Affair : ప్రియుడితో రాసలీలలకు అడ్డుగా ఉన్నాడని భర్తను చంపిన భార్య.. ఆ తర్వాత..?
Authored By Sudheer Ramanujam
| The Telugu News |
Published on: February 22, 2026, 5:00 pm
Affair : ప్రియుడితో రాసలీలలకు అడ్డుగా ఉన్నాడని భర్తను చంపిన భార్య.. ఆ తర్వాత..?
Affair : ప్రియుడితో రాసలీలలకు అడ్డుగా ఉన్నాడని భర్తను చంపిన భార్య.. ఆ తర్వాత..?
Affair : ప్రేమించి పెళ్లి చేసుకున్న భర్త, అల్లారుముద్దుగా పెంచుకుంటున్న ఇద్దరు పిల్లలు.. ఇవేవీ ఆ భార్యను ఆపలేకపోయాయి. శంకర్‌పల్లి మండలానికి చెందిన కృష్ణ, రాజేశ్వరిలది ప్రేమ వివాహం. ఆరు నెలల క్రితం ఇన్‌స్టాగ్రామ్‌లో మొదలైన ఓ చిన్న పరిచయం రాజేశ్వరి జీవితాన్ని మలుపు తిప్పింది. శరత్ అనే వ్యక్తితో ఏర్పడిన వివాహేతర సంబంధం కట్టుకున్న భర్తపై ద్వేషాన్ని పెంచింది. క్షణికానందం కోసం ఒక నిండు ప్రాణాన్ని బలితీసుకోవడానికి సిద్ధపడటం, అది కూడా తానే ప్రాణంగా ప్రేమించి పెళ్లాడిన వ్యక్తిని హతమార్చడం సమాజంలో విలువలు ఎంతలా పడిపోతున్నాయో అద్దం పడుతోంది.
Affair : ప్రియుడితో రాసలీలలకు అడ్డుగా ఉన్నాడని భర్తను చంపిన భార్య.. ఆ తర్వాత..?
Affair పథకం ప్రకారం ప్రాణం తీసిన తీరు
భర్త కృష్ణను అడ్డుతొలగించుకుంటే ప్రియుడితో హాయిగా ఉండవచ్చని రాజేశ్వరి పక్కాగా స్కెచ్ వేసింది. భర్త మద్యం తాగి నిద్రపోతున్న సమయాన్ని అదునుగా చూసుకుని, ప్రియుడిని పిలిపించి చేసిన ఈ దాడి అత్యంత కిరాతకమైనది. ప్రాణభయంతో కొట్టుకోకుండా కృష్ణ కాళ్లు, చేతులు కట్టేసి, దిండుతో ముఖాన్ని నొక్కిపెట్టి శ్వాస ఆడకుండా చేశారు. అంతేకాకుండా ఛాతిపై బలంగా దూకి మరీ ప్రాణం పోయేలా చూశారు. హత్య చేసిన తర్వాత కూడా ఏమీ తెలియనట్లుగా తెల్లవారేసరికి నటన మొదలుపెట్టి, మృతదేహాన్ని ఆసుపత్రికి తీసుకువెళ్లడం ఆమె నటనకు నిదర్శనం.
Affair అనుమానం.. పోలీసుల విచారణతో గుట్టురట్టు
హత్యను సహజ మరణంగా చిత్రీకరించాలని రాజేశ్వరి చేసిన ప్రయత్నం ఎంతో కాలం సాగలేదు. కృష్ణ తల్లి అంజమ్మకు తన కోడలి ప్రవర్తనపై అనుమానం రావడంతో పోలీసులకు ఫిర్యాదు చేశారు. పోలీసులు తమదైన శైలిలో విచారించగా, రాజేశ్వరి చేసిన సావిత్రి రేంజ్ నటన వీగిపోయింది. ప్రియుడితో కలిసి చేసిన ఈ ఘాతుకాన్ని ఆమె ఒప్పుకుంది. ఇన్‌స్టాగ్రామ్ వంటి సామాజిక మాధ్యమాల ద్వారా తెలియని వ్యక్తులతో పరిచయాలు పెంచుకోవడం, వివాహేతర సంబంధాల వైపు మొగ్గు చూపడం వల్ల కుటుంబాలు ఎలా చిన్నాభిన్నమవుతున్నాయో ఈ కేసు మరోసారి హెచ్చరిస్తోంది.
Also read
