Hema : హేమ ద‌గ్గ‌ర వంద‌ల కోట్లు ఉన్నాయా.. ఇంకా సంపాదిస్తున్నా అంటూ స్ట‌న్నింగ్ కామెంట్ చేసిన క్యారెక్టర్ ఆర్టిస్ట్

Hema : నటి హేమ టాలీవుడ్‌లో క్యారెక్టర్‌ ఆర్టిస్ట్‌గా మంచి గుర్తింపు పొందింది. పలు సినిమాల్లో అక్కగా, వదినగా, భార్యగా ఎన్నో క్యారెక్టర్స్‌తో ప్రేక్షకులను అలరించింది. బిగ్ బాస్ షోలోను కొన్ని రోజులు సంద‌డి చేసింది. ఉన్న‌ది కొన్ని రోజులే అయిన తెగ ర‌చ్చ చేసిన బ‌య‌ట‌కు వ‌చ్చింది. ఇటీవ‌ల మా ఎల‌క్ష‌న్స్ లోను హేమ హంగామా మాములుగా లేదు. శివ‌బాలాజీ చేయి కొరికి వార్త‌ల‌లోకి ఎక్కింది. అయితే కొద్ది రోజులుగా హేమ ప‌లు ఇంట‌ర్వ్యూలు ఇస్తూ వార్త‌ల‌లో నిలుస్తుంది. రీసెంట్‌గా కెరీర్ మొద‌ట్లో త‌న ప‌డ్డ ఇబ్బందులు గురించి చెప్పుకొచ్చింది.

ఇప్పుడంటే షూటింగ్ ల‌కు వెళ్లిన‌ప్పుడు బ‌ట్ట‌లు మార్చుకునేందుకు క్యారెవ్యాన్ లు ఉండేవి గానీ అప్ప‌ట్లో అలాంటివి ఏమీ ఉండేవి కాద‌ని చెప్పింది. దుస్తులు మార్చుకోవాల‌న్నా…టాయిలెట్ కు వెళ్లాల‌న్నా కూడా చాలా ఇబ్బందులు ఎదుర‌య్యేవ‌ని చెప్పింది. ముత్యాల సుబ్బ‌య్య‌గారి భార‌తనారి అనే సినిమాలో న‌టిస్తున్న స‌మ‌యంలో తాను డైరెక్ట‌ర్ మ‌రికొంద‌రి తో క‌లిసి భోజ‌నం చేస్తున్న సమ‌యంలో ఓ ప్రొడ‌క్ష‌న్ బాయ్ త‌న‌ను ప‌క్క‌కు వెళ్లి తిన‌మ‌న్నార‌న్ని చెప్పింది. దాంతో త‌న‌కు కోపం వ‌చ్చి అక్క‌డే ఉన్న టేబుల్ ను విసిరేసాన‌ని కుర్చీని అత‌డిపై విసిరేసాన‌ని తెలిపింది. ఇక తాజాగా ఆమెకు వంద‌ల కోట్ల ఆస్తులు ఉన్న‌ట్టు వార్త‌లు రాగా,దానిపై స్పందించింది.

hema tells about her financial status

Hema : హేమ ప్లానింగ్స్ మాములుగా లేవు..!

హేమకు వందల కోట్ల ఆస్తులున్నాయని వస్తున్న వార్తలపై ప్రశ్నించగా.. వందల కోట్లైతే లేవు గానీ ఉన్నవరకు బాగానే ఉన్నాయని, తన కూతురిని సెటిల్ చేసేంత సంపాదించానని చెప్పింది. ఇప్పటికీ సంపాదిస్తూనే ఉన్నానని, ఇంకా కూడా సంపాదిస్తా అని తెలిపింది. తలవంచే పని తప్పితే, ఏ పనీ అయినా చేయానికి తానెప్పుడూ సిద్ధంగా ఉంటానని హేమ చెప్పుకొచ్చింది. తన కెరీర్ ఆరంభంలో వేలల్లోనే మాట్లాడే తాను ఇప్పుడు లక్షల్లో మాట్లాడాల్సి వస్తోందని చెప్పింది. చిన్నప్పటి నుంచే తనకు క్యాష్ మేనేజ్‌మెంట్ చేయడం తెలుసని, ప్రతి రూపాయిని చాలా జాగ్రత్తగా ఆలోచించి ఖర్చు పెడతానని చెప్పింది హేమ