Kodali Nani : జగన్ పై పిచ్చ కోపంగా ఉన్న కొడాలి నాని..?
Kodali Nani : ఏపీ రాజకీయాల్లో ప్రస్తుతం ఒక ఆసక్తికరమైన చర్చ నడుస్తోంది. వైఎస్ఆర్ కాంగ్రెస్ పార్టీలో కీలక నేతగా, జగన్మోహన్ రెడ్డికి అత్యంత సన్నిహితుడిగా పేరున్న మాజీ మంత్రి కొడాలి నాని, ఇప్పుడు పార్టీ అధినేతపై తీవ్ర అసంతృప్తితో ఉన్నట్లు వార్తలు వినిపిస్తున్నాయి. ముఖ్యంగా అమరావతి రాజధాని విషయంలో జగన్ తీసుకున్న నిర్ణయాలు, తాజా రాజకీయ పరిణామాలు కొడాలి నానితో పాటు పార్టీలోని ఇతర అగ్రనేతలను కూడా ఇబ్బందికి గురిచేస్తున్నాయని రాజకీయ విశ్లేషకులు భావిస్తున్నారు. అమరావతి రాజధాని విషయంలో జగన్ అనుసరిస్తున్న మొండి వైఖరి వల్ల కృష్ణా, గుంటూరు జిల్లాల్లో పార్టీ ఉనికి ప్రశ్నార్థకమవుతోందని కొడాలి నాని వంటి నేతలు ఆందోళన వ్యక్తం చేస్తున్నట్లు తెలుస్తోంది. గత ఎన్నికల్లో అమరావతి రైతుల ఆగ్రహం పార్టీ ఓటమికి ఒక ప్రధాన కారణమైందని, ఇప్పుడు మళ్ళీ అదే పంథాలో వెళ్లడం వల్ల భవిష్యత్తులో రాజకీయంగా తీవ్ర నష్టం జరుగుతుందని వారు భావిస్తున్నారు. రాజధానిపై స్పష్టమైన విధానం లేకపోవడం వల్ల స్థానిక ప్రజలకు ముఖం చూపించలేకపోతున్నామని కొందరు నేతలు అంతర్గత చర్చల్లో వాపోతున్నారు.
Kodali Nani : జగన్ పై పిచ్చ కోపంగా ఉన్న కొడాలి నాని..?
దీనికి తోడు, ఇటీవల తెరపైకి వచ్చిన ‘మా-వి-గున్’ (మచిలీపట్నం, విజయవాడ, గుంటూరు) ప్రతిపాదన పార్టీలో మరింత చిచ్చు పెట్టినట్లు కనిపిస్తోంది. అమరావతికి ప్రత్యామ్నాయంగా ఈ కొత్త కారిడార్ను రాజధానిగా ప్రొజెక్ట్ చేయాలనే జగన్ ఆలోచన క్షేత్రస్థాయిలో విఫలమైందనే విమర్శలు వినిపిస్తున్నాయి. ఈ ‘మా-వి-గున్’ కాన్సెప్ట్ ప్రజల్లోకి వెళ్లకపోగా, సోషల్ మీడియాలో విపరీతమైన ట్రోలింగ్కు గురవుతుండటంపై కొడాలి నాని అసహనం వ్యక్తం చేసినట్లు సమాచారం. అనుభవం లేని నిర్ణయాల వల్ల పార్టీ పరువు పోతోందని ఆయన సన్నిహితుల వద్ద వ్యాఖ్యానించినట్లు రాజకీయ వర్గాల్లో ప్రచారం జరుగుతోంది.
పార్టీ కోసం మొదటి నుంచి అండగా నిలబడ్డ నేతలకు జగన్ తగిన ప్రాధాన్యత ఇవ్వకపోవడం, కేవలం కొందరు సలహాదారుల మాటలకే విలువ ఇవ్వడం కూడా ఈ అసంతృప్తికి మరో కారణంగా కనిపిస్తోంది. కొడాలి నాని వంటి ఫైర్ బ్రాండ్ నేతలు కూడా ఇప్పుడు మౌనంగా ఉండటం లేదా పార్టీ కార్యక్రమాలకు దూరంగా ఉండటం వెనుక జగన్ తీరుపై ఉన్న కోపమే కారణమని గుసగుసలు వినిపిస్తున్నాయి. అమరావతి సెంటిమెంట్ బలంగా ఉన్న జిల్లా నుంచి ప్రాతినిధ్యం వహిస్తున్న నేతలు, జగన్ తీసుకునే అనాలోచిత నిర్ణయాలకు మూల్యం చెల్లించుకోవాల్సి వస్తోందన్నది వారి ప్రధాన ఆవేదన. మొత్తానికి జగన్ వైఖరి మార్చుకోకపోతే, పార్టీలోని సీనియర్ నేతలు తమ దారి తాము చూసుకునే అవకాశం లేకపోలేదని రాజకీయ పండితులు విశ్లేషిస్తున్నారు.