Pawan Kalyan : కూటమి CM క్యాండిడేట్ గా పవన్ కళ్యాణ్ ?
Pawan Kalyan : ఆంధ్రప్రదేశ్ రాజకీయాల్లో అప్పుడే సామాజిక సమీకరణాల వేడి మొదలైంది. కూటమి ప్రభుత్వం ఏర్పడి రెండేళ్లు మాత్రమే పూర్తయినప్పటికీ.. 2029 ఎన్నికలపై ఇప్పటి నుంచే చర్చలు ఊపందుకుంటున్నాయి. ముఖ్యంగా పవన్ కళ్యాణ్ను వచ్చే ఎన్నికల్లో ముఖ్యమంత్రి అభ్యర్థిగా ప్రకటించాలన్న డిమాండ్ తాజాగా తెరపైకి వచ్చింది. తిరుపతిలో జరిగిన వీర బలిజ సాంస్కృతిక పునరుజ్జీవన శంఖారావం సభ ఈ డిమాండ్కు వేదికగా మారింది. ప్రస్తుతం కూటమి ప్రభుత్వంలో పవన్ కళ్యాణ్ కీలక పాత్ర పోషిస్తున్నారు. ఆయన ఉప ముఖ్యమంత్రిగా బాధ్యతలు నిర్వహిస్తున్నారు. జనసేన నుంచి ఇప్పటికే ముగ్గురు మంత్రులు ప్రభుత్వంలో ఉన్నారు. మరో మంత్రి పదవి కూడా జనసేనకు ఇవ్వబోతున్నారనే ప్రచారం సాగుతోంది. కూటమి ప్రభుత్వం ఇంకా మూడేళ్లపాటు అధికారంలో కొనసాగే అవకాశం ఉన్నప్పటికీ.. ఇంతలోనే రాష్ట్రంలో సామాజిక వర్గాల రాజకీయ డిమాండ్లు వేడెక్కుతున్నాయి. తాజాగా తిరుపతిలో నిర్వహించిన వీర బలిజ సాంస్కృతిక పునరుజ్జీవన శంఖారావం సభకు పెద్ద ఎత్తున నాయకులు, ప్రతినిధులు హాజరయ్యారు. ఈ సందర్భంగా పలు తీర్మానాలను ఆమోదించారు. అయితే వాటిలో అత్యంత కీలకమైన అంశం పవన్ కళ్యాణ్ను ముఖ్యమంత్రి అభ్యర్థిగా ప్రకటించాలన్న డిమాండ్ కావడం రాజకీయంగా చర్చనీయాంశంగా మారింది…
Pawan Kalyan : కూటమి CM క్యాండిడేట్ గా పవన్ కళ్యాణ్ ?
Pawan Kalyan 2029లో పవన్నే సీఎం అభ్యర్థిగా ప్రకటించాలి
2029 అసెంబ్లీ ఎన్నికల్లో పవన్ కళ్యాణ్ను సీఎం అభ్యర్థిగా అధికారికంగా ప్రకటించాలని బలిజ సాంస్కృతిక పునరుజ్జీవన శంఖారావం డిమాండ్ చేసింది. పవన్ను సీఎం అభ్యర్థిగా ప్రకటిస్తే.. మరోసారి కూటమి ప్రభుత్వాన్ని గతంలో కంటే మరింత భారీ మెజారిటీతో గెలిపించేందుకు తాము కృషి చేస్తామని సభలో పేర్కొన్నారు. తాము గ్రేటర్ రాయలసీమలోని ఆరు జిల్లాల్లో విస్తరించి ఉన్నామని, తమ సామాజిక వర్గానికి అక్కడ గణనీయమైన జనాభా ఉందని నాయకులు తెలిపారు. ప్రాంతాలను బట్టి కాపులు, బలిజలు, ఒంటరి, తెలగ, తూర్పు కాపులు వంటి వివిధ పేర్లతో పిలిచినా.. తమ మూలాలు, ప్రయోజనాలు ఒక్కటేనని వారు పేర్కొన్నారు. తమకు చారిత్రక నేపథ్యం కూడా ఉందని బలిజ సాంస్కృతిక పునరుజ్జీవన శంఖారావం నాయకులు గుర్తుచేశారు. స్వాతంత్ర్యానికి ముందు సంస్థానాలు, రాజ్యాలను పాలించిన చరిత్ర తమదని వారు చెప్పుకొచ్చారు. ప్రస్తుతం జనాభా పరంగా బలమైన సామాజిక వర్గంగా ఉన్నప్పటికీ.. రాజకీయంగా ముఖ్యంగా ముఖ్యమంత్రి పదవికి తమకు తగిన అవకాశం దక్కడం లేదని ఆవేదన వ్యక్తం చేశారు.
