Sudigali Sudheer : సుధీర్‌పై శ్రీకాంత్ ఫైర్.. ‘నీ లిమిట్స్‌లో ఉండు’ అంటూ వార్నింగ్ .. వీడియో వైరల్ !

Sudigali Sudheer  : బుల్లితెరపై సుడిగాలి సుధీర్‌కు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ‘జబర్దస్త్’ కామెడీ షోతో తనదైన కామెడీ టైమింగ్‌తో ప్రేక్షకులను కడుపుబ్బా నవ్వించిన సుధీర్.. ఆ తర్వాత ఎన్నో ఎంటర్‌టైన్‌మెంట్ షోలలో తనదైన శైలిలో సందడి చేశాడు. ఒకానొక సమయంలో ఈటీవీలో సుడిగాలి సుధీర్ లేని ఎంటర్‌టైన్‌మెంట్ షో దాదాపుగా కనిపించేది కాదంటే అతిశయోక్తి కాదు. బుల్లితెరపై వచ్చిన ఫేమ్, క్రేజ్‌తో సినిమాల్లోకి కూడా హీరోగా ఎంట్రీ ఇచ్చాడు. ఇప్పటివరకు నాలుగైదు సినిమాల్లో నటించిన సుధీర్‌కు అందులో ఒక సినిమా కమర్షియల్‌గా మంచి విజయాన్ని అందుకుంది. ప్రస్తుతం సినిమాలు చేస్తూనే టీవీ కార్యక్రమాల్లో యాంకర్‌గా కూడా ఫుల్ బిజీగా ఉన్నాడు. అయితే తాజాగా ‘డ్రామా జూనియర్స్ 9’ షోలో సుధీర్, సీనియర్ హీరో శ్రీకాంత్ మధ్య జరిగిన ఓ సన్నివేశం సోషల్ మీడియాలో హాట్ టాపిక్‌గా మారింది. సుధీర్‌పై శ్రీకాంత్ ఆగ్రహం వ్యక్తం చేస్తూ ‘నీ లిమిట్స్‌లో నువ్వు ఉండు’ అంటూ వార్నింగ్ ఇవ్వడం ఇప్పుడు చర్చనీయాంశంగా మారింది.

Sudigali Sudheer : సుధీర్‌పై శ్రీకాంత్ ఫైర్.. ‘నీ లిమిట్స్‌లో ఉండు’ అంటూ వార్నింగ్ .. వీడియో వైరల్ !

Sudigali Sudheer సుధీర్ కామెడీపై అభిమానుల్లో అసంతృప్తి

ప్రస్తుతం సుడిగాలి సుధీర్ జీ తెలుగులో ప్రతి శని, ఆదివారాల్లో ప్రసారమయ్యే ‘డ్రామా జూనియర్స్ 9’ కార్యక్రమానికి యాంకర్‌గా వ్యవహరిస్తున్నాడు. అలాగే ఈటీవీలో ప్రతి ఆదివారం రాత్రి 7:30 గంటలకు ప్రసారమయ్యే ‘ది ఫ్యామిలీ స్టార్స్ 2’ కార్యక్రమానికి కూడా హోస్ట్‌గా వ్యవహరిస్తున్నాడు. వీటిలో ‘డ్రామా జూనియర్స్ 9’ మంచి టీఆర్పీ రేటింగ్స్‌తో కొనసాగుతోంది. ఈ షోకు ప్రముఖ దర్శకుడు అనిల్ రావిపూడి, సీనియర్ హీరో శ్రీకాంత్, రోజా జడ్జీలుగా వ్యవహరిస్తున్నారు. వీరితో కలిసి సుధీర్ చేసే సరదా కామెడీ షోకు ప్రత్యేక ఆకర్షణగా నిలుస్తోంది. అయితే సుధీర్‌పై వేసే కొన్ని జోకులు, ప్రాంక్స్ విషయంలో ఆయన అభిమానుల్లో కొంత అసంతృప్తి వ్యక్తమవుతోంది. యూట్యూబ్ కామెంట్లలో ‘మా సుధీర్‌ను అలా అవమానించకండి’ అంటూ పలువురు అభిమానులు కామెంట్లు చేస్తున్నారు. ఇదిలా ఉంటే తాజాగా ప్రసారమైన ఎపిసోడ్‌కు సంబంధించిన ప్రోమోలో సుధీర్‌పై శ్రీకాంత్ ఆగ్రహం వ్యక్తం చేసిన సన్నివేశం కనిపించింది. దీంతో ఈ వీడియోపై నెటిజన్లు కూడా రకరకాలుగా స్పందిస్తున్నారు.

