Womens : తెలంగాణ మహిళలకు రాష్ట్ర ప్రభుత్వం శుభవార్త… అలాంటి వారికి 2.5 లక్షల రుణ సదుపాయం..!

Womens : తెలంగాణ రాష్ట్ర మహిళలకు కాంగ్రెస్ సర్కార్ శుభవార్త తీసుకువచ్చింది. అర్హులైన మహిళలకు దాదాపు రూ.2.5 లక్షల స్వయం ఉపాధి రుణంగా ఇవ్వనుంది. అయితే ఇది అందరికీ వర్తించదని చెప్పాలి. ఈ అవకాశం కేవలం మీసేవ సెంటర్లను ఏర్పాటు చేసుకోవాలి అనుకునే వారికి మాత్రమే. అయితే రాష్ట్రంలో మీసేవ కేంద్రాల ద్వారా అనేక రకాల ప్రభుత్వ పథకాలకు సంబంధించిన సేవలు ప్రజలకు అందిస్తున్నారు. కానీ ప్రస్తుతం తెలంగాణ రాష్ట్రంలో ఉన్న మీసేవ కేంద్రాలు ఎక్కువ మొత్తంలో లేకపోవడంతో ప్రజలు ఇబ్బందికి గురవుతున్నారు. దీంతో ఏదైనా దరఖాస్తు సమయంలో మీ సేవ కేంద్రాల వద్ద ప్రజలు బారులు తీరుతున్నారు. మరి ముఖ్యంగా మండల కేంద్రాలలో ఉన్నటువంటి మీసేవ సెంటర్ల వద్ద జనం ఎక్కువగా ఉంటున్నారు. దీంతో ఏదైనా ప్రభుత్వ పని జరగాలంటే రోజులు తరబడి వేచి చూడాల్సిన పరిస్థితి కనిపిస్తోంది. అయితే ఈ సమస్యపై దృష్టి సారించిన తెలంగాణ ప్రభుత్వం సరికొత్త విధానాన్ని అమలు చేయబోతోంది. ఈ సమస్యకు పరిష్కారంగా సరికొత్త విధానాన్ని తీసుకురాబోతుంది.

Womens ప్రతి గ్రామంలో మీసేవ సెంటర్…

ప్రస్తుతం మీసేవ కేంద్రాల వద్ద ప్రజలు ఇబ్బందిని గుర్తించిన ప్రభుత్వం ప్రతి గ్రామంలో మీసేవ సెంటర్లను ఏర్పాటు చేయాలని నిర్ణయించుకుంది. ఈ నేపథ్యంలోనే గ్రామంలోని ప్రభుత్వ పాఠశాల లేదా అంగన్వాడీ కేంద్రాలలో వాటిని ఏర్పాటు చేయనున్నారు. ఇక ఈ మీసేవ సెంటర్లను నడిపించే బాధ్యత మాత్రం మహిళలకు ఇవ్వనున్నారు. తద్వారా మహిళలకు ఉపాధి కల్పించిన వారు అవుతారు.అంతేకాక మహిళలకు ముందుగానే మీసేవ సెంటర్లను ఎలా నిర్వహించాలో శిక్షణ ఇవ్వనున్నారు. ఆ తర్వాత మీసేవ సెంటర్లను ఏర్పాటు చేయడానికి కావలసిన రుణ సదుపాయం కూడా కల్పించనున్నారు.

Womens : తెలంగాణ మహిళలకు రాష్ట్ర ప్రభుత్వం శుభవార్త… అలాంటి వారికి 2.5 లక్షల రుణ సదుపాయం..!

ఇంటర్ పాసైన మహిళలు ఈ మీసేవ సెంటర్లు నడిపే బాధ్యతలను తీసుకోవచ్చు. కానీ వీరు స్వయం సహాయక సంఘాల సభ్యులై ఉండాలి.ఈ సంఘాలలో ఉన్న వారికి మాత్రమే ఈ అవకాశం లభిస్తుంద. ఇక ప్రభుత్వ శిక్షణ పూర్తయిన తర్వాత మీసేవ సెంటర్లను ఏర్పాటు చేయడానికి రూ.2.5 లక్షలు అందిస్తారు. ఈ రుణ సదుపాయంతో ఆయా గ్రామాల్లోని అంగన్వాడి లేదా ప్రభుత్వ పాఠశాలలో మీసేవ సెంటర్లు ఏర్పాటు చేసుకోవాల్సి ఉంటుంది. తద్వారా ప్రతి గ్రామంలో మీసేవ సెంటర్ ఏర్పాటు అవుతుంది. దీంతో ఎలాంటి ఇబ్బంది లేకుండా ప్రజలు వారి యొక్క సొంత గ్రామం లోనే వివిధ రకాల ప్రభుత్వ పనులను పూర్తి చేసుకోవచ్చు. ఇక దీనికి సంబంధించి పూర్తి వివరాలను ప్రభుత్వం త్వరలోనే విడుదల చేయనుంది.