ఆచార్య : జనవరి 26 నుంచి అన్నీ మొదలు పెట్టబోతున్న చిరంజీవి..!
Authored By vamana sai
| The Telugu News |
Updated on: January 21, 2021, 2:50 pm
ఆచార్య సినిమా మీద దేశ వ్యాప్తంగా ప్రతీ ఒక్కరిలో ఉత్కంఠత నెలకొంది. మెగాస్టార్ చిరంజీవి నుంచి 151 గా సైరా వచ్చి ఎన్నో నెలలు గడిచిపోయింది. వాస్తవంగా చిరంజీవి రీ ఎంట్రీ తర్వాత అసలు గ్యాప్ లేకుండా సినిమాలు చేయాలని భావించారు. కాని సైరా సినిమా పాన్ ఇండియన్ సినిమా కాబట్టి ఎక్కువ సమయం తీసుకోవాల్సి వచ్చింది. ఆ తర్వాత ఆచార్య సినిమా కథలో కీలక మార్పుల వల్ల 152 గా రావాల్సిన ఆచార్య సినిమా ఇంకా సెట్స్ మీదే ఉంది. అయితే ఎంత ఆలస్యం అవుతున్నా కూడా ఆచార్య సినిమా మీద ప్రతీ ఒక్కరిలో ఇండస్ట్రీ రికార్డ్ సాధిస్తుందన్న నమ్మకం అంతగా పెరిగిపోతోంది.
aacharya chiranjeevi starting everithing from janavari 26
అందుకు కారణం దర్శకుడు కొరటాల శివ. ఇప్పటి వరకు ఫ్లాప్ అంటూ ఎరగని దర్శకుడు కొరటాల శివ మెగాస్టార్ చిరంజీవి కాంబినేషన్ లో సామాజిక అంశానికి చిరంజీవి రేంజ్ కమర్షియల్ ఎలిమెంట్స్ జోడించి రూపొందిస్తుండటమే. ఇక ఇప్పటికే ఈ సినిమాకోసం వేసిన భారీ టెంపుల్ సెట్ ట్రెండింగ్ లో నిలిచింది. కొరటాల శివ ఆచార్య కోసం ఎంచుకున్న కథ.. కథనం లో యూనివర్సల్ ఎలిమెంట్స్ ఉన్నాయి. అందుకే ఈ సినిమా మీద అంచనాలు తారా స్థాయిలో ఏర్పడ్డాయి. ఇక రీసెంట్ గా ఈ సినిమాలో సిద్ద పాత్రలో నటించబోతున్న రాం చరణ్ కూడా జాయిన్ అయ్యాడు.
ఆచార్య : జనవరి 26 తర్వాత ఆచార్య టీం ఏం చేయబోతున్నారు ..?
కాజల్ అగర్వాల్ హీరోయిన్ గా నటిస్తున్న ఈ సినిమాలో స్పెషల్ సాంగ్ లో రెజీనా.. కీలక పాత్రల్లో సోనూసూద్ లాంటి ప్రముఖులు నటిస్తున్నారు. మణిశర్మ సంగీతం అందిస్తున్నాడు. కాగా ఈ సినిమా షూటింగ్ దాదాపుగా కంప్లీట్ కావస్తోందట. ఈ క్రమంలో ఆచార్య ప్రమోషన్స్ ని మొదలు పెట్టాలని చిరంజీవి భావిస్తున్నారని సమాచారం. ఈ క్రమంలో ఈ నెల 26 న టీం టీజర్ ప్లాన్ చేస్తున్నట్టు తెలుస్తోంది. అంతేకాదు టీజర్ రిలీజ్ దగ్గర్నుంచి వరసగా పోస్టర్స్.. లిరికల్ సాంగ్స్ … ట్రైలర్ తో ఆచార్య ప్రమోషన్స్ ని పీక్స్ లో నిర్వహించబోతున్నట్టు విశ్వసనీయ వర్గాల ద్వారా అందుతున్న సమాచారం. కాగా మెగాస్టార్ నటించిన 153 తాజాగా ఓపెనింగ్ జరిగింది.
Also read
