Ration Card: రేషన్ లబ్దిదారులకు గుడ్‌న్యూస్… మరో నిత్యావసర సరుకు.. రూ.20కే పంపిణీ..

Ration Card: ఆంధ్రప్రదేశ్‌లోని రేషన్ కార్డు లబ్దిదారులకు రాష్ట్ర ప్రభుత్వం అదిరిపోయే శుభవార్త అందించింది. ఇప్పటివరకు రేషన్ దుకాణాల్లో బియ్యం, చక్కెర, రాగులు, జొన్నలు వంటి నిత్యావసరాలకే పరిమితమైన సరఫరాను ఇప్పుడు మరింత విస్తరించింది. ప్రజల రోజువారీ ఆహార అవసరాలను దృష్టిలో పెట్టుకుని రేషన్ జాబితాలో గోధుమ పిండిని కూడా చేర్చాలని ప్రభుత్వం నిర్ణయం తీసుకుంది. ఫిబ్రవరి 1 నుంచి ఈ కొత్త విధానం అమల్లోకి రానుంది. మొదట జిల్లా కేంద్రాల్లో ప్రారంభమై త్వరలోనే డివిజన్‌, మండల స్థాయిలోనూ అమలు చేయనున్నారు.

Ration Card: రేషన్ లబ్దిదారులకు గుడ్‌న్యూస్… మరో నిత్యావసర సరుకు.. రూ.20కే పంపిణీ..

Ration Card: రూ.20కే గోధుమ పిండి..సామాన్యులకు భారీ ఊరట

రేషన్ కార్డు ఉన్న ప్రతి లబ్దిదారుడికి నెలకు ఒక కిలో గోధుమ పిండిని కేవలం రూ.20కే అందించనున్నారు. ప్రస్తుతం బహిరంగ మార్కెట్‌లో గోధుమ పిండి ధరలు కిలోకు రూ.60 నుంచి రూ.65 వరకు ఉన్నాయి. ఈ నేపథ్యంలో ప్రభుత్వం తీసుకున్న నిర్ణయం సామాన్య, మధ్యతరగతి కుటుంబాలకు పెద్ద ఊరటగా మారింది. ముఖ్యంగా రోజువారీ ఖర్చులు పెరిగిన ఈ సమయంలో తక్కువ ధరకే మరో నిత్యావసర సరుకు అందుబాటులోకి రావడం హర్షణీయమైన విషయం. గోధుమ పిండిని ప్రత్యేక ప్యాకెట్లలో రేషన్ షాపుల ద్వారా పంపిణీ చేయనున్నారు. ఇప్పటికే పౌరసరఫరాల శాఖ గోధుమ పిండి ప్యాకెట్లను రేషన్ దుకాణాలకు సరఫరా చేసింది. ఫిబ్రవరి 1 నుంచి డీలర్లు లబ్దిదారులకు పంపిణీ ప్రారంభించనున్నారు. బహిరంగ మార్కెట్ ధరతో పోలిస్తే కిలోపై సుమారు రూ.40 వరకు ఆదా అవుతుండటంతో ప్రజలు ఈ నిర్ణయాన్ని స్వాగతిస్తున్నారు.

Ration Card: రేషన్ సరుకుల పరిధి విస్తరణ..పోషకాహారంపై దృష్టి

ఇప్పటికే రాష్ట్ర ప్రభుత్వం రేషన్ కార్డు లబ్దిదారులకు బియ్యంతో పాటు రాగులు, జొన్నలు, చక్కెరను అందిస్తోంది. గతేడాది డిసెంబర్ 1 నుంచి రాగులు, జొన్నల పంపిణీ ప్రారంభమైంది. ఇందుకోసం బియ్యం కోటాను కొంత మేర తగ్గించి పోషక విలువలు అధికంగా ఉన్న చిరుధాన్యాలను ప్రోత్సహిస్తోంది. ఇప్పుడు గోధుమ పిండి కూడా చేరడంతో రేషన్ సరుకుల జాబితా మరింత విస్తరించింది. ఈ మార్పులు ప్రజల ఆరోగ్యం, పోషకాహారంపై ప్రభుత్వానికి ఉన్న శ్రద్ధను ప్రతిబింబిస్తున్నాయి. ముఖ్యంగా పిల్లలు, వృద్ధులు ఉన్న కుటుంబాలకు ఇది ఎంతో ఉపయోగకరంగా మారనుంది. తక్కువ ఆదాయం ఉన్న కుటుంబాలకు సమతుల్య ఆహారం అందించాలన్న లక్ష్యంతోనే ఈ నిర్ణయాలు తీసుకుంటున్నట్లు అధికారులు చెబుతున్నారు.

Ration Card: మినీ మాల్స్‌గా రేషన్ షాపులు..సేవల్లో మార్పులు

రేషన్ షాపులను కేవలం సరుకుల పంపిణీ కేంద్రాలుగా కాకుండా మినీ మాల్స్‌లా అభివృద్ధి చేయాలని ప్రభుత్వం యోచిస్తోంది. ఇందులో భాగంగా రోజంతా సరుకులు అందించే విధానాన్ని ప్రయోగాత్మకంగా అమలు చేయనుంది. కొన్ని నగరాల్లో ఎంపిక చేసిన రేషన్ షాపులను రోజుకు సుమారు 12 గంటల పాటు తెరిచి ఉంచాలని నిర్ణయించారు. ప్రస్తుతం రేషన్ దుకాణాలు నెలలో 1వ తేదీ నుంచి 15వ తేదీ వరకు మాత్రమే పనిచేస్తున్నాయి. అవీ ఉదయం 8 నుంచి మధ్యాహ్నం 12 గంటల వరకు, సాయంత్రం 4 నుంచి రాత్రి 8 గంటల వరకే తెరిచి ఉంటున్నాయి. ఈ పరిమిత సమయాల కారణంగా చాలామంది లబ్దిదారులు రేషన్ తీసుకోలేక ఇబ్బందులు పడుతున్నారు. ఇకపై పని వేళలను పెంచితే ఈ సమస్యలు తగ్గుతాయని ప్రభుత్వం భావిస్తోంది. రేషన్ వ్యవస్థలో జరుగుతున్న ఈ మార్పులు సామాన్య ప్రజలకు మరింత ప్రయోజనం చేకూర్చేలా ఉన్నాయి. గోధుమ పిండి పంపిణీతో పాటు సేవల విస్తరణ ప్రజల జీవన ప్రమాణాలను మెరుగుపరుస్తుందనే అభిప్రాయం వ్యక్తమవుతోంది.