Bigg Boss Telugu 10 : అతను చాలా మంచివాడు.. ఓటేసి గెలిపించండి.. జిమ్ జిమ్ తార లక్ష్మీదేవి వీడియో వైరల్..!
Bigg Boss Telugu 10 : జిమ్ జిమ్ తార పాటతో ఒక్కసారిగా తెలుగు రాష్ట్రాల్లో ఫేమస్ అయిన గోకుల లక్ష్మీదేవి పేరు ఇప్పుడు సోషల్ మీడియాలో మారుమోగుతోంది. ఆమె పాడిన పాటలు, వీడియోలు నెట్టింట తెగ వైరల్ అవుతున్నాయి. ముఖ్యంగా ‘జిమ్ జిమ్ తార.. జిలేబి తేరా చిన్నోడా’ పాటతో లక్ష్మీదేవికి ప్రత్యేక గుర్తింపు వచ్చింది. సోషల్ మీడియాలో ఆమెను చాలామంది లక్ష్మీ ఆంటీ అని కూడా పిలుస్తుంటారు.ఇటీవల ఈమె బిగ్ బాస్ తెలుగు 10 గురించి ఆసక్తికరంగా స్పందించారు. ఈ సీజన్‌లో కొనసాగుతున్న ఓ కంటెస్టెంట్‌కు తన మద్దతు ప్రకటిస్తూ సోషల్ మీడియా వేదికగా ఓ వీడియోను విడుదల చేశారు. తనకు నచ్చిన కంటెస్టెంట్‌కు ప్రేక్షకులు ఓటేసి గెలిపించాలని ఆమె ప్రత్యేకంగా కోరారు. ఇంతకీ లక్ష్మీదేవి ఎవరికి మద్దతు తెలిపారంటే.. బిగ్ బాస్ 10 కంటెస్టెంట్ సుధీర్‌కు.ప్రేక్షకుల అంచనాలకు తగ్గట్టుగానే బిగ్ బాస్ తెలుగు సీజన్ 10 రసవత్తరంగా సాగుతోంది. హౌస్‌లో కంటెస్టెంట్ల మధ్య పోటీ, టాస్కులు, నామినేషన్లు, ఎలిమినేషన్లతో షో ఆసక్తికరంగా మారింది. ఇప్పటికే ఈ రియాలిటీ షో విజయవంతంగా ఎనిమిది వారాలు పూర్తి చేసుకుంది. తొమ్మిదో వారం కూడా దాదాపు ముగింపు దశకు చేరుకోవడంతో ఈ వారం ఎవరికి ఎలిమినేషన్ తప్పదన్న చర్చ మొదలైంది.
Bigg Boss Telugu 10 : అతను చాలా మంచివాడు.. ఓటేసి గెలిపించండి.. జిమ్ జిమ్ తార లక్ష్మీదేవి వీడియో వైరల్..!
ఈ వారం ఎలిమినేషన్ కోసం ఏకంగా 10 మంది కంటెస్టెంట్లు నామినేషన్స్‌లో ఉన్నారు. యాంకర్ వర్షిణి, ముఖేష్ గౌడ, అమన్ మసూద్, టెంపర్ వంశీ, నీతు మాస్టర్, శివ, నరేష్, దేబ్జానీ, సుధీర్, రాంప్రసాద్‌లు ఎలిమినేషన్ ముప్పును ఎదుర్కొంటున్నారు. వీరిలో ఈ వారం ఒకరు మాత్రమే హౌస్ నుంచి బయటకు వెళ్తారా? లేక ఇద్దరికి బిగ్ బాస్ హౌస్‌కు వీడ్కోలు పలకాల్సి వస్తుందా? అనే ఉత్కంఠ నెలకొంది. దీనిపై ఆదివారం (అక్టోబర్ 08) ప్రసారమయ్యే ఎపిసోడ్‌లో స్పష్టత రానుంది. ఇదిలా ఉంటే బిగ్ బాస్ టైటిల్ రేసులో ప్రస్తుతం త్రిగుణ్ టాప్‌లో ఉన్నాడనే అభిప్రాయాలు వ్యక్తమవుతున్నాయి. అతనికి పోటీగా నిలిచిన రోహిత్ నాయుడు కూడా ఎలిమినేట్ అయి హౌస్ నుంచి బయటకు వెళ్లిపోయాడు. దీంతో ఇప్పుడు హౌస్‌లో ముఖేష్ వర్సెస్ త్రిగుణ్ పోటీ ఆసక్తికరంగా మారిందనే చర్చ జరుగుతోంది. ఈ ఇద్దరి మధ్యే టైటిల్ పోరు కొనసాగుతుందనే అభిప్రాయాలు కూడా వినిపిస్తున్నాయి.
మరోవైపు బిగ్ బాస్ 10పై పలువురు రివ్యూయర్లు, సెలబ్రిటీలు తమ అభిప్రాయాలను వెల్లడిస్తున్నారు. ఎవరు టాప్-5లో ఉంటారు? ఎవరి ఆటతీరు బాగుంది? ఎవరు టైటిల్ గెలిచే అవకాశాలు ఉన్నాయి? అనే అంశాలపై తమదైన శైలిలో అంచనాలు వేస్తున్నారు. అంతేకాదు, తమకు నచ్చిన కంటెస్టెంట్లకు ఓటేసి గెలిపించాలని కోరుతూ సోషల్ మీడియా వేదికగా పోస్టులు, వీడియోలు కూడా చేస్తున్నారు.ఈ క్రమంలోనే జిమ్ జిమ్ తార సింగర్ లక్ష్మీదేవి కూడా బిగ్ బాస్ 10 కంటెస్టెంట్ సుధీర్‌కు మద్దతుగా వీడియో విడుదల చేయడం ఇప్పుడు చర్చనీయాంశంగా మారింది.
