Adhire Abhi : జబర్దస్త్‌ ని అదిరే అభి వదిలి వేయడానికి కారణం ఇదేనా?

Adire Abhi : జబర్దస్త్ లో సుదీర్ఘ కాలంగా కొనసాగుతూ వచ్చిన అదిరే అభి కొన్నాళ్ల క్రితం మానేసిన విషయం తెలిసిందే. ప్రస్తుతం ఆయన స్టార్ మా లో కొనసాగుతున్నాడు. స్టార్ కమెడియన్ గా గుర్తింపు దక్కించుకున్న ఆయన ఉన్నట్లుండి జబర్దస్త్ నుండి ఎందుకు వెళ్ళి పోయాడు అంటూ ప్రతి ఒక్కరు ఆశ్చర్యం వ్యక్తం చేశారు. ప్రస్తుతం కామెడీ స్టార్స్లో మంచి గుర్తింపు దక్కించుకుంటూ కామెడీ చేస్తూ అందర్నీ ఆకట్టుకుంటున్నాడు. అక్కడ చేస్తున్న కామెడీనే ఇక్కడ కూడా చేస్తే బాగుండేది అంటూ మరి కొందరు అభిప్రాయం వ్యక్తం చేస్తున్నారు. ఎందుకు ఇక్కడ నుండి వెళ్ళి పోయాడు అంటూ జబర్దస్త్ అభిమానులు చర్చలు జరుపుకుంటున్నారు.

ఈ సమయంలో మల్లెమాల వారి నుండి అందుతున్న సమాచారం ప్రకారం పారితోషికం విషయంలో వివాదాలు తలెత్తడం కారణంగానే అదిరే అభి వెళ్ళి పోయాడు. అదిరే అభి టీమ్‌ నుండి ఎంతో మంది మంచి కమెడియన్స్ వచ్చారు. హైపర్ ఆది కూడా అదిరే అభి టీం నుండి వచ్చిన వ్యక్తే అవ్వడం అందరికి తెలిసిందే. ట్యాలెంట్‌ ఎక్కడ ఉన్నా గుర్తించి తెలుగు ప్రేక్షకుల ముందుకు తీసుకు వచ్చిన ఘనత కచ్చితంగా అదిరే అభి కి ఉంటుంది. అలాంటి అదిరే అభి కి జబర్దస్త్ నుండి స్వస్తి పలకడం విడ్డూరంగా ఉంది అంటూ సినీ విశ్లేషకులు అభిప్రాయం వ్యక్తం చేస్తున్నారు.

Adhire Abhi why change etv to star maa tv

తాజాగా అందుతున్న సమాచారం ప్రకారం అదిరే అభి పారితోషకం పెంచాలని డిమాండ్ చేశాడంటూ.. సమాచారం సుడిగాలి సుధీర్ మరియు హైపర్ ఆది లకు ఇచ్చినంత పారితోషికాన్ని తనకు కూడా ఇవ్వాలని అభి డిమాండ్ చేశారని అందువల్లే ఆయన్ని పొమ్మన లేక పొగ పెట్టారంటూ గుసగుసలు వినిపిస్తున్నాయి. మల్లెమాల వారు పారితోషికం విషయంలో చాలా స్ట్రిక్ట్ గా ఉంటారు. కంటెంటుని బట్టి పారితోషికం ఉంటుంది. కనుక అదిరే అభి కి ఆశించిన స్థాయిలో పారితోషికం దక్కలేదు. అందుకే ఆయన చానల్ మారాల్సి వచ్చింది అంటూ సినీ వర్గాల ద్వారా సమాచారం అందుతోంది. ప్రస్తుతం స్టార్ మా లో కొనసాగుతున్న ఆయనకు మంచి పారితోషికం దకుతున్నట్లుగా ఆయన సన్నిహితులు చెబుతున్నారు.