lord ganesh : తొండం లేని నరముఖ గణపతి ఆలయం మీకు తెలుసా..?

గణపతి… అనగానే అందరికీ ముందు గుర్తుకువచ్చేది తొండం. స్వామి ఏకదంతం. అయితే స్వామికి తొండం లేని గణపతిని ఎవరూ ఊహించరు కానీ తొండం లేని గణపతి ఆలయం ఒకటి మనదేశంలో ఉందంటే ఆశ్చర్యం కలుగుతుంది. కానీ ఇది నిజం ఆ దేవాలయం విశేషాలు తెలుసుకుందాం….

Loard Ganesh mysterious temple thilatharpanapuri

ఈ దేవాలయం తిలతర్పణపురి అనే గ్రామంలో వున్న స్వర్నవల్లి సమేత ముక్తీశ్వారర్ ఆలయం. బాలగణపతి. ఇక్కడ నరముఖంతో వున్న గణపతి వున్నారు. ఇక్కడ గణపతి తొండం లేకుండా బాలగణపతి రూపంలో మనిషి ముఖంతో వుంటారు. ఇలాంటి ఆలయం చాలా అరుదుగా వుంటుంది. నరముఖగణపతి ఈ ఆలయం ముఖ్యంగా నరముఖ గణపతి లేదా ఆది వినాయకర్ గణపతితో చాలా ప్రసిద్ధి చెందినది. ఇక ఈ ఆలయ విశేషాలు తెలుసుకుందాం.. ఈగ్రామానికి తిలతర్పణపురిగా పేరుగాంచింది.

తిలతర్పణపురి

ఇక్కడ రాములవారు తన తండ్రి అయిన దశరథునికి నాలుగు పిండాలు పెట్టగా ఆ వంశంలోని వారు లింగాలరూపంలో మారటం జరిగింది. అందువలన ఈ ఊరిని తిలతర్పణపురి అని పిలవటం జరుగుతుంది. త్రివేణిసంగమం
ఈ ఆలయం ముఖ్యంగా భారతదేశంలోనే 7 స్థలాలుగా చెప్పబడే కాశీ, రామేశ్వరం, శ్రీవాణ్యం, తిరువెంకాడు, గయ, త్రివేణి సంగమంతో సరిసమానమైన స్థలంగా చెప్పబడుతోంది.

ఎవరైతే పెద్దలకు కార్యక్రమాలు నిర్వహించలేక ఎన్నో బాధలతో ఇబ్బంది పడుతూవుంటారో వారు ఈ ఆలయాన్ని దర్శించి పెద్దలకు తర్పణాలు వదలటం ద్వారా ఆ దోషాల నుంచి విముక్తి పొందగలరు.

ఎలా వెళ్ళాలి ?

ఈ దేవాలయం కూతనూరు సరస్వతీ ఆలయానికి 3 కి. మీల దూరంలోను, తమిళనాడులోని తిరునల్లార్శని భగవానుని ఆలయానికి 25కి.మీ ల దూరంలో ఉంది.