Bigg Boss Telugu 10 జిమ్ జిమ్ తార లక్ష్మీదేవి ఎవరికి ఓటేయాలని కోరారంటే?
జిమ్ జిమ్ తార పాటతో పాపులర్ అయిన సింగర్ పూర్తి పేరు గోకుల లక్ష్మీదేవి. సోషల్ మీడియాలో ఆమెను లక్ష్మీ ఆంటీగా పిలుస్తుంటారు. ఆమె రాయలసీమలోని కర్నూలు ప్రాంతానికి చెందినవారని తెలుస్తోంది. ‘జిమ్ జిమ్ తార.. జిలేబి తేరా చిన్నోడా’ పాటతో మాత్రమే కాకుండా గతంలో ‘అత్తరు సాయిబో రారా’ అంటూ పలు పాటలు పాడి కూడా లక్ష్మీదేవి మంచి గుర్తింపు సంపాదించుకున్నారు.తాజాగా బిగ్ బాస్ తెలుగు 10పై మాట్లాడిన లక్ష్మీదేవి.. రాయలసీమకు చెందిన కంటెస్టెంట్ సుధీర్‌కు తన మద్దతు ప్రకటించారు. సుధీర్‌కు ఓటేసి గెలిపించాలని ప్రేక్షకులను కోరుతూ సోషల్ మీడియాలో ప్రత్యేకంగా ఓ వీడియోను రిలీజ్ చేశారు.ఆ వీడియోలో లక్ష్మీదేవి మాట్లాడుతూ.. ‘మన రాయలసీమ ముద్దుబిడ్డ సుధీర్ చాలా మంచివాడు. అతనికి అందరూ ఓటు వేయాలి. మంచి వాడైన సుధీర్‌ను గెలిపించాల్సిన బాధ్యత మనందరిపై ఉంది’ అంటూ ప్రత్యేకంగా రిక్వెస్ట్ చేశారు.లక్ష్మీదేవి చేసిన ఈ విజ్ఞప్తికి సంబంధించిన వీడియో ప్రస్తుతం సామాజిక మాధ్యమాల్లో వైరల్‌గా మారింది. ‘జిమ్ జిమ్ తార’ పాటతో వచ్చిన క్రేజ్ కారణంగా ఆమె వీడియోకు కూడా నెటిజన్ల నుంచి మంచి స్పందన కనిపిస్తోంది. ముఖ్యంగా రాయలసీమ ప్రాంతానికి చెందిన సుధీర్‌కు ఆమె బహిరంగంగా మద్దతు ప్రకటించడం ఆసక్తిని పెంచింది.
Also Read : Ration Card : తెలంగాణలో రేషన్ కార్డు ఉన్నవారికి గుడ్న్యూస్.. రూ.5 లక్షల పథకం వారికే..!
బిగ్ బాస్ 10లో సుధీర్ ప్రయాణం ఎలా సాగుతోంది?
ఇక బిగ్ బాస్ 10 కంటెస్టెంట్ సుధీర్ విషయానికి వస్తే.. ఇతనిది కూడా రాయలసీమ ప్రాంతమే. ప్రముఖ డిజిటల్ మీడియా ప్లాట్‌ఫామ్ ఆదాన్ మీడియా, అలాగే సుధీర్ టాక్స్ ద్వారా యాంకర్‌గా మంచి గుర్తింపు తెచ్చుకున్నాడు. తన యాంకరింగ్, మాట్లాడే విధానం, సోషల్ మీడియా క్రేజ్‌తో ప్రత్యేకమైన ఫాలోయింగ్‌ను సంపాదించుకున్నాడు.ఈ క్రేజ్‌తోనే సుధీర్ బిగ్ బాస్ తెలుగు 10లోకి అడుగుపెట్టాడు. హౌస్‌లోకి వచ్చిన తర్వాత తన ఆటతీరుతో ప్రేక్షకులను ఆకట్టుకునే ప్రయత్నం చేస్తున్నాడు. ప్రస్తుతం అతను ఎలిమినేషన్ నామినేషన్స్‌లో ఉండటంతో అతని అభిమానుల్లోనూ టెన్షన్ నెలకొంది. ఈ సమయంలోనే లక్ష్మీదేవి వంటి గుర్తింపు ఉన్న వ్యక్తి సుధీర్‌కు ఓటేసి గెలిపించాలని కోరడం అతనికి మద్దతుగా మారింది.అయితే బిగ్ బాస్ అనేది పూర్తిగా ప్రేక్షకుల ఓట్లపై ప్రభావం చూపే రియాలిటీ షో కావడంతో సుధీర్‌కు ఎంత మేర ఓటింగ్ వస్తుంది? ఈ వారం ఎలిమినేషన్ నుంచి బయటపడతాడా? ముందుముందు టైటిల్ రేసులో ఎంత దూరం వెళ్తాడు? అనేది ఆసక్తికరంగా మారింది. మొత్తానికి జిమ్ జిమ్ తార లక్ష్మీదేవి సుధీర్‌కు మద్దతుగా చేసిన స్పెషల్ రిక్వెస్ట్ ఇప్పుడు బిగ్ బాస్ తెలుగు 10 అభిమానుల్లో హాట్ టాపిక్‌గా మారింది. Bigg Boss Telugu 10, Sudheer, Lakshmi Devi, Jim Jim Thara, Bigg Boss Telugu