Gold and Silver Price 14 March 2026 : బంగారం కొనుగోలు చేయాలని ఎదురుచూస్తున్న వారికి, పసిడి ప్రియులకు ఇది నిజంగా గుడ్ న్యూస్. గత కొద్ది రోజులుగా ఆకాశమే హద్దుగా దూసుకుపోయిన పసిడి, వెండి ధరలు ఇప్పుడు ఒక్కసారిగా నేలకు దిగివచ్చాయి. పండుగల సీజన్ ముఖ్యంగా ఉగాది సమీపిస్తున్న తరుణంలో మహిళలకు ఈ ధరల పతనం ఎంతో ఉపశమనాన్ని ఇస్తోంది. సాధారణంగా అంతర్జాతీయంగా భౌగోళిక రాజకీయ ఉద్రిక్తతలు నెలకొన్నప్పుడు, అనిశ్చితి వల్ల పెట్టుబడిదారులు సురక్షిత సాధనమైన బంగారం వైపు మొగ్గు చూపుతారు. దీంతో డిమాండ్ పెరిగి ధరలు ఆకాశాన్ని తాకుతాయి. కానీ, ప్రస్తుత పరిస్థితుల్లో సీన్ రివర్స్ అయింది. ఇరాన్-ఇజ్రాయెల్ ఉద్రిక్తతలు ఉన్నప్పటికీ పసిడి ధర రాత్రికి రాత్రే భారీగా క్రాష్ అయింది. గత రెండు వారాల్లో చూసుకుంటే కనీసం 10 వేల రూపాయలకు పైగా దిగిరావడం విశేషం.

Gold and Silver Price 14 March 2026 అంతర్జాతీయ మార్కెట్లో భారీ క్రాష్.. కారణాలు ఇవే

దేశీయంగానే కాకుండా గ్లోబల్ మార్కెట్‌లోనూ పుత్తడి, వెండి ధరలు భారీ పతనాన్ని మూటగట్టుకున్నాయి. నిన్నటి వరకు ఔన్సు స్పాట్ గోల్డ్ రేటు 5,130 డాలర్ల (సుమారుగా) స్థాయిలో ఉండగా.. అది రాత్రికి రాత్రే 100 డాలర్లకు పైగా పడిపోయి 5 వేల డాలర్ల కనిష్టానికి చేరుకుంది. ఇక సిల్వర్ రేటు కూడా 85 డాలర్ల నుంచి 80 డాలర్లకు పడిపోయింది. ధరలు ఇంతలా పతనం కావడానికి ప్రధానంగా యూఎస్ డాలర్ పుంజుకోవడమే కారణమని ఆర్థిక నిపుణులు చెబుతున్నారు. వరుసగా రెండో వారంలోనూ డాలర్ విలువ పెరగడంతో ఇతర కరెన్సీలు ఉపయోగించే దేశాలకు బంగారం కొనుగోలు వ్యయం పెరిగింది. డాలర్ పెరిగితే బంగారం ధర పడిపోవడం సాధారణం. యూఎస్ ట్రెజరీ బాండ్ ఈల్డ్స్ కు డిమాండ్ పెరగడంతో, పెట్టుబడిదారులు బంగారంపై ఆసక్తి తగ్గించుకున్నారు. ద్రవ్యోల్బణం భయాల కారణంగా అమెరికా ఫెడరల్ రిజర్వ్ వడ్డీ రేట్లను ఇప్పట్లో తగ్గించకపోవచ్చన్న అంచనాలు మార్కెట్లో నెలకొన్నాయి. వడ్డీ రేట్లు పెంచితే లేదా స్థిరంగా ఉంచితే బంగారం ధరలు ఆటోమెటిక్ గా తగ్గుముఖం పడతాయి.

Gold and Silver Price 14 March 2026 దేశవ్యాప్తంగా ప్రధాన నగరాల్లో నేటి బంగారం ధరలు

అంతర్జాతీయ మార్కెట్ ప్రభావంతో మార్చి 14వ తేదీ ఉదయానికి దేశీయంగా బంగారం ధరలు భారీగా దిగివచ్చాయి. నిన్న ఒక్కరోజే తులం (10 గ్రాములు)పై రూ.1400 నుంచి రూ.1500 వరకు పతనం నమోదైంది. గత రెండు, మూడు రోజుల్లోనే రూ.3000 కు పైగా తగ్గింది. వివిధ నగరాల్లో నేటి లేటెస్ట్ రేట్లు ఇలా ఉన్నాయి.

