Chandrababu : ఆటోలో ప్రయాణించిన సీఎం చంద్రబాబు.. స్వయంగా ఆటో డ్రైవర్ల సమస్యలు తెలుసుకున్న సీఎం..!

Chandrababu  : ఆంధ్రప్రదేశ్ ముఖ్యమంత్రి నారా చంద్రబాబు నాయుడు ప్రజలలో మమేకమయ్యే విషయంలో అన్ని హద్దులనూ చెరిపివేస్తున్నారు. గతంలో ఎన్నడూ లేని విధంగా ఆయన క్షేత్ర స్థాయిలో ప్రజలతో మమేకమవుతూ, వారి సమస్యలను ప్రత్యక్షంగా తెలుసుకుంటూ వాటి పరిష్కారం దిశగా చర్యలు తీసుకుంటున్నారు. తాజాగా ఆయన కడప జిల్లా జమ్మలమడుగులో పర్యటించారు. ఎన్టీఆర్ భరోసా పింఛన్ల పంపిణీ కార్యక్రమంలో భాగంగా ఆయన ఈ పర్యటన సాగింది. ప్రజలకు మరింత చేరువయ్యే ప్రయత్నంలో భాగంగా ముఖ్యమంత్రి ఈ వినూత్న కార్యక్రమాన్ని చేపట్టారు.

Chandrababu : ఆటోలో ప్రయాణించిన సీఎం చంద్రబాబు.. స్వయంగా ఆటో డ్రైవర్ల సమస్యలు తెలుసుకున్న సీఎం..!

Chandrababu : ఆటో డ్రైవర్ల సమస్యలు తెలుసుకునేందుకు స్వయంగా ఆటోలో ప్రయాణం చేసి తెలుసుకున్న చంద్రబాబు

ఈ పర్యటన సందర్భంగా ముఖ్యమంత్రి జమ్మలమడుగులో ఆటోలో ప్రయాణించి అందరి దృష్టిని ఆకర్షించారు. జమ్మలమడుగులో ఏర్పాటు చేసిన ప్రజావేదిక కార్యక్రమానికి ఆయన ఆటోలోనే వెళ్లారు. ఆటోలో ప్రయాణిస్తున్నంత సేపు ఆ ఆటోవాలాతో మాట్లాడుతూనే ఉన్నారు. ఆ ఆటో డ్రైవర్ ఎదుర్కొంటున్న సమస్యలను అడిగి తెలుసుకున్నారు. ముఖ్యమంత్రి స్థాయి వ్యక్తి సాధారణ ప్రజలతో ఇలా మమేకమవడం అభినందనీయం అని పలువురు ప్రశంసించారు. ఈ సంఘటన ప్రజలలో సానుకూల స్పందనను కలిగించింది.

అనంతరం ప్రజావేదిక వద్ద ఆ ఆటోవాలాను అధికారుల వద్దకు తీసుకువెళ్లి, అతడి సమస్యలు పరిష్కరించాలని చెప్పారు. చంద్రబాబు ఆటోలో ప్రయాణిస్తున్న దృశ్యాలు సామాజిక మాధ్యమాలలో విపరీతంగా వైరల్ అవుతున్నాయి. ముఖ్యమంత్రి ఆటో ఎక్కిన ఈ వీడియో సోషల్ మీడియాలో విస్తృతంగా షేర్ చేయబడుతూ, ప్రజల మధ్య చర్చకు దారితీసింది. ఇది ప్రజలకు మరింత చేరువ కావడానికి, వారి సమస్యలను నేరుగా తెలుసుకోవడానికి ముఖ్యమంత్రి చేస్తున్న ప్రయత్నాలకు నిదర్శనం.