AP : ఏపీలో మరో దారుణ ఘటన : ఐదేళ్ల చిన్నారిపై 70 ఏళ్ల వృద్ధుడి అత్యాచార యత్నం
Authored By Prahbas Gilakathula
| The Telugu News | Updated on :
22 February 2026,
6:30 pm 
AP : ఏపీలో మరో దారుణ ఘటన : ఐదేళ్ల చిన్నారిపై వృద్ధుడి అత్యాచార యత్నం
AP : ఏపీలో మరో దారుణ ఘటన వెలుగుచూసింది. యాదవోలు గ్రామంలో ఐదేళ్ల చిన్నారిపై 70 ఏళ్ల వృద్ధుడు అత్యాచార యత్నానికి పాల్పడిన సంఘటన స్థానికంగా తీవ్ర ఆగ్రహాన్ని రేకెత్తించింది. ఈ ఘటనతో గ్రామంలో ఉద్రిక్త పరిస్థితులు నెలకొన్నాయి. చిన్నారుల భద్రతపై మళ్లీ అనేక ప్రశ్నలు తలెత్తుతున్నాయి. పోలీసుల వివరాల ప్రకారం, తూర్పుగోదావరి జిల్లా దేవరపల్లి మండలం గోపవరం గ్రామంకు చెందిన నేకూరి ఎలీసా (70)గా గుర్తించారు. అతడు పొగాకు బ్యారెన్లో క్యూరింగ్ పనుల కోసం రైతు వద్దకు వచ్చినట్లు సమాచారం.
సాయంత్రం సమయంలో బ్యారెన్ సమీపంలో ఆడుకుంటున్న ఐదేళ్ల బాలికను గమనించి ఆమెపై అత్యాచార యత్నానికి దిగినట్లు ఆరోపణలు ఉన్నాయి. బాలిక గట్టిగా ఏడవడంతో సమీపంలో ఉన్న స్థానికులు అక్కడికి చేరుకుని చిన్నారిని రక్షించారు.
AP : ఏపీలో మరో దారుణ ఘటన : ఐదేళ్ల చిన్నారిపై 70 ఏళ్ల వృద్ధుడి అత్యాచార యత్నం
నిందితుడిని అదుపులోకి తీసుకునేందుకు పోలీసులు చర్యలు ప్రారంభించారు. ఘటన అనంతరం బాధిత చిన్నారిని వెంటనే గోపాలపురం సామాజిక ఆరోగ్య కేంద్రంకు తరలించి వైద్య పరీక్షలు నిర్వహించారు. పోలీసులు కేసు నమోదు చేసి దర్యాప్తు చేపట్టారు. గ్రామస్థులు నిందితుడిపై కఠిన చర్యలు తీసుకోవాలని డిమాండ్ చేస్తున్నారు. చిన్నారులపై జరుగుతున్న దారుణ ఘటనలు ఆందోళన కలిగిస్తున్న నేపథ్యంలో ఇటువంటి సంఘటనలు పునరావృతం కాకుండా కఠిన చర్యలు తీసుకోవాలని ప్రజలు కోరుతున్నారు. ఈ ఘటనపై పూర్తి వివరాలు తెలియాల్సి ఉంది. పోలీసులు అన్ని కోణాల్లో దర్యాప్తు కొనసాగిస్తున్నారు.
Also read