హైదరాబాద్ Hyderabad: 22 క్యారెట్ల 10 గ్రాముల బంగారం ధర రూ.1,47,300 వద్ద కొనసాగుతుండగా, 24 క్యారెట్ల (స్వచ్ఛమైన) 10 గ్రాముల బంగారం ధర రూ.1,60,690 గా నమోదైంది.

విజయవాడ Vijayawada: 22 క్యారెట్ల పసిడి రేటు రూ.1,47,290 కాగా, 24 క్యారెట్ల రేటు రూ.1,60,680 వద్ద ఉంది.

ఢిల్లీ Delhi: ఇక్కడ 22 క్యారెట్ల బంగారం ధర రూ.1,47,440 గా, 24 క్యారెట్ల పుత్తడి ధర రూ.1,60,830 గా కొనసాగుతోంది.

ముంబై Mumbai : 22 క్యారెట్ల పసిడి రూ.1,47,290 కాగా, 24 క్యారెట్ల బంగారం రూ.1,60,680 వద్ద ట్రేడవుతోంది.

చెన్నై Chennai : దేశంలోని ఇతర ప్రధాన నగరాలతో పోలిస్తే ఇక్కడ ధర కొంచెం ఎక్కువగా ఉంది. 22 క్యారెట్ల ధర రూ.1,48,990 గా ఉండగా, 24 క్యారెట్ల ధర రూ.1,62,550 గా నమోదైంది.

బెంగళూరు అండ్ కేరళ : ఈ రెండు ప్రాంతాల్లో 22 క్యారెట్ల ధర రూ.1,47,290 గా, 24 క్యారెట్ల ధర రూ.1,60,680 గా స్థిరపడింది.

భారీగా పడిపోయిన వెండి ధరలు

బంగారంతో పాటే వెండి కొనుగోలుదారులకు కూడా మార్కెట్ తీపి కబురు అందించింది. గత రోజుల్లో కిలో వెండిపై సుమారు రూ.10,000 కు పైగా పతనం చూసిన మార్కెట్, ఈరోజు కాస్త స్థిరంగా ట్రేడవుతోంది. హైదరాబాద్, చెన్నై మార్కెట్లలో ప్రస్తుతం కిలో వెండి ధర రూ.2,89,900 వద్ద ట్రేడవుతోంది. ముంబై, ఢిల్లీ, కోల్‌కతా వంటి ఇతర నగరాల్లో కిలో వెండి ధర రూ.2,79,800 వద్ద కొనసాగుతోంది.

పండుగ సీజన్‌లో కొనుగోళ్లకు ఇది సరైన సమయమా?

భారతీయ సంస్కృతిలో బంగారానికి ఉన్న ప్రాధాన్యత గురించి ప్రత్యేకంగా చెప్పనక్కర్లేదు. ముఖ్యంగా వివాహాలు, శుభకార్యాలు, ఉగాది వంటి పండుగల సమయాల్లో పసిడి కొనుగోలు చేయడం మన ఆనవాయితీ. కేవలం ఆభరణాలుగా మాత్రమే కాకుండా, దీర్ఘకాలిక పెట్టుబడికి అత్యుత్తమ ఎంపికగా భారతీయులు బంగారాన్ని భావిస్తారు. గత జనవరి నాటికి రికార్డు స్థాయిలకు చేరుకున్న ఈ లోహాల ధరలు, ప్రస్తుతం క్రమంగా పడిపోతూ ఉండటం వల్ల సామాన్యులకు ఇది చక్కటి కొనుగోలు అవకాశంగా మారుతోంది. మార్కెట్ నిపుణుల అంచనా ప్రకారం, రాబోయే రోజుల్లో డాలర్ వ్యాల్యూని బట్టి ఈ ధరల్లో మరిన్ని ఒడిదుడుకులు చోటుచేసుకునే అవకాశం ఉంది. కాబట్టి, భారీ కొనుగోళ్లు చేయాలనుకునే వారు బులియన్ మార్కెట్ ట్రెండ్స్‌ను గమనిస్తూ నిర్ణయం తీసుకోవడం ఉత్తమం.