Chandrababu : మంత్రుల‌కి ఫ్రీ హ్యాండ్ ఇచ్చిన చంద్ర‌బాబు.. స‌డెన్‌గా ఇంత మార్పు ఏంటి?

Chandrababu : చంద్రబాబు ఇప్పుడు నాలుగోసారి ఏపీకి సీఎం అయ్యారు. విద్యార్థిగా రాజకీయాల్లోకి అడుగుపెట్టిన ఆయన ఎన్నో ఎత్తుపల్లాలు చూశారు. ఉద్ధండులతో కలిసి రాజకీయాలు చేశారు. 40 ఏళ్ల రాజకీయ ప్రయాణంలో ఎన్నో మైలు రాళ్లు దాటారు. 40 ఏళ్ల రాజకీయ జీవితంలో చంద్రబాబు పద్నాలుగేళ్లు ముఖ్యమంత్రిగా పనిచేశారు. ఉమ్మడి ఆంధ్రప్రదేశ్‌లో రెండుసార్లు, రాష్ట్ర విభజన జరిగాక ఒకసారి కలిపి మొత్తం మూడు పర్యాయాలు సీఎంగా పనిచేసిన చరిత్ర ఆయనది. నాలుగు దశాబ్దాలుగా తెలుగు రాష్ట్రాల్లో ఆయన లేని రాజకీయాలు లేవు. చంద్రబాబు ముఖ్యమంత్రిగా తన మార్క్ పాలన సాగించారు. స్మార్ట్ గవర్నెన్స్, ఐటీ, ప్రజల వద్దకే పాలన, జన్మభూమిలాంటి కార్యక్రమాలతో ప్రజల దృష్టిని ఆకర్షించారు. ఉమ్మడి రాష్ట్రానికి అధునాతన సాగు విధానాలు పరిచయం చేశారు.

Chandrababu మంత్రుల‌కి ఫుల్ జోష్‌..

అయితే నాలుగోసారి ముఖ్య‌మంత్రిగా ప‌దవి అందుకున్న చంద్ర‌బాబు గ‌తంలో క‌న్నా భిన్నంగా రూల్ చేస్తున్న‌ట్టు తెలుస్తుంది. వైసీపీ పాల‌న‌లో అంత ఏక‌ప‌క్ష పాల‌న సాగ‌గా, దానిపై దారుణ‌మైన విమ‌ర్శ‌లు వ‌చ్చాయి. మంత్రుల‌కి సొంత నిర్ణ‌యాలు తీసుకునే ఛాన్స్ ఉండేది కాదని, చిన్న‌పాటి బ‌దిలీల విష‌యంలో కూడా వారి ప్రమేయం కూడా త‌క్కువ‌గా ఉండేద‌ట. దాంతో పాల‌న‌లో కూడా కొంత లోపాలు క‌నిపించేవి. అయితే త‌న ప్ర‌భుత్వంలో మంత్రులు అలా ఉండ‌కూడ‌ద‌ని భావించిన చంద్ర‌బాబు స్వేచ్ఛ‌గా నిర్ణ‌యాలు తీసుకునే అవ‌కాశం వారికి ఇచ్చార‌ట‌. ఏ నిర్ణ‌యం అయిన ఒక‌టికి ప‌ది సార్లు ఆలోచించి నిర్ణ‌యం తీసుకోమ‌ని చెప్పార‌ట‌.

ప్రతీ చిన్న విషయాన్ని తన దృష్టికి తీసుకుని రావాల్సిన అవసరం లేదని, ఖజానకు భారం కాని విషయాల‌కి సంబంధించిన‌ నిర్ణయాలు మంత్రులే చొరవగా నిర్ణయాలు తీసుకుని జనాలకు మేలు చేయవచ్చుఅంటూ మంత్రుల‌కి ఫ్రీ హ్యాండ్ ఇచ్చిన‌ట్టు ప్ర‌చారం జ‌రుగుతుంది. ఈ సారి మంత్రుల‌లో అంతా కూడా కొత్త వారే క‌నిపిస్తున్నారు. వారు చాలా ఉత్సాహంగా ప‌ని చేయ‌నున్నార‌ని బాబు విశ్వ‌సిస్తున్నారు. రానున్న రోజుల‌లో ఏపీ రూపు రేఖ‌లు మార్చాల‌ని చంద్ర‌బాబు ప‌క్కా ప్రణాళిక‌ల‌తో ముందుకు సాగుతున్నారు.