Today Gold Price : అయ్యో..మళ్లీ బంగారం ధర పెరిగిందే..ఈరోజు ఎంత ఉందంటే !

Today Gold Price  : భారతీయుల్లో బంగారం ప్రత్యేక స్థానం కలిగి ఉంది. ముఖ్యంగా మహిళలకైతే పసిడిపై అపారమైన ప్రేమ ఉంటుంది. ఇది కేవలం ఆభరణంగా కాదు, సంపదగా భావించి కొనుగోలు చేస్తుంటారు. పెళ్లిళ్లు, శుభకార్యాల సమయంలో అయితే బంగారం అమ్మకాలు అత్యధికంగా ఉంటాయి. ప్రస్తుతం పెళ్లిళ్ల సీజన్‌ కారణంగా దేశవ్యాప్తంగా బంగారం డిమాండ్ పెరిగింది. ఇదే సమయంలో బంగారం ధరలు ఇటీవల గణనీయంగా పెరిగి, ఒక దశలో రూ.1 లక్షను తాకాయి. అయితే గత వారం రోజులుగా ఈ ధరలు కాస్త స్థిరంగా, కొద్దిగా తగ్గుతూ ఉండటం పసిడి ప్రియులకు ఊరటనిచ్చింది.

Today Gold Price : అయ్యో..మళ్లీ బంగారం ధర పెరిగిందే..ఈరోజు ఎంత ఉందంటే !

మార్చి చివరి వారం నుంచి ఏప్రిల్ అంతా బంగారం ధరలు పెరుగుదలతో రికార్డులు సృష్టించాయి. కానీ తాజాగా మే నెల ప్రారంభం నాటికి ధరలు క్రమంగా తగ్గాయి. తిరిగి ఈరోజు కొద్దిగా పెరగడం గమనార్హం. మే 3, 2025 నాటి ధరల ప్రకారం.. హైదరాబాద్, విజయవాడ, విశాఖపట్నం, ప్రొద్దుటూరు వంటి పట్టణాల్లో పది గ్రాముల పసిడి ధర రూ.96,270గా ఉంది. ఇది శుక్రవారంతో పోలిస్తే రూ.50 పెరుగుదల. అదే సమయంలో వెండి ధరలు మాత్రం భారీగా రూ.2,101 తగ్గి రూ.95,059కి చేరుకోవడం మరో విశేషం.

ధరలు స్వల్పంగా మారుతున్నా, పెళ్లిళ్ల సీజన్ లో బంగారం కొనుగోళ్లు తగ్గే సూచనలు కనిపించటం లేదు. సాధారణంగా ధర తగ్గిన సమయంలోనే ఎక్కువ కొనుగోళ్లు జరిగే అవకాశం ఉంటుంది. ప్రస్తుతం బంగారం ధరలు తిరిగి పెరిగే అవకాశమూ ఉండటంతో, కొనుగోలుదారులు తక్కువ సమయంలో ఎక్కువ పరిమాణంలో కొనుగోలు చేయాలని భావిస్తున్నారు.