MLC Kavitha : జగదీష్‌ రెడ్డి లిల్లీపుట్… కేసీఆర్ లేకపోతే ఆయనను చూసే వాడు కూడా ఉండడు కవిత సంచలన వ్యాఖ్యలు

MLC Kavitha : బీఆర్‌ఎస్ ఎమ్మెల్సీ కవిత మరోసారి తన వ్యాఖ్యలతో రాష్ట్ర రాజకీయాల్లో సంచలనానికి దారి తీసింది. తాజాగా మాజీ మంత్రి జగదీష్ రెడ్డిని టార్గెట్ చేస్తూ చేసిన కామెంట్లు ఇప్పుడు పెద్ద చర్చనీయాంశంగా మారాయి. జగదీష్ రెడ్డి తనపై అనుచిత వ్యాఖ్యలు చేయడంపై కవిత తీవ్ర ఆగ్రహం వ్యక్తం చేశారు. జగదీష్ రెడ్డి వంటి వారు తనపై మాట్లాడే స్థాయికి కూడా రారన్నారు. “నల్గొండ జిల్లాలో ఒక్కడు గెలిచాడని గొప్పగా భావించకూడదు. జగదీష్‌ రెడ్డి లిల్లీపుట్. కేసీఆర్ లేకపోతే ఆయనను చూసే వాడు కూడా ఉండడు” అంటూ హాట్ కామెంట్స్ చేశారు. తనపై చేసిన విమర్శల వెనుక బీఆర్ఎస్‌లోని ఓ కీలక నేత కుట్ర ఉందని ఆమె సంచలన ఆరోపణలు చేశారు.

MLC Kavitha : జగదీష్‌ రెడ్డి లిల్లీపుట్… కేసీఆర్ లేకపోతే ఆయనను చూసే వాడు కూడా ఉండడు కవిత సంచలన వ్యాఖ్యలు

MLC Kavitha : మాజీ మంత్రి జగదీష్ రెడ్డిని టార్గెట్ చేస్తూ కవిత విమర్శలు

కవిత తన తండ్రికి రాసిన లేఖ బయటకు రావడం, ఆపై చోటు చేసుకున్న పరిణామాలపై గులాబీ పార్టీలో పెద్ద చర్చనీయాంశంగా మారాయి. పార్టీకి చెందిన నాయకులే తనపై అనుచిత వ్యాఖ్యలు చేయిస్తున్నారని కవిత ఆవేదన వ్యక్తం చేశారు. ఇంటి ఆడబిడ్డపై చేసిన వ్యాఖ్యలపై పార్టీ నాయకులు స్పందించకపోవడాన్ని she తీవ్రంగా విమర్శించారు. “ఇదేనా రాజకీయం? నాకు క్షమాపణ చెప్పాలి. బీఆర్ఎస్‌లోని కొందరు నాయకులు ఏకంగా ఇంటి మనిషినే లక్ష్యంగా చేసుకోవడం దారుణం” అంటూ ఆమె మండిపడ్డారు.

ఇప్పటికే బీఆర్ఎస్ పార్టీలో కవిత వ్యవహారంపై నేతలు స్పందించకూడదని కేసీఆర్ క్లియర్ గా చెప్పినా, ఈ విషయం మళ్లీ తెరపైకి రావడం రాజకీయంగా వేడి పెంచుతోంది. జగదీష్ రెడ్డి ఇటీవల ఓ ఛానెల్ ఇంటర్వ్యూలో కవితపై చేసిన వ్యాఖ్యలకు ఇది కవిత బలమైన కౌంటర్ కావడం విశేషం. కవిత వ్యాఖ్యలతో బీఆర్ఎస్ లో అంతర్గత రాజకీయాలు మరోసారి బయటపడుతున్నాయి. రాష్ట్ర రాజకీయాల్లో ఈ వ్యవహారం మరింత పెరుగుతుందని రాజకీయ వర్గాల్లో అభిప్రాయాలు వ్యక్తమవుతున్నాయి.