టీడీపీతో పాటు వైసీపీకి కూడా కీలక డిమాండ్
ఈ డిమాండ్ కేవలం టీడీపీ నేతృత్వంలోని కూటమి ప్రభుత్వానికే పరిమితం కాదని సభలో స్పష్టం చేశారు. వైసీపీ కూడా తమ పార్టీ తరఫున కాపు సామాజిక వర్గం నుంచి ముఖ్యమంత్రి అభ్యర్థిని ప్రకటించాలని బలిజ సాంస్కృతిక పునరుజ్జీవన శంఖారావం డిమాండ్ చేసింది. ఎప్పటికీ కొన్ని సామాజిక వర్గాలకే ముఖ్యమంత్రి పదవి పరిమితం కావాలా? తమకు అవకాశం ఎప్పుడు వస్తుంది? అంటూ నాయకులు ప్రశ్నించారు. ఇకపై తాము రాజకీయాల్లో ముందు వరుసలో నిలవాలని, ఈసారి తమ సామాజిక వర్గానికి తగిన ప్రాధాన్యం దక్కాల్సిందేనని స్పష్టం చేశారు. అదే సమయంలో పవన్ కళ్యాణ్ నేతృత్వంలోని జనసేనకు తమ సంపూర్ణ మద్దతు ఉంటుందని వారు ప్రకటించారు. పవన్ నాయకత్వంలో ఆంధ్రప్రదేశ్ అన్ని రంగాల్లో మరింత అభివృద్ధి చెందుతుందని వారు ఆశాభావం వ్యక్తం చేశారు.
కూటమి ప్రభుత్వం అధికారంలోకి వచ్చి ఇంకా రెండేళ్లు మాత్రమే పూర్తైన నేపథ్యంలో.. 2029 ఎన్నికలకు చాలా సమయం ఉన్నప్పటికీ, ఇప్పటి నుంచే సీఎం అభ్యర్థిత్వంపై సామాజిక వర్గాల నుంచి డిమాండ్లు రావడం ఏపీ రాజకీయాల్లో ఆసక్తిని పెంచుతోంది. ముఖ్యంగా పవన్ కళ్యాణ్ను సీఎం అభ్యర్థిగా ప్రకటించాలన్న తిరుపతి సభ తీర్మానం భవిష్యత్ రాజకీయ సమీకరణాలపై ఎలాంటి ప్రభావం చూపుతుందనేది ఇప్పుడు చర్చనీయాంశంగా మారింది.
కూటమి ప్రభుత్వం అధికారంలోకి వచ్చి ఇంకా రెండేళ్లు మాత్రమే పూర్తైన నేపథ్యంలో.. 2029 ఎన్నికలకు చాలా సమయం ఉన్నప్పటికీ, ఇప్పటి నుంచే సీఎం అభ్యర్థిత్వంపై సామాజిక వర్గాల నుంచి డిమాండ్లు రావడం ఏపీ రాజకీయాల్లో ఆసక్తిని పెంచుతోంది. ముఖ్యంగా పవన్ కళ్యాణ్ను సీఎం అభ్యర్థిగా ప్రకటించాలన్న తిరుపతి సభ తీర్మానం భవిష్యత్ రాజకీయ సమీకరణాలపై ఎలాంటి ప్రభావం చూపుతుందనేది ఇప్పుడు చర్చనీయాంశంగా మారింది..