Sudigali Sudheer  ‘నీ లిమిట్స్‌లో నువ్వు ఉండు’.. శ్రీకాంత్ ఎందుకు ఫైర్ అయ్యారు?

షోలో శ్రీకాంత్ స్టేజిపైకి వచ్చిన సమయంలో సుధీర్ ఆయనకు తనదైన స్టైల్‌లో స్వాగతం పలికాడు. ‘ఏంటన్నా అసలు.. మామూలోళ్లు కాదన్నా మీరు. ఎప్పుడు చూసినా చిన్న పిల్లాడిలా ముఖంపై నవ్వుతో కనిపిస్తారు’ అంటూ చాలా చనువుగా మాట్లాడాడు. అయితే సుధీర్ మాటలకు శ్రీకాంత్ ఒక్కసారిగా ‘హేయ్.. ఆపు’ అంటూ గట్టిగా అరిచినట్లు ప్రోమోలో కనిపించింది. ఆ తర్వాత ‘హీరోలా కనిపించడం లేదా నీకు? ఏంటి ఇదంతా.. తగ్గు కొంచెం తగ్గు.. అతి చేయకు’ అంటూ శ్రీకాంత్ సీరియస్‌గా మాట్లాడారు. దీంతో సుధీర్ వెంటనే స్పందిస్తూ.. ‘అన్నా అలా కాదు. మనం ఎప్పుడూ సరదాగా ఉంటాం కదా అని అలా అన్నాను’ అని వివరణ ఇచ్చాడు.అయితే శ్రీకాంత్ మాత్రం అక్కడితో ఆగలేదు. ‘ఇన్నాళ్లు మొహమాటంతో ఆగాను. నీ లిమిట్స్‌లో నువ్వు ఉండు. నాకు ఈ షో అక్కర్లేదు అసలు. నాకున్న గౌరవం నాకు ఉంది బయట’ అంటూ తీవ్రంగా స్పందించినట్లు ప్రోమోలో కనిపించింది.

ఇదంతా చూస్తున్న సుధీర్.. ‘అన్నా.. ఇదంతా ప్రోమో కోసం కాదు కదా?’ అని అడిగాడు. అందుకు శ్రీకాంత్ ‘ప్రోమో ఏంటి? ప్రతి దాన్ని కమర్షియల్‌గా చూస్తావా నువ్వు?’ అంటూ ప్రశ్నించారు. చివర్లో ‘ఓకే.. ఇది అసలు సిసలు ప్రోమో అంటే’ అంటూ శ్రీకాంత్ చెప్పడం కూడా ప్రోమోలో కనిపించింది.అయితే ఈ మొత్తం సన్నివేశాన్ని చూస్తే ప్రాంక్ తరహాలోనే చివరికి కవర్ చేసినట్లు అనిపిస్తోందని కొందరు నెటిజన్లు కామెంట్లు చేస్తున్నారు. మరికొందరు మాత్రం శ్రీకాంత్ నిజంగానే సుధీర్‌పై కోపం తెచ్చుకున్నట్లు కనిపిస్తోందని అభిప్రాయపడుతున్నారు. అసలు ఈ ఘటనలో నిజంగా ఏం జరిగింది? ఇది పూర్తిగా ప్రాంకా? లేక శ్రీకాంత్ నిజంగానే సీరియస్ అయ్యారా? అనేది పూర్తి ఎపిసోడ్ ప్రసారమైతేనే మరింత స్పష్టత వచ్చే అవకాశం ఉంది. ప్రస్తుతం మాత్రం సుధీర్, శ్రీకాంత్ మధ్య జరిగిన ఈ ఆసక్తికరమైన సంభాషణకు సంబంధించిన ప్రోమో సోషల్ మీడియాలో వైరల్‌గా మారింది. అభిమానులు, నెటిజన్లు తమదైన రీతిలో స్పందిస్తూ కామెంట్లు చేస్తున్నారు.