Nara Lokesh : ఇది క‌దా లోకేష్ అంటే.. అంద‌రి మ‌న‌స్సులు ఇలా గెలుచుకున్నాడు…!

Nara Lokesh : ఏపీలో కూట‌మి అధికారంలోకి వ‌చ్చాక నాయ‌కులు అంద‌రు ప్ర‌శంస‌లు అందుకుంటున్నారు. రాజకీయాల్లో ప్రజల మనసులు గెలుచుకోవాలంటే మాత్రం ఇక సొంత టాలెంట్ ఉండాల్సిందే అని అంటూ ఉంటారు ఎంతోమంది నిపుణులు. ఈ క్రమంలోనే కొంతమంది ఇలా భారీ బ్యాగ్రౌండ్ తో వచ్చిన చివరికి.. తండ్రులకు తగ్గ వారసులుగా నిరూపించుకోలేక తీవ్ర విమర్శలు ఎదుర్కొంటూ ఉంటారు అని చెప్పాలి. గతంలో రాజకీయ ఉద్దండుడిగా పేరు సంపాదించుకున్న చంద్రబాబు వారసుడిగా అటు ఎంట్రీ ఇచ్చిన లోకేష్ కి కూడా ఇలాంటి పరిస్థితి ఎదురయింది. ఇక పూర్తిగా ఇంగ్లీష్ మీడియం లో చదవడం కారణంగా.. తెలుగులో ప్రసంగాలు ఇవ్వడం నారా లోకేష్ కి మొదట్లో కష్టమైంది. అంతేకాదు సబ్జెక్టు పై పెద్దగా నాలెడ్జ్ కూడా లేకపోవడంతో ఎప్పుడు తడబాటుకు గురవుతూ ఉండేవారు. కొన్ని కొన్ని సార్లు ఒకటి చెప్పబోయి ఇంకొకటి చెబుతూ ఉండేవారు.

Nara Lokesh ట‌చ్ చేశారు స‌ర్..

లోకేష్ మాటలు చూసి పప్పు పప్పు అంటూ ప్రత్యర్థి పార్టీల నేతలు అవమానించడం మొదలుపెట్టారు. లోకేష్ ఏ ప్రసంగంలో మాట్లాడిన అతని మాటలలో తప్పులను వెతుకుతూ మరి ఇక విమర్శనాస్త్రాలు గుప్పించారు. అంతెందుకు సోషల్ మీడియాలో కూడా ఎన్నో రోజుల పాటు పప్పు అంటూ వెతికితే లోకేష్ పేరు రావడం కూడా జరిగింది.ఇలా పప్పు పప్పు అని ప్రత్యర్థి పార్టీలు ఎంతల అవమానించినా.. అటు లోకేష్ మాత్రం ఇలాంటివి పట్టించుకోకుండానే ముందుకు సాగారు. ఇక సబ్జెక్టు పై మరింత అవగాహన పెంచుకొని.. ఇక ఇప్పుడు పదునైన ప్రసంగాలు ఇస్తున్నారు. ఒకప్పుడు పప్పు అని విమర్శించిన నోళ్లే ఇక ఇప్పుడు మారిన లోకేష్ ని చూసి ఫీదా అవుతున్నారు. పప్పు అన్నోడే పదునైన కత్తిలా మారాడు అని అనుకుంటున్నారు.

అయితే స్కిల్ డెవలప్మెంట్ స్కాం కేసులో చంద్రబాబు అరెస్టై రాజమండ్రి సెంట్రల్ జైల్లో ఉన్న సమయంలో సోషల్ మీడియాలో ఏ వినియోగదారుడు లోకేష్‌ని చాలా దుర్భాష‌లాడారు. అయితే తాజాగా తన తండ్రి ఆరోగ్య పరిస్థితి విషమంగా ఉందని, సహాయం కావాలని రిక్వస్ట్ చేశాడు. ఈ క్ర‌మంలో స్పందించిన లోకేష్‌..”మేము అతనిని జాగ్రత్తగా చూసుకుంటాము.. నా టీమ్ అక్కడకు చేరుకుంటుంది అమ్మా!” అని చెప్పుకొచ్చారు. అంతేకాదు కొన్ని గంటల్లోనే లోకేష్ టీమ్ అనారోగ్యంతో ఉన్న వ్యక్తి కుటుంబ సభ్యులను సంప్రదించి అవసరమైన సహాయాన్ని అందజేస్తుందని చెప్పుకొస్తున్నారు. దీంతో లోకేష్ పైన ప్ర‌శంస‌ల వ‌ర్షం కురుస్తుంది. మీరు నిజంగా గ్రేట్ స‌ర్ అంటూ కొంద‌రు కామెంట్ చేస్తున్నారు.