
brahmamudi 11 november 2023 saturday full episode
Brahmamudi 11 Nov Today Episode : బ్రహ్మముడి సీరియల్ లేటెస్ట్ ఎపిసోడ్ తాజాగా విడుదలైంది. బ్రహ్మముడి సీరియల్ 11 నవంబర్ 2023, శనివారం ఎపిసోడ్ 251 హైలైట్స్ ఏంటో ఇప్పుడు చూద్దాం. ఈ ఫ్యామిలీ గురించి నీకు ఆలోచన లేకపోయినా నేను ఆలోచించాలి కదా. అది నా బాధ్యత అంటాడు రాజ్. మన గురించి తర్వాత మాట్లాడుకుందాం కానీ.. ముందు ఇది తినండి అంటే.. నేను తినను అని చెబుతున్నాను కదా. నువ్వు కోపంగా చూస్తే బెదిరిపోవడానికి నేనేమీ మీ షాపులో పని చేసే వాడిని కాదు. వెళ్లు.. నేను తినను అని చెప్పడంతో భోజనం అక్కడ పెట్టి బయటికి వెళ్లబోతుంది కావ్య. దీంతో తీసుకెళ్లు అని ప్లేట్ ఇచ్చి పంపిస్తాడు రాజ్. మీచేతే అన్నం తినిపిస్తాను.. ఎలాగో మీరే చూడండి అని మనసులో అనుకొని బయటికి వెళ్తుంది కావ్య. చిన్నఅత్తయ్య రెడీనా అంటుంది. నేను ఇందాక చెప్పిన విషయం గుర్తుంది కదా అంటే.. గుర్తుంది అంటుంది. ఏంటి చిన్నత్తయ్య మీరు అనేది.. మీరు ఈ పని చేయగలరా అంటుంది కావ్య. ఏం ఎందుకు చేయలేను.. చిన్నప్పటి నుంచి నేను వాడిని దగ్గర్నుంచి చూశా అంటుంది ధాన్యలక్ష్మి. దీంతో మీ మాటే కాదు.. అపర్ణ అత్తయ్య మాట కూడా వినడు అంటుంది కావ్య. అప్పుడే అక్కడి నుంచి వెళ్తున్న అపర్ణ.. అన్ని మాటలు విని.. ఏమైంది.. ఏం జరిగింది అని ధాన్యలక్ష్మిని అడుగుతుంది.
దీంతో ఏం లేదు అక్కయ్య.. రాజ్ భోజనం చేయనన్నాడట. తన మాట వినడం లేదు కదా అంటే.. నీ మాట కాకపోతే నా మాట వింటాడు అని చెప్పా అంటుంది ధాన్యలక్ష్మి. కానీ.. నా మాట కాదు.. మీ మాట కూడా వినడు అని కావ్య చెబుతోంది అంటుంది. కానీ.. రాజ్ ఇప్పుడు నువ్వు ఉన్న పరిస్థితుల్లో నువ్వు చెప్పినా వినడు అని చాలెంజ్ చేస్తోంది అంటే.. నేను రాజ్ కు భోజనం తీసుకెళ్లి తినిపిస్తాను అంటుంది అపర్ణ. ఒకరి కోసం ప్రూవ్ చేయాల్సిన అవసరం లేదు. నా బిడ్డ ఆకలితో పడుకోకూడదు అని తీసుకెళ్తున్నా అని రాజ్ కు భోజనం తీసుకెళ్తుంది అపర్ణ. మరోవైపు రాజ్ కు బాగా ఆకలి వేస్తూ ఉంటుంది. ఏం చేయాలో అర్థం కాదు. లేదు.. తినకూడదు. అది చేసింది నేను తినడం ఏంటి అని అనుకుంటాడు. మంచినీళ్లు తాగుతూ ఉంటాడు. భోజనం తీసుకొని అపర్ణ వెళ్తుంది. ఆ కళావతి తినిపిస్తే తినలేదని.. నిన్ను పంపించిందా అంటే.. 25 ఏళ్ల నుంచి నీకే కదా నేను భోజనం తీసుకొచ్చేది అంటుంది. నీకోసం నేనే కష్టపడి భోజనం చేశాను అంటుంది అపర్ణ. దీంతో అపర్ణ తినిపిస్తుంటే తింటాడు రాజ్. దీంతో ధాన్యలక్ష్మి.. కావ్యను మెచ్చుకుంటుంది. రాజ్ భోజనం తినిపించి బయటికి వచ్చి కావ్య, ధాన్యలక్ష్మి కనిపించగానే ఒక మనిషిని గెలిపించాలంటే సాధించడం కాదు.. ప్రేమించాలి అని చెప్పి అక్కడి నుంచి వెళ్లిపోతుంది అపర్ణ.
