Gopichand : ఎత్తైన కొండ‌పై నుండి ప‌డిపోయిన గోపీచంద్.. పెద్ద ప్ర‌మాదం తప్పిందిగా..!

Gopichand : మాచో హీరో గోపిచంద్ పెద్ద ప్ర‌మాదం నుండి బ‌య‌ట‌పడ్డాడు. తొలుత హీరోగా ఎంట్రీ ఇచ్చిన ఆయన ఆ తర్వాత విలన్గా మారి మళ్ళీ హీరోగా మారి వరుస విజయాలు అందుకున్నాడు. గత కొంతకాలంగా సరైన హిట్ కోసం పరితపిస్తున్న ఆయన ప్రస్తుతం తనకు వరుస విజయాలు అందించిన శ్రీ వాస్ దర్శకత్వంలో ఓ సినిమా చేస్తున్నాడు. ఈ సినిమాకు లక్ష్యం 2 అనే పేరు పరిశీలిస్తున్నారు. ఈ సినిమా షూటింగ్ మైసూర్ పరిసర ప్రాంతాల్లో జరుగుతోంది. అక్కడ ఓ యాక్షన్ సీన్ చిత్రీకరిస్తున్న సందర్భంగా గోపీచంద్ కాలుకు స్వల్ప గాయాలైనట్టు ఈ సినిమా దర్శకుడు శ్రీవాస్ మీడియాకు తెలిపారు.

షూటింగ్‌ లొకేషన్‌లో కాలు జార‌డంతో ఎత్తైన ప్రదేశం నుంచి కిందపడ్డారు. ఓ ఫైట్ సీన్ కోసం డూప్ లేకుండా పాల్గొన్న గోపీచంద్ ప్రమాదానికి గురయ్యాడు. అయితే ఈ ప్రమాదంలో ఆయనకు ఎలాంటి గాయాలు కాలేదని, గోపీచంద్‌ క్షేమంగా ఉన్నారని సమచారం. అభిమానులు ఎవరు ఆందోళన చెందవద్దన్నారు. గోపీచంద్ సినిమాల విషయానికొస్తే.. మ్యాచో స్టార్ గోపీచంద్ ప్రస్తుతం మారుతి దర్శకత్వంలో పక్కా కమర్షియల్ అనే సినిమా చేస్తున్న సంగతి తెలిసిందే. ఈ సినిమా షూటింగ్ కంప్లీటై విడుదలకు రెడీగా ఉంది. దీంతో పాటు గోపీచంద్ ప్రముఖ తమిళ మాస్ డైరెక్టర్ హరి దర్శకత్వంలో ఓ సినిమాకు ఓకే అన్నట్లు టాక్ నడుస్తోంది. డైరెక్టర్ హరి గురించి ప్రత్యేకంగా పరిచయం చేయాల్సిన పనిలేదు. తన ‘సింగం’ సిరీస్ సినిమాలతో సూపర్ ఫాలోయింగ్‌ను, పాపులారిటీని తెచ్చుకున్నారు.

gopichand escapes from major accident

Gopichand : పెద్ద ప్రమాదం త‌ప్పింది..

దర్శకుడు టి కృష్ణ సినీ వారసుడిగా రంగ ప్రవేశం చేసిన గోవింద్ ముందుగా తొలి వలపు అనే సినిమా ద్వారా హీరోగా పరిచయం అయ్యారు. అయితే ఆ సినిమా ఆయనకు పెద్దగా పేరు తీసుకురాలేదు. ఆ తర్వాత ఆయన విలన్ గా మారి జయం సినిమాలో అందరినీ మెప్పించాడు. ఇక ఆ తర్వాత నిజం అనేది సినిమాలో మహేష్ బాబుకు విలన్గా నటించి ప్రేక్షకులను అలరించాడు. ఇక వర్షం సినిమాతో కూడా ప్రభాస్ కు విలన్ గా నటించి తెలుగులో ది బెస్ట్ విలన్ గా పేరు తెచ్చుకున్నాడు . ఇక ఆ తర్వాత యజ్ఞం సినిమాలో హీరోగా మారిన ఆయన మళ్లీ వెనక్కి తిరిగి చూసుకునే పని పడలేదు. ఆంధ్రుడు, రణం, రారాజు, ఒక్కడున్నాడు, లక్ష్యం, శౌర్యం వంటి అనేక సినిమాల్లో ఆయన హీరోగా నిలదొక్కుకున్నాడు.