని గుడ్ న్యూస్ చెప్పాడు. దీంతో క్రికెట్ అభిమానులు ఎగిరి గంతేస్తున్నారు. మ్యాచ్ కి ఇంకా సమయం ఉండటంతో శుభ్ మన్ గిల్ వన్డే వరల్డ్ కప్ తొలి మ్యాచ్ లో ఉండే చాన్స్ ఉంది. చెన్నైలోని చిదంబరం స్టేడియంలో భారత్ వర్సెస్ ఆస్ట్రేలియా మ్యాచ్ జరగనుంది. డెంగ్యూ రావడంతో శుభ్ మన్ గిల్ ప్రాక్టీస్ సెషన్స్ లోనూ పాల్గొనలేదు. దీంతో శుభ్ మన్ గిల్ ప్లేస్ లో ఇషాన్ కిషన్ ను తీసుకుంటారని అనుకున్నారు. నిజానికి శుభ్ మన్ గిల్ ప్రస్తుతం ఫామ్ లో ఉన్నాడు. ఓపెనర్ గా శుభ్ మన్ అయితే పరుగుల వరద సృష్టించడం ఖాయం. అందుకే.. శుభ్ మన్ ను ఓపెనర్ గా పంపించాలని టీమిండియా భావిస్తోంది.
#image_title
ICC World Cup 2023 : శుభ్ మన్ గిల్ బాగానే ఉన్నాడు
తాజాగా మీడియాతో మాట్లాడిన రాహుల్ ద్రవిడ్.. శుభ్ మన్ గిల్ ఆరోగ్యంగానే ఉన్నాడని.. మ్యాచ్ కు ఇంకా సమయం ఉన్నందున అప్పటి వరకు శుభ్ మన్ గిల్ కోలుకునే అవకాశం ఉందని చెబుతున్నారు. మ్యాచ్ సమయానికి పూర్తిగా కోలుకొని మ్యాచ్ ఆడుతాడనే ఆశాభావం వ్యక్తం చేశారు రాహుల్. మరోవైపు మ్యాచ్ కోసం ప్లేయర్స్ అంతా సిద్ధంగా ఉన్నారని.. చెన్నై పిచ్ ను అర్థం చేసుకొని దానికి తగ్గట్టుగా ప్రాక్టీస్ చేస్తున్నామని రాహుల్ స్పష్టం చేశాడు.