Allu Arjun : అల్లు అర్జున్- అట్లీ కాంబో మూవీపై క్రేజీ అప్‌డేట్.. ఫ్యాన్స్‌కి బిగ్ స‌ర్‌ప్రైజ్ ఎప్పుడంటే..!

Allu Arjun : పుష్ప సినిమా Pushpa Movie తో పాన్ ఇండియా స్టార్‌గా మారిన అల్లు అర్జున్ ఇప్పుడు పుష్ప‌2 అనే చిత్రం చేస్తున్నాడు. ఈ మూవీని సుకుమార్ Sukumar భారీ స్కేల్‌లో రూపొందిస్తున్నారు. ఆగ‌స్ట్‌లో ఈ చిత్రం రిలీజ్‌కి సిద్ధ‌మ‌వుతుంది.ఈ మూవీపై తెలుగుతో పాటు ప్యాన్ ఇండియా స్థాయిలో అంచ‌నాలు భారీ రేంజ్‌లో ఉన్నాయి. గతేడాది అల్లు అర్జున్ బర్త్ డే సందర్భంగా చిత్రం నుండి విడుదలైన గ్లింప్స్ ఓ రేంజ్‌లో రెస్సాన్స్ ద‌క్కించుకుంది. ఇందులో సంజ‌య్ ద‌త్ ముఖ్య పాత్ర పోషించ‌డంతో మూవీపై అంచ‌నాలు పీక్స్‌కి వెళ్లాయి. సినిమాకి సంబంధించిన ఏ అప్‌డేట్ బ‌య‌ట‌కు వ‌చ్చిన కూడా అది నెట్టింట వైర‌ల్‌గా మారుతుంది.

ఇక పుష్ప2 సినిమా త‌ర్వాత అల్లు అర్జున్ ఏ ద‌ర్శ‌కుడితో మూవీ చేస్తాడా అని అంద‌రు ఆస‌క్తిగా ఎదురు చూస్తున్నారు. ఈ క్ర‌మంలోనే త‌మిళ ద‌ర్శ‌కుడు అట్లీతో చేయ‌నున్న‌ట్టు ప్ర‌చారం జ‌రిగింది. గ‌తేడాది ‘జవాన్‌’ చిత్రంతో బ్లాక్ బ‌స్ట‌ర్ అందుకున్న అట్లీ ఇప్ప‌టికే బ‌న్నీకి ఓ క‌థ వినిపించాడ‌ని, అది న‌చ్చ‌డంతో వెంట‌నే గ్రీన్ సిగ్న‌ల్ ఇచ్చాడ‌ని అంటున్నారు. ఇప్ప‌టికే ఈ ప్రాజెక్ట్‌కి సంబంధించిన‌ స్క్రిప్ట్ పనులు కూడా పూర్తయ్యాయ స‌మాచారం. రీసెంట్‌గా అట్లీ త‌న అసిస్టెంట్ ద‌ర్శ‌కుల‌తో స్క్రిప్ట్ గురించి డిస్క‌స్ చేస్తున్న‌ట్లు వీడియో సోష‌ల్ మీడియాలో తెగ హ‌ల్‌చ‌ల్ చేసింది.

అల్లు అర్జున్ పుట్టిన రోజు ఏప్రిల్ 8న కావ‌డంతో ఆ రోజు చిత్రానికి సంబంధించిన అనౌన్స్‌మెంట్ ఉంటుంద‌నే టాక్ న‌డుస్తుంది. తెలుగు, తమిళం, హిందీ నిర్మాతలు సంయుక్తంగా ఈ ప్రాజెక్ట్‌ని భారీ ఎత్తున నిర్మించ‌నున్నార‌ని స‌మాచారం.. ఈ సినిమాలో అల్లు అర్జున్ సరసన పూజా హెగ్డే పేరును పరిశీలించిన‌ట్టు వార్త‌లు వినిపించాయి. కాని అవ‌న్నీ కూడా అవాస్త‌వం అని కొట్టి ప‌డేశారు. దువ్వాడ జగన్నాథం, అల వైకుంఠపురములో హిట్స్ తర్వాత పూజా హెగ్డే- అల్లు అర్జున్ క‌లిసి ప‌ని చేయ‌బోతున్నార‌ని అభిమానులు భావించిన‌ప్ప‌టికీ అదంతా పుకారుగానే మిగిలింది. త్వ‌ర‌లోనే ఈ ప్రాజెక్ట్‌కి సంబంధించి పూర్తి క్లారిటీ రావ‌ల‌సి ఉంది.