WhatsApp : ప్రపంచవ్యాప్తంగా కోట్ల మంది ఉపయోగిస్తున్న ఇన్‌స్టంట్ మెసేజింగ్ ప్లాట్‌ఫామ్ వాట్సాప్, తన వినియోగదారుల సౌకర్యార్థం ఎన్నో దాగి ఉన్న ఫీచర్లను అందిస్తోంది. అందులో ముఖ్యమైనదే ‘యాడ్ చాట్ షార్ట్‌కట్’ (Add Chat Shortcut). సాధారణంగా మనం ఎవరికైనా మెసేజ్ చేయాలంటే ముందుగా వాట్సాప్ యాప్ ఓపెన్ చేసి, వందలాది కాంటాక్టుల మధ్య వారి పేరును వెతకాల్సి ఉంటుంది. కానీ ఈ సీక్రెట్ ట్రిక్ ద్వారా, మీరు ఎక్కువగా చాట్ చేసే వ్యక్తుల (ఉదాహరణకు కుటుంబ సభ్యులు లేదా అత్యంత సన్నిహితులు) చాట్ విండోను నేరుగా మీ మొబైల్ హోమ్ స్క్రీన్ పైనే ఒక యాప్ ఐకాన్ లాగా ఉంచుకోవచ్చు. దీనివల్ల ప్రతిసారీ యాప్ తెరవాల్సిన అవసరం లేకుండానే ఒకే క్లిక్‌తో సంభాషణను ప్రారంభించవచ్చు.

ఈ ఫీచర్ ముఖ్యంగా ఆండ్రాయిడ్ వినియోగదారులకు ఎంతో ప్రయోజనకరంగా ఉంటుంది. దీనిని సెట్ చేసుకోవడం చాలా సులభం. మొదట మీ వాట్సాప్ ఓపెన్ చేసి, మీకు కావాల్సిన వ్యక్తి చాట్‌ను లాంగ్ ప్రెస్ (Long Press) చేయాలి. ఆ తర్వాత కుడివైపు పైన ఉండే మూడు చుక్కల మెనూను క్లిక్ చేసి, అందులో కనిపించే ‘యాడ్ చాట్ షార్ట్‌కట్’ ఆప్షన్‌ను ఎంచుకోవాలి. వెంటనే సదరు వ్యక్తి ప్రొఫైల్ ఫోటోతో కూడిన ఒక చిన్న ఐకాన్ మీ ఫోన్ హోమ్ స్క్రీన్ పై ప్రత్యక్షమవుతుంది. అత్యవసర సమయాల్లో వేగంగా సమాచారం పంపాలన్నా లేదా తరచుగా మాట్లాడే వారితో కనెక్ట్ అవ్వాలన్నా ఈ షార్ట్‌కట్ అద్భుతంగా పనిచేస్తుంది.

WhatsApp Tricks : వాట్సాప్ యాప్ ఓపెన్ చేయకుండానే చాటింగ్ చేయొచ్చు ఎలాగో తెలుసా?

భారతదేశంలో సుమారు 550 మిలియన్ల మంది యాక్టివ్ యూజర్లు ఉన్న తరుణంలో, మెటా సంస్థ ఇటువంటి యూజర్ ఫ్రెండ్లీ ఫీచర్లపై దృష్టి సారించింది. ఈ ట్రిక్ కేవలం సమయాన్ని ఆదా చేయడమే కాకుండా, మొబైల్ వాడకంలో వేగాన్ని పెంచుతుంది. ఒకే హోమ్ స్క్రీన్ పై మీకు నచ్చిన ఐదు ఆరుగురు వ్యక్తుల షార్ట్‌కట్లను పెట్టుకోవడం ద్వారా, వాట్సాప్ లోని ఇతర అనవసరపు మెసేజ్‌ల గోల లేకుండా నేరుగా మీకు కావాల్సిన వారితోనే సమయం గడపవచ్చు. టెక్నాలజీని స్మార్ట్‌గా ఉపయోగించుకోవాలనుకునే వారికి ఈ ‘చాట్ షార్ట్‌కట్’ ఒక వరమనే చెప్పాలి.