Pawan Kalyan : పవన్ కల్యాణ్ పిఠాపురంకి కేంద్రం బంపర్ గుడ్ న్యూస్..!
ప్రధానాంశాలు:
Pawan Kalyan : పవన్ కల్యాణ్ పిఠాపురం కి కేంద్రం బంపర్ గుడ్ న్యూస్..!
Pawan Kalyan : ఆంధ్రప్రదేశ్ Andhra pradesh ఉప ముఖ్యమంత్రి పవన్ కల్యాణ్ తన సొంత నియోజకవర్గమైన పిఠాపురం అభివృద్ధి విషయంలో ఏమాత్రం తగ్గడం లేదు. ఎన్నికల సమయంలో పిఠాపురం ప్రజలకు ఇచ్చిన ప్రతి హామీని నెరవేర్చే దిశగా ఆయన అడుగులు వేస్తున్నారు. కేవలం రాష్ట్ర నిధులతోనే సరిపెట్టకుండా తనకున్న రాజకీయ పలుకుబడిని ఉపయోగించి కేంద్రం నుండి కూడా భారీగా నిధులను రాబట్టడంలో పవన్ విజయం సాధించారు. దీనివల్ల పిఠాపురం నియోజకవర్గం ఇప్పుడు అభివృద్ధి పథంలో దూసుకుపోతోంది. ముఖ్యంగా పిఠాపురం రైల్వే స్టేషన్ రూపురేఖలు మార్చడానికి కేంద్ర ప్రభుత్వం ఏకంగా 37.25 కోట్ల రూపాయలను మంజూరు చేయడం ఇప్పుడు హాట్ టాపిక్ గా మారింది. ఇది పిఠాపురం ప్రజలకు కేంద్రం ఇచ్చిన బంపర్ గుడ్ న్యూస్ అని చెప్పవచ్చు.
Pawan Kalyan : పవన్ కల్యాణ్ పిఠాపురంకి కేంద్రం బంపర్ గుడ్ న్యూస్..!
Pawan Kalyan : పిఠాపురం రైల్వే స్టేషన్ కు మహర్దశ
గతంలో పవన్ కల్యాణ్ ఒకసారి పిఠాపురం రైల్వే స్టేషన్ ను సందర్శించినప్పుడు అక్కడ ఉన్న అపరిశుభ్రత మరియు సరైన సౌకర్యాలు లేకపోవడం చూసి తీవ్ర అసంతృప్తి చెందారు. ఆధ్యాత్మికంగా ఎంతో ప్రాముఖ్యత ఉన్న పిఠాపురానికి దేశం నలుమూలల నుండి భక్తులు వస్తుంటారు. అలాంటి చోట రైల్వే స్టేషన్ ఇంత అధ్వాన్నంగా ఉండకూడదని ఆయన భావించారు. వెంటనే ఢిల్లీ వెళ్లిన పవన్ కేంద్ర రైల్వే శాఖ మంత్రి అశ్వినీ వైష్ణవ్ తో ప్రత్యేకంగా భేటీ అయ్యారు. పిఠాపురం స్టేషన్ ను అమృత్ భారత్ పథకం కింద చేర్చి అభివృద్ధి చేయాలని కోరారు. పవన్ విన్నపానికి కేంద్రం వెను వెంటనే సానుకూలంగా స్పందించి భారీ నిధులు కేటాయించింది.
ఈ నిధులతో పిఠాపురం రైల్వే స్టేషన్ లో అత్యాధునిక సౌకర్యాలు రాబోతున్నాయి. స్టేషన్ భవనాన్ని సర్వాంగ సుందరంగా తీర్చిదిద్దడమే కాకుండా స్టేషన్ ముఖద్వారాన్ని కొత్తగా నిర్మించనున్నారు. ముఖ్యంగా దివ్యాంగుల కోసం ప్రత్యేక విశ్రాంతి గదులు మరియు ఆధునిక టాయిలెట్లు ఏర్పాటు చేయబోతున్నారు. ప్లాట్ ఫారాల విస్తరణ మరియు ప్లాట్ ఫారాలపై కొత్త షెల్టర్ల నిర్మాణం కూడా జరగనుంది. వీటికి తోడు డ్రైనేజీ వ్యవస్థ మరియు కేబులింగ్ పనులను కూడా ఆధునికీకరించనున్నారు. దీనివల్ల ప్రయాణికులకు మరియు భక్తులకు ఎంతో మేలు చేకూరనుంది.
Pawan Kalyan : మోడల్ నియోజకవర్గంగా పిఠాపురం
పిఠాపురాన్ని ఒక ఆదర్శ నియోజకవర్గంగా మార్చాలన్నదే పవన్ కల్యాణ్ ప్రధాన లక్ష్యం. ఇప్పటికే నియోజకవర్గంలో దాదాపు 300 కోట్ల రూపాయల విలువైన పనులు కొనసాగుతున్నాయి. గత జనవరిలోనే 211 కోట్ల రూపాయలతో వివిధ అభివృద్ధి పనులకు ఆయన భూమిపూజ చేశారు. గ్రామీణ ప్రాంతాల్లోని రోడ్ల కోసం మరో 92 కోట్లు కేటాయించారు. అలాగే సుద్ధగెడ్డ వంతెనను కూడా పూర్తి చేసి ప్రజలకు అందుబాటులోకి తెచ్చారు. ఇలా ప్రతి విషయంలోనూ పవన్ ప్రత్యేక శ్రద్ధ తీసుకుంటున్నారు. పిఠాపురం ప్రజలు తనపై ఉంచిన నమ్మకాన్ని నిలబెట్టుకుంటూ తనదైన ముద్ర వేస్తున్నారు. కేంద్రం విడుదల చేసిన ఈ 37 కోట్ల నిధులతో పిఠాపురం రైల్వే స్టేషన్ కూడా త్వరలోనే ఒక కార్పొరేట్ లుక్ ను సంతరించుకోబోతోంది. పిఠాపురం అభివృద్ధి కోసం పవన్ పడుతున్న ఈ తపనను చూసి స్థానిక ప్రజలు మరియు జనసైనికులు హర్షం వ్యక్తం చేస్తున్నారు.
Also read
