Jr NTR : ఎన్టీఆర్‌ మొదటి సారి కోటి రూపాయల పారితోషికం తీసుకున్న సినిమా ఏంటో తెలుసా?

Jr NTR : యంగ్ టైగర్ ఎన్టీఆర్ రెమ్యూనరేషన్ ప్రస్తుతం రూ. 100 కోట్ల కు కాస్త అటు ఇటు గా ఉంటుంది అనడంలో సందేహం లేదు. టాలీవుడ్ జక్కన్న రాజమౌళి దర్శకత్వం లో రూపొంది గత ఏడాది ప్రేక్షకుల ముందుకు వచ్చిన ఆర్ఆర్ఆర్ సినిమా భారీ విజయాన్ని సొంతం చేసుకున్న విషయం తెలిసిందే. ఆ సినిమా తో ఏకంగా పాన్ వరల్డ్ స్టార్ గా ఎన్టీఆర్ నిలిచాడు. ఏకంగా ఆస్కార్ అవార్డుని సైతం సొంతం చేసుకుంటాడు అన్నట్లుగా అంతర్జాతీయ మీడియా సంస్థల్లో ఎన్టీఆర్ గురించి కథనాలు వచ్చాయి. కొమరం భీమ్ పాత్ర కోసం ఎన్టీఆర్ పడ్డ కష్టం అద్భుతమైనది అనడంలో సందేహం లేదు. అలాంటి ఎన్టీఆర్ కి రాబోయే రోజుల్లో

ఒక్కొక్క సినిమాకు ఏకంగా రూ. 100 కోట్లకు పైగా రెమ్యూనరేషన్ దక్కే అవకాశాలు ఉన్నాయి .ఇలాంటి ఎన్టీఆర్ ఒకప్పుడు కోటి రూపాయల లోపు రెమ్యూనరేషన్ తీసుకున్నాడు. హీరోగా నిన్ను చూడాలని సినిమాతో ఎన్టీఆర్ తెలుగు ప్రేక్షకులకు పరిచయమయ్యాడు. అంతకు ముందు రెండు మూడు సినిమాల్లో నటించినా కూడా ఆ రెమ్యూనరేషన్ విషయం పక్కన పెడితే నిన్ను చూడాలని సినిమాకు చాలా తక్కువ రెమ్యూనరేషన్ తీసుకున్నాడు. వేల రూపాయలు ఆ సినిమా రెమ్యూనరేషన్ ఉండి ఉంటుంది అనేది టాక్. మొదటి సారి స్టూడెంట్ నెంబర్ 1 సినిమా కు లక్షల్లో ఎన్టీఆర్ రెమ్యూనరేషన్ తీసుకున్నాడు. ఇక సుబ్బు, ఆది సినిమాలకు కూడా ఎన్టీఆర్ రెమ్యూనరేషన్ చాలా తక్కువే.

ఆది సినిమా భారీ బ్లాక్ బస్టర్ విజయాన్ని సొంతం చేసుకోవడంతో ఎన్టీఆర్ స్టార్డం అమాంతం పెరిగింది. ఆ తర్వాత నటించిన అల్లరి రాముడు, నాగ సినిమాలకు కోటికి పైగా మొదటి సారి ఎన్టీఆర్ రెమ్యూనరేషన్ తీసుకున్నాడు. ఎప్పుడైతే సింహాద్రి సినిమా సూపర్ హిట్ అయ్యిందో.. ఇండస్ట్రీ హిట్ గా నిలిచిందో అప్పటి నుండి టాలీవుడ్ స్టార్ హీరోలకు సరసన నిలిచేలా రెమ్యూనరేషన్ విషయంలో టాప్ ఫైవ్ గా ఉంటూ వస్తున్నాడు. ప్రస్తుతం టాలీవుడ్ స్టార్ హీరోల అత్యధిక రెమ్యూనరేషన్ తీసుకుంటున్న హీరోగా కూడా ఎన్టీఆర్ పేరు దక్కించుకున్నాడు అంటూ ఆయన అభిమానులు మాట్లాడుకుంటున్నారు.