Janaki Kalaganaledu 10 Nov Today Episode : జానకిని అసహ్యించుకున్న రామా.. తనకు విడాకులు ఇస్తాడా? అఖిల్ విషయంలో జానకి తప్పుచేసిందా?

Janaki Kalaganaledu 10 Nov Today Episode : జానకి కలగనలేదు సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 10 నవంబర్ 2022, గురువారం ఎపిసోడ్ 429 హైలైట్స్ ఏంటో ఇప్పుడు చూద్దాం. అసలు ఏం జరిగిందో రామాకు విడమర్చి అంతా చెబుతుంది జానకి. దీంతో అఖిలే వందకు వంద శాతం ఆ అమ్మాయిని చంపడానికి చూశాడని ఎలా చెబుతారు. మీరు అఖిల్ కు వదిన. అంటే తల్లితో సమానం. అఖిల్ భవిష్యత్తు కోసం ఒక్క అబద్ధం ఆడండి. పదండి పోలీస్ స్టేషన్ కు వెళ్దాం.. మీరు కేసు వాపస్ తీసుకోండి అని జానకికి చెబుతాడు రామా. కానీ.. నేను అలా చేయలేనండి. నా మనసు ఒప్పుకోదు అని అంటుంది జానకి. దీంతో రామాకు ఏం చేయాలో అర్థం కాదు. మరోవైపు జ్ఞానాంబ, గోవిందరాజు అందరూ అఖిల్ గురించే బాధపడుతూ ఉంటారు. ఇంతలో బయటికి జానకి వస్తుంది. చూస్తే ఎవ్వరూ టిఫిన్ కూడా చేయకుండా అలాగే కూర్చొని ఉంటారు. అత్తయ్య గారు మీరు ట్యాబ్లెట్లు వేసుకోవాలి. భోం చేద్దురు కానీ రండి అంటుంది జానకి.

దీంతో నా పేగు తెంచుకొని పుట్టిన కొడుకు కటకటాల్లో ఉంటే కన్నతల్లిగా నా కడుపు ఎలా నింపుకోగలను. కొన్నాళ్లు పోతే నాన్నా అని మురిపంగా పిలిపించుకోవాల్సిన నా కొడుకు జైలులో ఉంటే ఈ అమ్మ మనసు ఎలా తట్టుకుంటుంది. నాకేమీ తినాలనిపించడం లేదు అంటుంది జ్ఞానాంబ. మామయ్య గారు.. మీరు తింటే అత్తయ్య గారు కూడా తింటారు. రండి మామయ్య గారు భోం చేద్దురు గానీ ప్లీజ్ అంటుంది జానకి. దీంతో అఖిల్ కు ఊహ తెలిసిన దగ్గర్నుంచి ఎక్కువగా నాతోనే ఆడుకునేవాడు. నాదగ్గరే పడుకునే వాడు అని చెబుతాడు. ఒక రోజు నేను ఇంటికి తిరిగి వచ్చే సరికి చాలా రాత్రి అయింది. దీంతో అప్పటి వరకు నాకోసం తినకుండా అలాగే కూర్చొన్నాడు. ఇప్పుడు వాడు పోలీస్ స్టేషన్ లో ఉంటే ఇప్పుడు నాకు తిండి ఎలా సహిస్తుంది అని అంటాడు గోవిందరాజు.

దీంతో జెస్సీ దగ్గరికి వెళ్తుంది జానకి. నువ్వయినా వెళ్లి తిను అంటే నా ప్రాణం అలా పోలీస్ స్టేషన్ లో ఉంటే నాకు తిండి ఎలా సహిస్తుంది అక్క అంటుంది జెస్సీ. దీంతో చేసిందంతా చేసి తినమంటే ఎవరు మాత్రం తినగలరు జానకి అంటుంది మల్లిక.

దీంతో రామా దగ్గరికి వెళ్లి రామా గారు.. అందరినీ ఒప్పించి భోజనానికి తీసుకురండి. తినకుండా ఉంటే ఎలా చెప్పండి అంటే.. మేము తిండి తినకున్నా మీకు ఏం పర్వాలేదు కానీ.. మీ సిద్ధాంతం మీకు ముఖ్యం. మీరు భోం చేయండి అని చెప్పి రామా అక్కడి నుంచి వెళ్లిపోతాడు.

కట్ చేస్తే పోలీస్ స్టేషన్ లో సెల్ లో ఉంటాడు అఖిల్. రామా స్టేషన్ కు వస్తాడు. రెండు నిమిషాలు నా తమ్ముడితో మాట్లాడుతా అంటాడు. దీంతో కుదరదు అంటాడు ఎస్ఐ. బతిమిలాడటంతో సరే మీరు త్వరగా మాట్లాడి వెళ్లండి అంటాడు పోలీస్.

Janaki Kalaganaledu 10 Nov Today Episode : అఖిల్ ను కలిసిన రామా

ఒరేయ్ అఖిల్. నిన్ను ఇలా కటకటాల వెనుక చూస్తుంటే నా గుండె తరుక్కుపోతోంది. నీకు ఏం కాదురా. భయపడకు అంటాడు. నువ్వు నన్ను ఇంటికి తీసుకెళ్లడానికి వచ్చావని అనుకున్నాను. కానీ.. ఓదార్చడానికి వచ్చావా అన్నయ్య అంటాడు అఖిల్.

నేను ఏ తప్పు చేయలేదు అన్నయ్య. నీకు దండం పెడతాను. నన్ను వెంటనే ఇక్కడి నుంచి తీసుకెళ్లిపో అన్నయ్య అంటాడు అఖిల్. వదినకు నా మీద ఎందుకు అంత కోపం. నా మీద అంత మంచి ఒపినియన్ లేదు అంటాడు అఖిల్.

నీకు చేతనమైతే సంపాదించి చూపించు అంటూ నామీద బాగా ఒత్తిడి తీసుకొచ్చింది. కాబోయే పోలీస్ ఆఫీసర్ కదా అన్నయ్య వదిన. తనేంటో నిరూపించుకోవడం కోసం నన్ను బలిపశువును చేసింది అంటాడు అఖిల్.

దీంతో బాధపడకు. నేను ఎలాగైనా నిన్ను బయటికి తీసుకొస్తాను. ఇన్ స్పెక్టర్ గారితో మాట్లాడుతాను అంటాడు రామా. కానీ.. కేసు నమోదు అయ్యాక ఎఫ్ఐఆర్ నమోదు చేయాలి. మీరు ఏం చేసినా ఈలోపే చేయండి అంటాడు ఎస్ఐ.

మరోవైపు జ్ఞానాంబ.. తన కొడుకు గురించే ఆలోచిస్తూ ఉంటుంది. గోవిందరాజు తనను ఓదార్చుతాడు. జెస్సీ కూడా వెక్కి వెక్కి ఏడుస్తూ ఉంటుంది. ఇక.. జానకి కూడా దీనంగా కూర్చొంటుంది.

కానీ.. రామా తనతో మాట్లాడడు. దూరంగా ఉంటాడు. దీంతో తమ్ముడి మీద కేసు పెట్టానని రామా గారు నాకు దూరంగా ఉంటున్నారు అని అనుకుంటుంది జానకి. ఆ తర్వాత మళ్లీ రామా, జానకి మధ్య గొడవ అవుతుంది. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.