Chandrababu : ఆంధ్రప్రదేశ్ ముఖ్యమంత్రి చంద్రబాబు నాయుడు నేతృత్వంలోని ప్రభుత్వం సామాజిక భద్రతా పింఛన్లను రికార్డు స్థాయిలో పెంచడం ద్వారా మళ్లీ ప్రజల మనసు గెలుచుకుంటోంది. వృద్ధులు, దివ్యాంగులు, వితంతువులు వంటి వేలాదిమంది లబ్ధిదారులకు నెలకు రూ. 4,000 పెన్షన్ చెల్లించడం ద్వారా ఏపీ దేశంలోనే ఉదాహరణగా నిలుస్తోంది. గతంలో ఎప్పుడూ చూడనంతగా ఒకే దెబ్బకు నాలుగు నుంచి ఐదు రెట్లు పెంచిన ఘనత చంద్రబాబుదేనని చెప్పొచ్చు.

Chandrababu : చంద్రబాబు కు గుడి కట్టాల్సిందేనా..?

ఏపీ ప్రభుత్వం నెలకు ఒకటవ తారీఖున ఖచ్చితంగా పెన్షన్ అందజేస్తోంది. ఆ తేదీ ఆదివారం అయితే ముందే – అంటే నెల 31నే లబ్ధిదారుల ఖాతాల్లోకి జమ చేస్తోంది. ఇది దేశంలోని మరే ఇతర రాష్ట్రంలో కూడా సులభంగా చూడలేం. ఉదాహరణకు బీహార్ ప్రభుత్వం ఇటీవల పెన్షన్లను రూ. 400 నుంచి రూ. 1100కి పెంచినప్పటికీ, ఇప్పటికీ నెల 10వ తేదీకే చెల్లిస్తోంది. అంటే అందించే మొత్తం, చెల్లించే సమయానికి ఏపీలో చేయబడుతున్న విధానం మరింత శ్రేయస్కరం.

రాజధాని లేని రాష్ట్రం అయినా, ఆర్థిక ఇబ్బందులున్నా, ఆదాయ మార్గాలు పరిమితమైనా, ఏపీ ప్రభుత్వం ఈ పెన్షన్లను జీతాల్లా ఖచ్చితంగా అందిస్తూ వృద్ధుల భద్రతకు పెద్ద భరోసాగా నిలుస్తోంది. ముఖ్యమంత్రి బాబు ఇటీవల “దేవుడి దయ ఉంటే పెన్షన్ మరింత పెంచుతాను” అని వ్యాఖ్యానించడం కూడా ఆయన సంకల్పానికి నిదర్శనం. కావున, ఏపీలో వృద్ధులు, వితంతువులు, ఇతర లబ్ధిదారులు ఈ పథకాన్ని కాపాడుకోవాలి, ప్రభుత్వం చేస్తున్న మంచి పనిని గుర్తించి, సమర్థించాలి. ఇది ఒక అభినందనీయమైన సామాజిక విధానం అని చెప్పకుండా ఉండలేము.