ఆ తర్వాత బెడ్ రూమ్ లోకి వచ్చి పడుకుంటుంది కావ్య. నవ్వుతూ ఉండటం చూసి ఎందుకు నవ్వుతున్నావు నువ్వు. నువ్వు చెబితే తినలేదని.. మా అమ్మతో పంపించావు కదా. నువ్వే మా అమ్మకు చెప్పి పంపించావు అని నాకు తెలుసు అంటాడు రాజ్. నేను వండలేదండి.. మీ అమ్మ గారే వండారు అంటే.. ఎవరి చేతి వంట ఎలా ఉంటుందో నాకు తెలుసు. అది నువ్వే చేశావని నాకు తెలుసు అంటాడు రాజ్.
కట్ చేస్తే తెల్లవారుతుంది. అందరినీ హాల్ లోకి పిలుస్తాడు సీతారామయ్య. ఇంతలో లాయర్ వస్తాడు. లాయర్ గారు అంతా నేను చెప్పిన విధంగా వీలునామా రాసుకొచ్చారా అంటే.. మీరు చెప్పినట్టుగానే పొందుపరిచాను అంటాడు లాయర్. అసలు ఇప్పుడు ఈ వీలునామా అవసరమా నాన్న అంటాడు సుభాష్. రుద్రాణి మాత్రం తెగ సంతోషిస్తుంది.
ఒకసారి అందులో ఏముందో చదవనివ్వండి అంటుంది రుద్రాణి. దీంతో నీకు మాత్రమే అంత తొందరగా ఉన్నట్టుంది అంటుంది ధాన్యలక్ష్మి. దీంతో రుద్రాణికే కాదు.. అందరికీ నా మీద అనుమానం ఉంది. అందుకే నేను అందరికీ కొన్ని విషయాలు క్లారిఫై చేయాలి అంటాడు సీతారామయ్య.
నా వైపు నుంచి ఆరోగ్య సమస్య ఎదురైంది. ఎవరి అంతర్మధనం బయటపడుతుందో అన్న పిరికితనం నన్ను ఆవహించింది. ఎవరూ వారి ఆంతర్యాలు బయట పెట్టకముందే నేను ఒక నిర్ణయం తీసుకోవాలని అనుకున్నాను. అదే వీలునామా అంటాడు సీతారామయ్య.
నేను ఇప్పటికే ఆలస్యం చేశాను.. నా మనసులో ఏముందో మీ అందరికీ చెప్పాల్సిన అవసరం వచ్చింది. దయచేసి ఎవ్వరూ అడ్డుపడకండి. లాయర్ గారు మీరు చదవండి అంటాడు సీతారామయ్య. లాయర్ చదవబోతుండగా రాజ్ వచ్చి ఆ లెటర్ ను లాక్కుంటాడు. లాయర్ గారు క్షమించాలి.. ఇప్పుడు ఇంటి సభ్యులకు ఈ వీలునామాతో అవసరం లేదు. కాబట్టి దయచేసి మీరు వెళ్లిరండి అంటాడు రాజ్.
అదికాదు సార్ అంటే.. వెంటనే ఆ వీలునామాను చింపేస్తాడు రాజ్. దీంతో రుద్రాణి, రాహుల్ కు కోపం వస్తుంది. రాజ్.. అంటాడు సీతారామయ్య. నేను మీ నిర్ణయాన్ని దిక్కరించి ఈ మాట అనడం లేదు. దయచేసి ఈ విషయంలో మీరు ఏం మాట్లాడకండి అంటే.. రాజ్ నువ్వు చేసిందేంటి అని అడుగుతాడు సీతారామయ్య. మీ గురించి వదిలేసి ఎవరికి ఎంత వాటా వస్తుంది. ఆ వాటాకు ఎంత ఆస్తులు వస్తాయి. ఆ వాటాలో ఎవరికి ఎక్కువ.. ఎవరికి తక్కువ అని లెక్కలు వేసుకుంటూ కూర్చోవడానికి మేము మనుషులం తాతయ్య.. బండరాళ్లం కాదు అంటాడు రాజ్.
