Acharya: మెగాస్టార్ చిరంజీవి ఆచార్య సినిమా అప్డేట్ రాబోతోందని గత కొన్ని రోజులుగా రూమర్లు వస్తోన్న సంగతి తెలిసిందే. అందులో భాగంగా చిరంజీవి ఓ అడుగు ముందుకు వేసి ఆచార్య టీజర్‌పై ఆసక్తికరంగా అప్డేట్ ఇచ్చాడు. చిరంజీవి ఇలాంటి స్పెషల్ అప్డేట్లను ఎలా లీక్ చేస్తాడో అందరికీ తెలిసిందే. చిరు తన్మయత్వంలో మునిగి తేలి ఆచార్య సినిమా టైటిల్‌ను అలానే లీక్ చేశాడు. ఆ సమయంలో కొరటాల, ఆచార్యపై లెక్కలేనన్ని మీమ్స్ వచ్చాయి.

Chiranjeevi koratala siva About Acharya Teaser

అలా నాడు తమపై జరిగిన ట్రోల్స్, వచ్చిన మీమ్స్ ఆధారంగా నేడు ఆచార్య అప్డేట్‌ను ఇచ్చాడు చిరంజీవి. చిరంజీవి స్పెషల్‌గా ఓ మీమ్‌ను క్రియేట్ చేశాడు. ఇందులో తనకు కొరటాల మధ్య సంభాషణను చిరంజీవి క్రియేటివ్‌గా ఎడిట్ చేశాడు. ఏమయ్యా కొరటాల ఆచార్య టీజర్ న్యూ ఇయర్‌కి లేదు.. సంక్రాంతికి లేదు.. ఇంకెప్పుడు అని కొరటాలను హెచ్చరించినట్టుగా చూపించాడు.

సర్ అదే పనిలో ఉన్నా.. అని కొరటాల భయపడుతూ చెప్పినట్టుగా ఉన్నాడు.. ఇప్పుడు చెప్పకపోతే లీక్ చేయడానికి రెడీగా ఉన్నా అని చిరు కౌంటర్ వేశాడు. రేపు మార్నింగే అనౌన్స్ మెంట్ ఇచ్చేస్తా సర్ అని కొరటాల కాస్త బెరుగ్గా సమాధానం ఇచ్చినట్టున్నాడు. ఇస్తావ్ గా అని మరోసారి చిరంజీవి గదమాయించాడు.. అనౌన్స్ మెంట్ రేపు మార్నింగ్ పది గంటలకు ఫిక్స్ సర్ అంటూ ఆచార్య టీజర్ గురించి చెప్పుకొచ్చాడు. మొత్తానికి ఆచార్య టీజర్ అప్డేట్ రేపు ఉదయం పది గంటలకు రాబోతోంది. అయితే ఈ అప్డేట్ కంటే.. అప్డేట్ ఇచ్చిన విధానం, ఆ మీమ్ ఇప్పుడు తెగ వైరల్ అవుతోంది.

Follow Us

bkalyan

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది