Whatsapp : ప్రపంచవ్యాప్తంగా కోట్లాదిమంది ఉపయోగిస్తున్న ప్రముఖ మెసేజింగ్‌ ప్లాట్‌ఫామ్‌ వాట్సాప్.. యూజర్ల అనుభవాన్ని మెరుగుపరిచేందుకు మరో అడుగు వేసింది. ఇటీవల iOS యూజర్ల కోసం రెండు కీలక ఫీచర్లను ప్రవేశపెడుతున్నట్టు సమాచారం. ఫీచర్ ట్రాకింగ్‌ సంస్థ WABetaInfo అందించిన వివరాల ప్రకారం, ఈ రెండు ఫీచర్లు వాడకదారులకు మరింత సౌకర్యాన్ని కలిగించనున్నాయి.

Whatsapp : అద్భుత‌మైన ఫీచ‌ర్స్..

ఇప్పటికే ఆండ్రాయిడ్‌ యూజర్లకు అందుబాటులో ఉన్న మల్టీ అకౌంట్‌ ఫీచర్, త్వరలో iOS డివైజ్‌లలోకి రానుంది. తాజా iOS బీటా వెర్షన్‌ 25.19.10.74 లో ఈ ఫీచర్‌ కనిపించినట్టు WABetaInfo వెల్లడించింది. ఈ ఫీచర్‌ ద్వారా.. ఒకే డివైజ్‌లో ఎక్కువ‌ వాట్సాప్‌ అకౌంట్లను నిర్వహించవచ్చు.పర్సనల్‌, బిజినెస్‌ ఖాతాల మధ్య సులభంగా స్విచ్‌ చేయవచ్చు. సెట్టింగ్స్‌లోని అకౌంట్‌ లిస్ట్‌ ద్వారా ఈ స్విచింగ్‌ సౌకర్యాన్ని పొందొచ్చు.

ఇది యూజర్లకు ఉద్యోగం, వ్యక్తిగత జీవితం వేర్వేరు అకౌంట్లతో నిర్వహించేందుకు పెద్ద ఉపయోగంగా మారనుంది. ఇంకో ఆసక్తికరమైన ఫీచర్‌గా, డాక్యుమెంట్ స్కాన్ టూల్ ను కూడా వాట్సాప్‌ పరిచయం చేస్తోంది. ఇప్పటికే ఈ ఫీచర్ iOS యూజర్లకు బీటా వర్షన్‌లో అందుబాటులో ఉంది. త్వరలో ఇది ఆండ్రాయిడ్‌ యూజర్లకూ రానుంది. థర్డ్‌ పార్టీ యాప్‌ల అవసరం లేకుండా, వాట్సాప్ నుంచే డాక్యుమెంట్లను స్కాన్‌ చేసి PDF ఫార్మాట్‌లో సేవ్ చేసుకోవచ్చు. ప్రస్తుతం ఈ రెండు ఫీచర్లు బీటా వెర్షన్‌లో పరీక్షలు జరుపుకుంటున్నాయి.