రుద్రాణి అవాక్కు అయినట్టుంది అంటుంది ధాన్యలక్ష్మి. మనమందరం అలాగే ఉందాం. నేను కోరుకున్నది కూడా అదే కదా అంటుంది రుద్రాణి. మరోవైపు మన సమస్యకు మనమే పరిష్కారం చూసుకొని సంతోషంగా ఉంటేనే అది నిజంగా తాతయ్యకే హ్యాపీగా ఉంటుంది అని రాజ్ తో అంటుంది కావ్య.
ఇక నుంచి నేను రెచ్చిపోతాను. నేను ఎలా మిమ్మల్ని కాపురం చేసేలా చేస్తానో మీరే మున్ముందు చూస్తారు అని చెబుతుంది కావ్య. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.
Hibiscus Flower : సాధారణంగా మన ఇంటి పెరట్లో రంగురంగుల మందార పువ్వులు కనిపిస్తుంటాయి. అయితే చాలా మంది వీటిని…
Tea : భారతదేశంలో టీ అనేది కేవలం ఒక పానీయం మాత్రమే కాదు, అది ఒక ఎమోషన్. ఉదయాన్నే నిద్రలేవగానే…
Crimes : ప్రస్తుత సమాజంలో మనిషి ప్రాణానికి విలువ లేకుండా పోతోంది. కోపం, పగ, అనుమానం వంటి కారణాలతో సన్నిహితులనే…
TVK Vijay : తమిళనాడు అసెంబ్లీ ఎన్నికల ఫలితాల తర్వాత ఆ రాష్ట్ర రాజకీయాలు ఊహించని మలుపులు తిరుగుతున్నాయి. తమిళగ…
IPL 2026 Playoffs : ఐపీఎల్ 2026 సీజన్ ప్రస్తుతం అత్యంత రసవత్తర దశకు చేరుకుంది. మొత్తం 48 లీగ్…
Vijay TVK : తమిళనాడు అసెంబ్లీ ఎన్నికల ఫలితాల తర్వాత ఆ రాష్ట్ర రాజకీయాలు అనూహ్య మలుపులు తిరుగుతున్నాయి. దళపతి…
Night Heat Stroke : సాధారణంగా వడదెబ్బ అనగానే మనందరికీ మండుటెండలు, మధ్యాహ్నపు వేడి గాలులు మాత్రమే గుర్తొస్తాయి. పగటిపూట…
Prasar Bharati Recruitment 2026 : భారత ప్రభుత్వ సమాచార మరియు ప్రసార మంత్రిత్వ శాఖకు చెందిన ప్రముఖ పబ్లిక్…
భానుడు భగభగమంటున్నాడు. రోజురోజుకు ఎండ తీవ్రత పెరుగుతుండటంతో పిల్లలు, పెద్దలు, ముసలివారు అనే తేడా లేకుండా ప్రతి ఒక్కరూ తీవ్ర…
AP Housing Scheme 2026 : సొంతంగా ఒక ఇల్లు నిర్మించుకోవాలనేది ప్రతి పేద, మధ్యతరగతి కుటుంబం యొక్క దశాబ్దాల…
Husband Wife : నేటి సమాజంలో మనుషుల ప్రాణాలకు విలువే లేకుండా పోతోంది. చిన్నపాటి మనస్పర్థలు, అనవసరపు అనుమానాలు నిండు…
Mamata Banerjee : పశ్చిమ బెంగాల్ రాజకీయాలు మరోసారి తీవ్ర ఉత్కంఠకు దారితీశాయి. నిన్న వెలువడిన ఎన్నికల ఫలితాలు, ఓట్ల…
This website uses cookies.