Jr NTR : ఎన్టీఆర్‌ ను బాగా వాడేస్తున్న కళ్యాణ్‌ రామ్‌.. కోట్లల్లో లాభాలు!

Jr NTR : నందమూరి కళ్యాణ్‌ రామ్‌ నటించిన బింబిసార సినిమాకు పాజిటివ్ రెస్పాన్స్‌ వచ్చింది. సినిమా మొదలు పెట్టిన సమయంలో పెద్దగా అంచనాలు లేవు. బింబిసార ఏంటో అంటూ చాలా మంది ముక్కున వేలేసుకున్నారు. ఎప్పుడైతే ఎన్టీఆర్‌ ఈ సినిమా ప్రమోషన్ లో భాగస్వామ్యం అయ్యాడో అప్పుడు స్థాయి అమాంతం పెరిగింది అనడంలో సందేహం లేదు. బింబిసార మొదటి రోజు మంచి ఓపెనింగ్స్ ను రాబట్టింది. అంతే కాకుండా సినిమా లాంగ్ రన్ లో కూడా డీసెంట్‌ గా వసూళ్లను రాబట్టి మంచి హిట్ గా నిలవడం కన్ఫర్మ్‌.

బింబిసార ఈ విజయంలో ఎన్టీఆర్‌ పాత్ర ఎంత అంటే ఖచ్చితంగా కొంత అయినా ఉంది అనడంలో సందేహం లేదు. ఎన్టీఆర్‌ కచ్చితంగా అన్నయ్య ప్రతి సినిమా ప్రమోషన్ కార్యక్రమాల్లో పాల్గొంటూ ఉన్నాడు. ఈ సినిమాకు కూడా పాల్గొన్నాడు. అందుకు తగ్గ ప్రతిఫలం కళ్యాణ్ రామ్‌ కు దక్కింది.. దక్కబోతుంది. ఎన్టీఆర్‌ ప్రమోషన్ వల్ల ప్రీ రిలీజ్ బిజినెస్ సమయంలోనే లాభాలు దక్కి ఉంటాయి అనేది ఇండస్ట్రీ వర్గాల టాక్‌. ఇప్పుడు ఎన్టీఆర్‌ ఆర్ట్స్ గురించి కూడా ఆసక్తికర ప్రచారం జరుగుతోంది.

విశ్వసనీయంగా అందుతున్న సమాచారం ప్రకారం ఎన్టీఆర్‌ నటించబోతున్న ప్రతి ఒక్క సినిమాకు కూడా అన్నయ్య కళ్యాణ్ రామ్‌ సొంత నిర్మాణ సంస్థ అయిన ఎన్టీఆర్‌ ఆర్ట్స్‌ ను భాగస్వామ్యం చేయబోతున్నాడు. కొరటాల శివ తో చేయబోతున్న సినిమా నిర్మాణం లో కళ్యాణ్ రామ్‌ భాగస్వామి అనే విషయం తెల్సిందే. ఎన్టీఆర్‌ ఆర్ట్స్ లో ఎన్టీఆర్‌ కు భాగస్వామ్యం ఉందా అంటూ ఒక ఇంటర్వ్యూలో కళ్యాణ్ రామ్‌ ను ప్రశ్నించిన సమయంలో ఆయన స్పందిస్తూ మేము అంతా ఒక ఫ్యామిలీ.. మా మద్య లెక్కలు ఉండవు అన్నాడు. మొత్తానికి ఫ్యామిలీ అంటూ కళ్యాణ్ రామ్‌ బాగా ఎన్టీఆర్‌ ను వాడేసి కోట్ల లాభాలను దక్కించుకుంటున్నాడు అంటూ టాక్‌ వినిపిస్తుంది.